បទយកការណ៍ / បទសម្ភាសន៍
ជនជាតិភាគតិចលំបាករស់នៅ ព្រោះអត់សត្វព្រៃ និងព្រៃឈើធម្មជាតិ
×
ភ្នំពេញ៖ ជនជាតិដើមភាគតិចខេត្តរតនគិរី កំពុងប្រឈមនឹងបញ្ហារស់នៅប្រចាំថ្ងៃ ដោយសារ ពួកគេបាត់បង់សត្វព្រៃ និងព្រៃឈើដែលចិញ្ចឹមជីវិតពួកគេ តាំងពីដូនតា ជំនាន់មុនៗ។ ជនជាតិ ដើមភាគតិចក្នុងខេត្តភាគឦសាន ប្រទេសកម្ពុជា បាន និងកំពុងផ្លាស់ប្តូរពីការរស់នៅតាមបែបប្រពៃណីបុរាណ មករស់នៅតាមបែបទំនើបវិញ ស្របពេលក្រុមហ៊ុនវិនិយោគដំណាំកសិឧស្សា ហកម្ម ក្រុមហ៊ុនរុករករ៉ែ កំពុងវិនិយោគក្នុងតំបន់ព្រៃភ្នំតំបន់ពួកគេរស់នៅ។
លោកស្រី ដាំ ចន្ធី អាយុ ៦២ឆ្នាំ នាយិកាអង្គការសមាគមខ្មែរលើ-រតនគិរី បាននិយាយថា ពលរដ្ឋជនជាតិដើម ភាគតិចលំបាករស់នៅតាមបែបសម័យទំនើប ព្រោះពួកគេមានចំណេះវិជ្ជាតិចតួច និងពុំអាចរកចំណូលទទួលទានប្រចាំថ្ងៃដូចជនជាតិខ្មែរឡើយ។ ប៉ុន្តែ លោកស្រីជនជាតិទំពួន រូបនេះ បានលើកឡើងថា ការអភិវឌ្ឍនឹងអាចជួយជីវភាពពួកគេ ប្រសិនបើការអភិវឌ្ឍនោះ មិនប៉ះពាល់ដល់ការរស់នៅជនជាតិដើមភាគតិច។
តើជនជាតិខេត្តរតនគិរីមានប៉ុន្មានជនជាតិ? អ្វីខ្លះ? ប៉ុន្មាននាក់? តើពួកគេប្រកបរបអ្វី បច្ចុប្បន្ន? តើការអភិវឌ្ឍន៍ក្នុងខេត្តភាគឦសានមួយនេះ នាំឲ្យជនជាតិភាគតិចមានជីវភាពល្អប្រសើរ ឬទេ? ហេតុអ្វីល្អ និងមិនល្អ?
ដើម្បីជ្រាបព័ត៌មានលម្អិត សូមស្តាប់បទសម្ភាសន៍រវាងលោក រឿន ភារុន អ្នកសារព័ត៌មាន អេឡិចត្រូនិកថ្មីៗ និងលោកស្រី ដាំ ចន្ធី នាយិកាអង្គការសមាគមខ្មែរលើ-រតនគិរី ដូចតទៅ៖
សូមបញ្ជាក់ថា អង្គការសមាគមខ្មែរលើ ផ្តោតគំនិតលើការលើស្ទួយជីវភាពជនជាតិភាគតិច ក្រោមជំនួយអង្គការមិនមែនរដ្ឋាភិបាលបរទេស។ បច្ចុប្បន្ន អង្គការមួយនេះ ស្ថិតក្នុងសង្កាត់បឹងកន្សែង ក្រុងបានលុង ខេត្តរតនគិរី៕
Tag:
ជនជាតិភាគតិច
រតនគិរី
© រក្សាសិទ្ធិដោយ thmeythmey.com