ជាតិ
សេដ្ឋកិច្ច
WFP ផ្តល់ជំនួយ ១១លានដុល្លារ សម្រាប់ជួយបង្ការគ្រោះរាំងស្ងួតនៅកម្ពុជា លោក ញឹម វណ្ណដា ប្រធានគណៈកម្មាធិការជាតិគ្រប់គ្រងគ្រោះមហន្តរាយ
× អង្គការស្បៀងអាហារពិភពលោក (WFP) នឹងផ្តល់ជំនួយថវិកាចំនួន ១១លានដុល្លារអាមេរិកដល់កម្ពុជា ដែលថវិកាមួយផ្នែកសម្រាប់គម្រោងជួយបង្ការគ្រោះរាំងស្ងួត និងមួយផ្នែកទៀតសម្រាប់គម្រោងផ្គត់ផ្គង់អាហារសម្រន់ដល់កុមារតាមសាលារៀន។
បើតាមលោក ញឹម វណ្ណដា ប្រធានគណៈកម្មាធិការជាតិគ្រប់គ្រងគ្រោះមហន្តរាយ ដែលត្រូវបានដកស្រង់សំដីដោយទីភ្នាក់ងារព័ត៌មានជាតិកម្ពុជា AKP នៅថ្ងៃទី២៦ខែឧសភា ឲ្យដឹងថា ថវិកាចំនួន ១១លានដុល្លារ ដែល WFP ត្រៀមនឹងជួយដល់កម្ពុជានេះ មួយផ្នែកនឹងត្រូវប្រើប្រាស់ក្នុងគម្រោងជីកអ ណ្ដូង, ស្រះទឹក ដើម្បីជួយសង្គ្រោះពលរដ្ឋដែលរងគ្រោះក្នុងភាពរាំងស្ងួតនៅពេលក្រោយទៀត។
ក្រៅពីគម្រោងបង្ការគ្រោះរាំងស្ងួត ជំនួយ១១លានដុល្លារនេះ ក៏នឹងត្រូវអនុវត្តលើគម្រោងផ្គត់ផ្គង់អាហារសម្រន់សម្រាប់កុមារនៅតាមសាលារៀនផងដែរ។
តាមរយៈគម្រោងបង្ការក្នុងស្ថានភាពរាំងស្ងួតនេះ អង្គការ WFP បានប៉ាន់ប្រមាណថា គម្រោងនឹងមានលទ្ធភាពជួយប្រជាពលរដ្ឋប្រមាណ ៥សែននាក់ក្នុងតំបន់ជួបគ្រោះរាំងស្ងួត។ ជាមួយគ្នានេះ WFP បានកំណត់ ខេត្តបាត់ដំបង, ឧត្តមរមានជ័យ, កំពង់ធំ និងតំបន់មួយចំនួននៃខេត្តកំពង់ចាមជាដើម ថាជា តំបន់ងាយនឹងជួបគ្រោះធម្មជាតិ និងគ្រោះរាំងស្ងួតច្រើនជាងគេ៕
Tag:
WFP
រាំងស្ងួត
ញឹម វណ្ណដា
© រក្សាសិទ្ធិដោយ thmeythmey.com