ជាតិ
លោក ម៉ុង ឫទ្ធី មានមហិច្ឆតាចង់ឲ្យពលរដ្ឋ១លាននាក់មានផ្ទះនិងដីក្នុងតំបន់អភិវឌ្ឍន៍លោក
×![]()
ខេត្តព្រះសីហនុ៖ លោក ម៉ុង ឫទ្ធី បានប្រាប់ក្រុមយុវជនកាលពីថ្ងៃទី២១ ឧសភាថា លោកមិនទាន់ក្លាយជាបុគ្គលជោគជ័យ តាមការចុះផ្សាយរបស់សារព័ត៌មានឡើយ។ លោកបញ្ជាក់ថា ក្នុងជីវិតពាណិជ្ជកម្មរបស់លោក គឺលោកទើបធ្វើបានតែ ៤០ភាគរយប៉ុណ្ណោះ។ លោក ម៉ុង ឫទ្ធី បានព្រលយសំដីយ៉ាងច្បាស់ៗថា មុននឹងលោកស្លាប់ លោកចង់ជួយពលរដ្ឋខ្មែរ១លាននាក់ ឲ្យមានផ្ទះ និងដីធ្លីរស់នៅសមរម្យ ក្នុងតំបន់អភិវឌ្ឍន៍ខេត្តព្រះសីហនុរបស់លោក។ 
គ្រប់ផ្ទះ ដែលលោក ម៉ុង ឫទ្ធី សង់ឲ្យកម្មកររស់នៅ គឺលោកបានសរសេរពីបទបញ្ជាផ្ទៃក្នុង ចំនួន ៤ចំណុច។ ទី១ ចេះសាមគ្គីផ្ទៃក្នុង មិនខ្ចីបុលពីអ្នកណាទាំងអស់។ ទី២ ចៀសវាងឲ្យឆ្ងាយពីគ្រឿងញៀន និងគ្រឿងស្រវឹងគ្រប់ប្រភេទ។ ទី៣ រួមគ្នាលុបបំបាត់ល្បែងស៊ីសងគ្រប់ប្រភេទ រួមទាំងតុងទីន និងកន្ទុយលេខផង។ និងទី៤ រួមគ្នាថែរក្សាការពារសត្វព្រៃ ព្រៃឈើ និងដាំដើមឈើឡើងវិញឲ្យបានច្រើន។
លោក ម៉ុង ឫទ្ធី ពន្យល់ថា មូលហេតុដែលលោកសរសេរបម្រាបទាំងនោះ ដោយសារលោកមិនចង់ឲ្យប្រជាពលរដ្ឋឡើងតុលាការ។ «អ្នកឈ្នះញញឹម អ្នកចាញ់ទឹកភ្នែក»។ នេះជាសំដីរបស់លោក ម៉ុង ឫទ្ធី មុននឹងលោកបន្តនិយាយប្រាប់ក្រុមយុវជន ដែលចូលទៅទស្សនកិច្ចក្នុងតំបន់អភិវឌ្ឍន៍របស់លោកថា អ្នកមានហូបតិចជាងអ្នកក្រ។ ក្នុងនោះលោកចង់និយាយសំដៅលើខ្លួនឯងថា លោកក៏មិនធ្លាប់ស្គាល់ខារ៉ាអូខេ ឫល្បែងស៊ីសងអ្វីនោះដែរ។ល៕
សូមស្តាប់សំឡេងលោក ម៉ុង ឫទ្ធី
Tag:
ម៉ុង ឫទ្ធី
© រក្សាសិទ្ធិដោយ thmeythmey.com
