ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
អគ្គនាយក និងគណៈគ្រប់គ្រងក្រុមហ៊ុនRMA Cambodia ទទួលការណែនាំពីអ្នកផ្តល់សេវាកម្មអតិថិជនតាមភោជនីយដ្ឋាន
01, May 2016 ,
9:02 pm
រូបភាព
×
ដោយ:
ថ្មីៗ
អគ្គនាយក និងគណៈគ្រប់គ្រងរបស់ក្រុមហ៊ុន អ អិម អេ កម្ពុជា (RMA Cambodia) ទទួលការណែនាំ បង្ហាត់បង្ហាញពីអ្នកផ្តល់សេវាកម្មអតិថិជនតាមភោជនីយដ្ឋាន ក្នុងឱកាសប្រារព្ធពិធី អីអេហ្វជី ដេ (EFG’s Day) ចំថ្ងៃទិវាពលកម្មអន្តរជាតិ ១ ឧសភា។
EFG’s Day នេះ ត្រូវបានប្រាព្ធធ្វើឡើងជារាងរាល់ឆ្នាំដោយក្រុមហ៊ុន EFG ដែលជាសមាជិកក្រុមហ៊ុនមួយរបស់ក្រុមហ៊ុន RMA Cambodia។ ក្រុមហ៊ុន EFG បានផ្តល់ឱកាសដល់បុគ្គលិកស្នាក់ការកណ្តាល [RMA Cambodia] ស្ម័គ្រចិត្តធ្វើការនៅតាមហាង COSTA COFFEE ដឹភីហ្សាខមផេនី (The Pizza Company) ប៊ីប៊ីឃ្យូ (BBQ) ស្វេនស្សិន (Swensen’s) និង ដេរី ឃ្វីន (Dairy Queen)។
បុគ្គលិកទាំងនោះ បានបំពេញការងារទៅតាមតួនាទីដូចជាអ្នកចំអិនហារ រៀបចំអាហារ ឆុងកាហ្វេ សេវាកម្មអតិថិជន លាងជូតសម្អាតចាន និងចូលរួមគ្នារៀបចំហាងឲ្យបានស្អាតផងដែរ។ កម្មវិធីនេះ ធ្វើឡើងក្នុងគោលបំណងដើម្បីស្វែងយល់ និងសិក្សាពីគ្នាទៅវិញទៅមក បង្កើនទំនាក់ទំនង និងភាពស្និទ្ធស្នាលរវាងបុគ្គលិកស្នាក់ការកណ្តាល និងបុគ្គលិកដែលផ្តល់សេវាអតិថិជនរៀងរាល់ថ្ងៃ។
លោក ងន សាំង ជាអគ្គនាយកក្រុមហ៊ុន RMA Cambodia ដែលមានបុគ្គលិកប្រមាណជា ២០០០ នាក់ បានលើកឡើងថា នេះមិនមែនជាលើកទីមួយទេសម្រាប់រូបលោក ក្នុងការស្ម័គ្រចិត្តមកធ្វើការតាមអាហារដ្ឋានផ្សេងៗ។ កាលពីឆ្នាំ២០១៤ លោកបានធ្វើជាអ្នកចម្អិនភីហ្សានៅ The Pizza Company ឆ្នាំមុនធ្វើជាអ្នកឆុងកាហ្វេ នៅហាង COSTA COFFEE ចំណែកឆ្នាំនេះ មកធ្វើជាផ្តល់សេវាកម្មអតិថិជននៅហាង BBQ។
លោក ងន សាំង មានប្រសាសន៍ថា៖ “ខ្ញុំប្បាយចិត្ត ដែលមានឱកាសធ្វើជាអ្នកបម្រើសេវាកម្មសម្រាប់អតិជនដោយផ្ទាល់។ វា បានផ្តល់ឱកាសឲ្យខ្ញុំបានធ្វើការរួមគ្នា រៀនសូត្រពីគ្នា និងហូបអាហារជាមួយនឹងសហការីដទៃទៀត ដែលជួបបម្រើផ្ទាល់ដល់អិតិថិជនរបស់យើង”។
“ខ្ញុំ បានផ្តួចផ្តើមកម្មវិធីនេះឡើង ដើម្បីសិក្សាពីស្ថានភាពជាក់ស្តែងរបស់បុគ្គលិក ដែលបម្រើការតាមហាង។ វាអាចឲ្យយើងដឹងពីតម្រូវរបស់ពួកគាត់ ហើយយើងអាចស្វែងយល់ពីកង្វះខាតដែលយើងមាន ដើម្បីធ្វើការកែតម្រូវ។ វា ក៏អាចបង្កើតឲ្យមានភាពស្និទ្ធស្នាលរវាងថ្នាក់ដឹកនាំ និងបុគ្គលិកនៅតាមហាង។” លោក ងន សាំង បានបន្ថែម។
ដោយសង្កេតឃើញកម្មវិធីនេះមានសារៈសំខាន់ និងបានផ្តល់អត្ថប្រយោជន៍ជាច្រើនដល់បុគ្គលិក លោក ទេព វិរៈ ជាអ្នកគ្រប់គ្រងទូទៅរបស់ក្រុមហ៊ុន EFG បានរៀបចំកម្មវិធីនេះឲ្យក្លាយជាវប្បធម៌មួយរបស់ក្រុមហ៊ុន EFG ដែលហៅថា “អ៊ីអេហ្វជី ដេ (EFG’s Day)” ដើម្បីអបអរសាទរទិវាពលកម្មអន្តរជាតិ។ ហើយនេះជាឆ្នាំទី ៣ហើយ ដែលក្រុមហ៊ុន EFG ប្រារព្ធពិធី EFG’s Day។
លោក ទេព វិរៈ បានលើកឡើងថា៖ “EFG’s Day បានផ្តល់សារៈសំខាន់យ៉ាងខ្លាំងដល់បុគ្គលិក ព្រោះពួកគាត់ បានជ្រាបច្បាស់ពីឆន្ទៈរបស់ថ្នាក់ដឹកនាំរបស់ខ្លួន ដែលតែងតែផ្តល់ឱកាស និងត្រូវបានយកចិត្តទុកដាក់ស្មើៗគ្នា និងរៀនសូត្រពីគ្នាទៅវិញទៅមក។ កម្មវិធីនេះ នឹងត្រូវបានរៀបចំសម្រាប់ឆ្នាំក្រោយៗទៀត”។
តាមច្បាប់ពលកម្មរបស់ព្រះរាជាណាចក្រកម្ពុជា និយោជិក ទទួលបានការឈប់សម្រាក ១ថ្ងៃ សម្រាប់ទិវាពលកម្មអន្តរជាតិ ១ ឧសភានេះ។ ដោយឡែក បុគ្គលិក និងគណៈគ្រប់គ្រងរបស់ក្រុមហ៊ុន RMA Cambodia ស្ម័គ្រចិត្តមកធ្វើការងារតាមហាងនានារបស់ក្រុមហ៊ុន EFG។
លោក ងន សាំង បានបន្ថែមថា៖ “បើទោះបីជាបុគ្គលិករបស់ក្រុមហ៊ុន RMA Cambodia ស្នាក់ការកណ្តាលទទួលបានការឈប់សម្រាកមួយថ្ងៃ តែពួកគាត់ស្ម័គ្រចិត្តមកធ្វើការងារនៅតាមភោជនីយដ្ឋាន។ ពួកគាត់ទាំងនោះ ធ្លាប់តែផ្តល់យោបល់ដំបូន្មាន ដើម្បីផ្តល់សេវាកម្មប្រសើរ និងមានគុណភាពខ្ពស់ដល់អតិថិជន តែសម្រាប់ថ្ងៃនេះ ពួកគាត់ត្រូវបានសហសេវិក ណែនាំវិញម្តង រួមទាំងខ្ញុំផងដែរ”។
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 ថ្ងៃ
អត្ថបទពេញនិយមបន្ថែម