ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ក្នុងរយៈពេលប៉ុន្មានខែមកនេះ ស្ថានភាពនយោបាយ មានកម្ដៅឡើងវិញជាបន្តបន្ទាប់ ពីព្រឹត្តិការណ៍មួយទៅព្រឹត្តិការណ៍មួយ ពីបុគ្គលម្នាក់ទៅបុគ្គលម្នាក់ ពីបុគ្គលធម្មតាទៅបុគ្គលសំខាន់ក្នុងនយោបាយ។ កម្ដៅនយោបាយកើនឡើងមិនមែនជារឿងដែលចម្លែក ប៉ុន្តែអ្វីដែលចម្លែកគឺព្រឹត្តិការណ៍ទាំងនោះវាតែងតែកើតមាននៅពេលសង្គមត្រូវការកែប្រែអ្វីមួយ។
ព្រឹត្តិការណ៍នយោបាយឡើងកម្ដៅលើកនេះ គឺជាកម្ដៅនយោបាយ មួយដែលកំពុង ធ្វើឲ្យមានការព្រួយបារម្ភខ្លាំង ទាក់ទងជាមួយដំណាក់កាលទាំងបីនៃការបោះឆ្នោតនៅកម្ពុជា ឆ្នាំ២០១៧ ២០១៨ ខាងមុខ។ បីដំណាក់កាលនៃការបោះឆ្នោតនោះរួមមាន (១)មុនថ្ងៃបោះឆ្នោត (២)ថ្ងៃបោះឆ្នោត និង(៣)ក្រោយថ្ងៃបោះឆ្នោត។
យ៉ាងណាមិញ កម្ដៅនយោបាយបច្ចុប្បន្ននេះ វាពិតជាជះឥទ្ធិពលយ៉ាងខ្លាំងដល់ការបោះឆ្នោតឆ្នាំ២០១៧ ឆ្នាំ២០១៨ ប្រសិនបើព្រឹត្តិការណ៍នយោបាយបច្ចុប្បន្ននេះវាមិនបានបញ្ចប់ក្នុងពេលឆាប់ៗ និងប្រកបដោយភាពត្រឹមត្រូវ យុត្ដិធម៌ ដែលនាំទៅរកការប្រកួតប្រជែងស្មើភាពគ្នា ក្នុងវិថីនយោបាយសម្រាប់ការបោះឆ្នោត ជាតិខាងមុខនេះ។
ហេតុដូច្នេះ ការវាយតម្លៃទៅលើដំណាក់កាលទាំងបី ជាកិច្ចការដែលចាំបាច់បំផុតសម្រាប់ការបោះឆ្នោត និងទទួលយកលទ្ធផលឆ្នោត។ ជាពិសេសគឺដំណាក់កាលទីមួយនៃការបោះឆ្នោត។ ក្នុងដំណាក់កាលនេះ ស្ថិរភាពនយោបាយ ស្ថិរភាពសង្គម ការចូលរួមដោយស្មើភាព និងសិទ្ធិសេរីភាពពេញលេញផ្នែកនយោបាយ យុត្តិធម៌ពិតគ្មានល្បិចកិច្ចកលនោះគឺជាក្ដីសង្ឃឹមនៃភាពត្រឹមត្រូវ។ ចំណែក ស្ថាប័ននានា ត្រូវផ្ដល់ជំនឿ និង ទំនុកចិត្តដល់ប្រជាពលរដ្ឋគ្រប់រូប ដើម្បីឈានឆ្ពោះទៅរកការបោះឆ្នោតមួយ ដែលមានលក្ខណៈ សេរី ត្រឹមត្រូវ និងយុត្តិធម៌ ដែលប្រជាពលរដ្ឋខ្មែរទាំងមូលអាចទទួលយកបាន។
ប៉ុន្តែ ក្នុងករណីដែលកម្ដៅនយោបាយនៅតែមានបែបនេះ ការស្រមៃមើលពីភាពយុត្តិធម៌នៃការបោះឆ្នោត វាហាក់បីដូចជានៅឆ្ងាយពីក្ដីសង្ឃឹមរបស់ប្រជាជនគ្រប់ៗរូប។ ដោយមូលហេតុនេះ ក្នុងនាមជាអ្នកនយោបាយខ្មែរ គួរសម្លឹង និងពិចារណាឲ្យកាន់តែខ្លាំងពីអ្វីទៅ ដែលហៅថា សន្តិវិធី អហិង្សា មិនគុំកួន មិនសងសឹក ដោយគ្មានមូលហេតុ។ ប៉ុន្តែត្រូវ ត្រូវធ្វើយ៉ាងណាឲ្យ ដំណើរឆ្ពោះទៅរកការបោះឆ្នោត ដើម្បីនាំមកនូវការផ្លាស់ប្ដូរជាវិជ្ជមាន ដើរទៅយ៉ាងវិជ្ជមាននិងសន្តិភាព។
គេមិនអាចបដិសេធទេថា នយោបាយ វាត្រូវតែមានល្បិច មានយុទ្ធសាស្ត្រ មានឧបាយកល ដើម្បីធ្វើយ៉ាងណាឲ្យទទួលបានអំណាច។ ប៉ុន្តែស្របពេលជាមួយយុទ្ធវិធីទាំងនោះ គេក៏ត្រូវចាំទ្រឹស្ដីមួយថា«ទីណាមានការជិះជាន់ ទីនោះមានការរើបម្រាស់»។ ហេតុនេះ យុទ្ធវិធីខ្លះនឹងនាំឲ្យកំហឹងរាស្ត្រកាន់តែខ្លាំង ពេលនោះក្ដីបារម្ភជាតិក៏កាន់តែខ្លាំងជាងនេះ៕
ព្រឹត្តិការណ៍នយោបាយឡើងកម្ដៅលើកនេះ គឺជាកម្ដៅនយោបាយ មួយដែលកំពុង ធ្វើឲ្យមានការព្រួយបារម្ភខ្លាំង ទាក់ទងជាមួយដំណាក់កាលទាំងបីនៃការបោះឆ្នោតនៅកម្ពុជា ឆ្នាំ២០១៧ ២០១៨ ខាងមុខ។ បីដំណាក់កាលនៃការបោះឆ្នោតនោះរួមមាន (១)មុនថ្ងៃបោះឆ្នោត (២)ថ្ងៃបោះឆ្នោត និង(៣)ក្រោយថ្ងៃបោះឆ្នោត។
យ៉ាងណាមិញ កម្ដៅនយោបាយបច្ចុប្បន្ននេះ វាពិតជាជះឥទ្ធិពលយ៉ាងខ្លាំងដល់ការបោះឆ្នោតឆ្នាំ២០១៧ ឆ្នាំ២០១៨ ប្រសិនបើព្រឹត្តិការណ៍នយោបាយបច្ចុប្បន្ននេះវាមិនបានបញ្ចប់ក្នុងពេលឆាប់ៗ និងប្រកបដោយភាពត្រឹមត្រូវ យុត្ដិធម៌ ដែលនាំទៅរកការប្រកួតប្រជែងស្មើភាពគ្នា ក្នុងវិថីនយោបាយសម្រាប់ការបោះឆ្នោត ជាតិខាងមុខនេះ។
ហេតុដូច្នេះ ការវាយតម្លៃទៅលើដំណាក់កាលទាំងបី ជាកិច្ចការដែលចាំបាច់បំផុតសម្រាប់ការបោះឆ្នោត និងទទួលយកលទ្ធផលឆ្នោត។ ជាពិសេសគឺដំណាក់កាលទីមួយនៃការបោះឆ្នោត។ ក្នុងដំណាក់កាលនេះ ស្ថិរភាពនយោបាយ ស្ថិរភាពសង្គម ការចូលរួមដោយស្មើភាព និងសិទ្ធិសេរីភាពពេញលេញផ្នែកនយោបាយ យុត្តិធម៌ពិតគ្មានល្បិចកិច្ចកលនោះគឺជាក្ដីសង្ឃឹមនៃភាពត្រឹមត្រូវ។ ចំណែក ស្ថាប័ននានា ត្រូវផ្ដល់ជំនឿ និង ទំនុកចិត្តដល់ប្រជាពលរដ្ឋគ្រប់រូប ដើម្បីឈានឆ្ពោះទៅរកការបោះឆ្នោតមួយ ដែលមានលក្ខណៈ សេរី ត្រឹមត្រូវ និងយុត្តិធម៌ ដែលប្រជាពលរដ្ឋខ្មែរទាំងមូលអាចទទួលយកបាន។
ប៉ុន្តែ ក្នុងករណីដែលកម្ដៅនយោបាយនៅតែមានបែបនេះ ការស្រមៃមើលពីភាពយុត្តិធម៌នៃការបោះឆ្នោត វាហាក់បីដូចជានៅឆ្ងាយពីក្ដីសង្ឃឹមរបស់ប្រជាជនគ្រប់ៗរូប។ ដោយមូលហេតុនេះ ក្នុងនាមជាអ្នកនយោបាយខ្មែរ គួរសម្លឹង និងពិចារណាឲ្យកាន់តែខ្លាំងពីអ្វីទៅ ដែលហៅថា សន្តិវិធី អហិង្សា មិនគុំកួន មិនសងសឹក ដោយគ្មានមូលហេតុ។ ប៉ុន្តែត្រូវ ត្រូវធ្វើយ៉ាងណាឲ្យ ដំណើរឆ្ពោះទៅរកការបោះឆ្នោត ដើម្បីនាំមកនូវការផ្លាស់ប្ដូរជាវិជ្ជមាន ដើរទៅយ៉ាងវិជ្ជមាននិងសន្តិភាព។
គេមិនអាចបដិសេធទេថា នយោបាយ វាត្រូវតែមានល្បិច មានយុទ្ធសាស្ត្រ មានឧបាយកល ដើម្បីធ្វើយ៉ាងណាឲ្យទទួលបានអំណាច។ ប៉ុន្តែស្របពេលជាមួយយុទ្ធវិធីទាំងនោះ គេក៏ត្រូវចាំទ្រឹស្ដីមួយថា«ទីណាមានការជិះជាន់ ទីនោះមានការរើបម្រាស់»។ ហេតុនេះ យុទ្ធវិធីខ្លះនឹងនាំឲ្យកំហឹងរាស្ត្រកាន់តែខ្លាំង ពេលនោះក្ដីបារម្ភជាតិក៏កាន់តែខ្លាំងជាងនេះ៕
© រក្សាសិទ្ធិដោយ thmeythmey.com
