រូបត្លុក
នយោបាយខ្មែរ៖ «ខ្ញុំបិទភ្នែក និងបិទត្រចៀកហើយ»
× ភ្នំពេញ៖ ជាធម្មតា ពលរដ្ឋគ្រប់រូបត្រូវតែចូលរួមតាមដានស្ថានការណ៍នយោបាយនៅក្នុងប្រទេសកម្ពុជា ក្នុងនាមជាពលរដ្ឋខ្មែរម្នាក់ដែរ។ ពេលខ្លះ មិនត្រឹមតែចូលរួមតាមដានទេ តែត្រូវចូលរួមកាច់ចង្កូតទៀតផង។ ប៉ុន្តែ នៅពេលដែលពួកគេចូលរួមតាមដាន និងចូលរួមកាត់ចង្កូតយូរៗទៅ ធ្វើឲ្យពួកគេធុញទ្រាន់ លែងចង់ដឹង ចង់លឺទៀតហើយ។
យុទ្ធសាស្ត្រនយោបាយដដែលៗ តាំងពីឆ្នាំ១៩៩៣មក ធ្វើឲ្យពលរដ្ឋសាមញ្ញ អ្នកតាមដាននយោបាយ អ្នកជំនួញ និស្សិតបញ្ញវន្ត មួយចំនួនធំ សម្តែងការមិនពេញចិត្តនឹងអ្នកនយោបាយខ្មែរ។ នៅតាមតុកាហេ្វស្ទើរគ្រប់ទីកន្លែង ពួកគេនាំគ្នានិយាយថា ធុញនឹងស្ថានភាពនយោបាយនាពេលបច្ចុប្បន្ននេះណាស់។ ធុញទ្រាន់ ពីព្រោះ ពួកគេចង់ឃើញអ្នកនយោបាយប្តូរពីរឿង«ឈ្លោះគ្នា»ឥតសូវមានប្រយោជន៍ ទៅជជែកគ្នាពីរឿងអភិវឌ្ឍជាតិឲ្យបានច្រើន ជាការប្រសើរជាង៕
© រក្សាសិទ្ធិដោយ thmeythmey.com