ជាតិ
×![]()
ដោយ: ថ្មីៗ
ភ្លៀងធ្លាក់ ដោយលាយឡំជាមួយនឹងខ្យល់បក់ខ្លាំងជាងមួយម៉ោងក្នុងរាជធានីភ្នំពេញ នារសៀលថ្ងៃពុធ ទី៨ ខែមិថុនា នេះ បណ្តាលឲ្យមានការខូចខាតទ្រព្យសម្បត្តិជាច្រើន។ ភ្ញៀងមួយមេធំនេះ ឲ្យលូទឹកស្អុយហូរទឹកពេញផ្លូវ ដើមឈើបាក់រលំសង្កត់លើរថយន្ត ករណីស្រុតដីនៅម្តុំពហុកីឡដ្ឋានជាតិ និងលិចផ្លូវ ជាពិសេសនៅតាមមុខផ្ទះប្រជាពលរដ្ឋ។
នៅខាងលិចវិទ្យាស្ថានភាសាបរទេស (IFL) នៃសាកលវិទ្យាល័យភូមិន្ទភ្នំពេញ រថយន្ត៤គ្រឿងត្រូវខូចខាត ដោយសារដើមអំពិលរលំលើ។ នេះបើតាមយោងតាមការចុះទៅដល់ផ្ទាល់របស់អ្នកព័ត៌មាននៃសារព័ត៌មានថ្មីៗ ។
នៅផ្នែកខាងកើតនៃរបងពហុកីឡដ្ឋានជាតិអូឡាំពិក មានរថយន្តយ៉ាងហោចណាស់៣គ្រឿង បានរងការខូចខាតដោយសារតែការបាក់ផ្លូវ ក្រោយកម្លាំងទឹកភ្លៀងដែលហូរខ្លាំង។
ដោយឡែក ទឹកស្អុយបានហូរចេញពេញផ្លូវនៅត្រង់ចំណុចលូរទឹកស្អុយបឹងត្របែក ដែលបង្កក្តីបារម្ភដល់ប្រជាពលរដ្ឋដែលនៅម្តុំនោះ។
តាមរយៈបណ្តាញសង្គមហ្វេសប៊ុក គេសង្កេតឃើញមានការបង្ហោះព្រោងព្រាតនូវរូបភាពទឹកលិចនៅមុខផ្ទះប្រជាពលរដ្ឋ។
© រក្សាសិទ្ធិដោយ thmeythmey.com
