អន្តរជាតិ
×![]()
ការបោះឆ្នោតនៅសហរដ្ឋអាមេរិកជារឿងដែលមនុស្សទូទាំងពិភពលោកតាមដាន ហើយវាក៏ធ្វើឲ្យមានការបារម្ភកើនឡើងផងដែរនៅពេលដែលសេដ្ឋីអចលនទ្រព្យ ដូណាល់ ត្រាំ(Donald Trump) ទទួលបានការគាំទ្រកាន់តែច្រើន។ ក្នុងជំនួបជាមួយយុវជនវៀតណាម លោក បារ៉ា់ក់ អូបាម៉ា អះអាងថា កុំបាច់បារម្ភឡើយពីការបោះឆ្នោតអាមេរិក ព្រោះអ្វីៗនឹងត្រលប់ទៅរកភាពប្រក្រតី ហើយប្រជាជនអាមេរិកនឹងសម្រេចចិត្តត្រឹមត្រូវក្នុងការបោះឆ្នោតខាងមុខ។ 
«ជាធម្មតា នៅពេលចុងក្រោយ អ្នកបោះឆ្នោតនឹងបង្កើតការសម្រេចចិត្តដ៏ល្អ ហើយប្រជាធិបតេយ្យមានដំណើរការជាធម្មតា។ អ្វីៗនឹងត្រលប់ទៅរកភាពប្រក្រតី។ ខ្ញុំជឿជាក់ថាដូច្នេះ»។ នេះជាចម្លើយរបស់លោក បារ៉ាក់ អូបាម៉ា ទៅនឹងសំណួររបស់យុវតីវៀតណាមទាក់ទងការយល់ឃើញរបស់លោក អូបាម៉ា ចំពោះអ្នកនយោបាយដែលនឹងមកជំនួសតំណែងលោកក្រោយការបោះឆ្នោតខែវិច្ឆិកា។ ការបញ្ជាក់បែបនេះធ្វើឡើងនៅពេលលោកជួបជាមួយក្រុមមេដឹកនាំវ័យក្មេងវៀតណាមថ្ងៃ ២៥ ឧសភា ម្សិលមិញនេះ។
លោក បារ៉ាក់ អូបាម៉ា ថ្លែងបន្តថា៖ «ពេលខ្លះមានគេមើលមកប្រព័ន្ធបោះឆ្នោតអាមេរិកហើយពោលថា ម៉េចក៏រញ៉េរញ៉ៃម្ល៉េះ។ ប៉ុន្តែជាធម្មតា យើងអាចបញ្ចប់ទៅដោយប្រក្រតី ព្រោះប្រជាជនអាមេរិកជាមនុស្សល្អ។ ពេលខ្លះនយោបាយរបស់យើងមិនបានបង្ហាញនូវភាពល្អនៃប្រជាជនឡើយ»។
តាមពិតទៅក្តីបារម្ភកើនឡើងច្រើនជាពិសេសនៅប្រទេសក្នុងតំបន់អាស៊ី ពីការឆ្ពោះទៅឈ្នះឆ្នោតរបស់បេក្ខជនតំណាងបក្សសាធារណរដ្ឋ ដូណាល់ ត្រាំ។ នេះក៏ដោយសារ បេក្ខជនម្នាក់នេះមាននយោបាយការបរទេសមានលក្ខណៈឯកោនិយម ដោយងាកចេញពីតំបន់អាស៊ីជាពិសេសអាស៊ីអាគ្នេយ៍។ លោកក៏ធ្លាប់អះអាងថា លោកនឹងទារថ្លៃការពារពីសម្ព័ន្ធមិត្តជប៉ុននិងកូរ៉េខាងត្បូង ហើយអនុញ្ញាតឲ្យពួកគេមានអាវុធនុយក្លេអ៊ែរ បើសិនជាលោកក្លាយជាប្រធានាធិបតីអាមេរិក។
ត្រលប់មកវិញ លោក អូបាម៉ា លើកឡើងបែបនេះ គ្រាន់តែចង់ពន្យល់ថា ទោះជាមានបញ្ហាចម្រូងចម្រាសពេលបោះឆ្នោត ក៏ដោយ ប្រជាជនអាមេរិកនឹងបង្កើតការសម្រេចចិត្តដ៏ល្អ ដោយជ្រើសរើសបេក្ខជនម្នាក់ដែលមានសមត្ថភាពនិងសក្តិសមកាន់តំណែងប្រធានាធិបតី។ ដូច្នេះគ្រប់យ៉ាងនឹងមិនអាក្រក់ដូចការបារម្ភរបស់ប្រជាជនទូទៅឡើយ។ តែលោកបានចៀសវាងការលើកឡើងចំៗពីឈ្មោះបេក្ខជនណាម្នាក់ក្នុងចំណោមបេក្ខជនបីនាក់ដែលនឹងមានលទ្ធភាពក្លាយជាប្រធានាធិបតីអាមេរិកខាងមុខនេះ។
កន្លងមក លោកក៏ធ្លាប់បញ្ជាក់ជាច្រើនដងដែរថា ជាញឹកញាប់ពេលលោកធ្វើដំណើរទៅបរទេស មេដឹកនាំពិភពលោកជាច្រើននាក់ខ្សឹបសួរលោកថា តើមានរឿងអ្វីកើតឡើងក្នុងនយោបាយអាមេរិក។ លោកនិយាយបែបលេងសើចថា លោកពិតជាហត់នឹងឆ្លើយសំណួរនេះណាស់៕
«ជាធម្មតា នៅពេលចុងក្រោយ អ្នកបោះឆ្នោតនឹងបង្កើតការសម្រេចចិត្តដ៏ល្អ ហើយប្រជាធិបតេយ្យមានដំណើរការជាធម្មតា។ អ្វីៗនឹងត្រលប់ទៅរកភាពប្រក្រតី។ ខ្ញុំជឿជាក់ថាដូច្នេះ»។ នេះជាចម្លើយរបស់លោក បារ៉ាក់ អូបាម៉ា ទៅនឹងសំណួររបស់យុវតីវៀតណាមទាក់ទងការយល់ឃើញរបស់លោក អូបាម៉ា ចំពោះអ្នកនយោបាយដែលនឹងមកជំនួសតំណែងលោកក្រោយការបោះឆ្នោតខែវិច្ឆិកា។ ការបញ្ជាក់បែបនេះធ្វើឡើងនៅពេលលោកជួបជាមួយក្រុមមេដឹកនាំវ័យក្មេងវៀតណាមថ្ងៃ ២៥ ឧសភា ម្សិលមិញនេះ។
លោក បារ៉ាក់ អូបាម៉ា ថ្លែងបន្តថា៖ «ពេលខ្លះមានគេមើលមកប្រព័ន្ធបោះឆ្នោតអាមេរិកហើយពោលថា ម៉េចក៏រញ៉េរញ៉ៃម្ល៉េះ។ ប៉ុន្តែជាធម្មតា យើងអាចបញ្ចប់ទៅដោយប្រក្រតី ព្រោះប្រជាជនអាមេរិកជាមនុស្សល្អ។ ពេលខ្លះនយោបាយរបស់យើងមិនបានបង្ហាញនូវភាពល្អនៃប្រជាជនឡើយ»។
តាមពិតទៅក្តីបារម្ភកើនឡើងច្រើនជាពិសេសនៅប្រទេសក្នុងតំបន់អាស៊ី ពីការឆ្ពោះទៅឈ្នះឆ្នោតរបស់បេក្ខជនតំណាងបក្សសាធារណរដ្ឋ ដូណាល់ ត្រាំ។ នេះក៏ដោយសារ បេក្ខជនម្នាក់នេះមាននយោបាយការបរទេសមានលក្ខណៈឯកោនិយម ដោយងាកចេញពីតំបន់អាស៊ីជាពិសេសអាស៊ីអាគ្នេយ៍។ លោកក៏ធ្លាប់អះអាងថា លោកនឹងទារថ្លៃការពារពីសម្ព័ន្ធមិត្តជប៉ុននិងកូរ៉េខាងត្បូង ហើយអនុញ្ញាតឲ្យពួកគេមានអាវុធនុយក្លេអ៊ែរ បើសិនជាលោកក្លាយជាប្រធានាធិបតីអាមេរិក។
ត្រលប់មកវិញ លោក អូបាម៉ា លើកឡើងបែបនេះ គ្រាន់តែចង់ពន្យល់ថា ទោះជាមានបញ្ហាចម្រូងចម្រាសពេលបោះឆ្នោត ក៏ដោយ ប្រជាជនអាមេរិកនឹងបង្កើតការសម្រេចចិត្តដ៏ល្អ ដោយជ្រើសរើសបេក្ខជនម្នាក់ដែលមានសមត្ថភាពនិងសក្តិសមកាន់តំណែងប្រធានាធិបតី។ ដូច្នេះគ្រប់យ៉ាងនឹងមិនអាក្រក់ដូចការបារម្ភរបស់ប្រជាជនទូទៅឡើយ។ តែលោកបានចៀសវាងការលើកឡើងចំៗពីឈ្មោះបេក្ខជនណាម្នាក់ក្នុងចំណោមបេក្ខជនបីនាក់ដែលនឹងមានលទ្ធភាពក្លាយជាប្រធានាធិបតីអាមេរិកខាងមុខនេះ។
កន្លងមក លោកក៏ធ្លាប់បញ្ជាក់ជាច្រើនដងដែរថា ជាញឹកញាប់ពេលលោកធ្វើដំណើរទៅបរទេស មេដឹកនាំពិភពលោកជាច្រើននាក់ខ្សឹបសួរលោកថា តើមានរឿងអ្វីកើតឡើងក្នុងនយោបាយអាមេរិក។ លោកនិយាយបែបលេងសើចថា លោកពិតជាហត់នឹងឆ្លើយសំណួរនេះណាស់៕
Tag:
ដូណាល់ ត្រាំ
បារ៉ាក់ អូបាម៉ា
វៀតណាម
© រក្សាសិទ្ធិដោយ thmeythmey.com
