អន្តរជាតិ
×![]()
រដ្ឋាភិបាលក្រុងហ្សាការតា បានចេញមុខការពារគោលជំហររបស់ខ្លួនតទល់ជាមួយនឹងក្រុងប៉េកាំងក្នុង ប្រតិបត្តិការបង្ក្រាបទូកនេសាទខុសច្បាប់ដែលបានបំពានក្នុងតំបន់អធិបតេយ្យឥណ្ឌូនេស៊ីដែលជាផ្នែក មួយនៃសមុទ្រចិនខាងត្បូងផងដែរ។ 
ឥណ្ឌូនេស៊ី នៅថ្ងៃទី២០ ខែមិថុនា ម្សិលមិញ បានចេញតទល់ជាមួយនឹងចិនលើប្រតិបត្តិការរបស់ខ្លួន ក្នុងការបោសសម្អាសបទល្មើសនៃការចូលនេសាទត្រីខុសច្បាប់ក្នុងអធិបតេយ្យខ្លួនដែលជាផ្នែកមួយ នៃសមុទ្រចិនខាងត្បូង។ ប្រតិកម្មនេះ ត្រូវបានធ្វើឡើងបន្ទាប់ពី ចិន បានតវ៉ាចំពោះការឃាត់ទូក និង ចាប់ពលរដ្ឋខ្លួនដែលជាម្ចាស់ទូកផងដែរនោះ។
កាលពីថ្ងៃអាទិត្យទី១៩ខែមិថុនា កន្លងទៅ ក្រសួងការបរទេសចិន បានតវ៉ាកងទ័ពជើងទឹកឥណ្ឌូនេស៊ី លើប្រតិបត្តិការបង្ក្រាបទូកនេសាទចិនក្នុងសមុទ្រចិនខាងត្បូង និងបានឃុំខ្លួនអ្នកបើកបរទូកប្រាំពីរ និងបានបង្កឲ្យអ្នកនេសាទម្នាក់រងរបួសទៀតផង។ សេចក្តីថ្លែងការណ៍របស់ចិន ត្រូវបានធ្វើឡើងបន្ទាប់ពីមានឧប្បទ្ទវហេតុនៅក្បែរតំបន់ Natuna ដែលជាតំបន់ដែលឥណ្ឌូនេស៊ី ចាត់ទុកថាស្ថិតក្នុងតំបន់សេដ្ឋកិច្ចផ្តាច់មុខរបស់ខ្លួន ដែលស្ថិតក្នុងសមុទ្រចិនខាងត្បូងនោះ។
ភ្លាមៗជាមួយនឹងការតវ៉ារបស់ចិន រដ្ឋមន្ត្រីនេសាទឥណ្ឌូនេស៊ី លោកស្រី Susi Pudjiastuti ដែលអ្នកដឹកនាំយុទ្ធនាការបង្ក្រាបនោះ ក៏បានចេញការពារចំណាត់ការរបស់កងនាវិកផងដែរ។ លោកស្រី បានអះអាង ថា ចំណាត់ការរបស់កងទ័ពជើងទឹកឥណ្ឌូនេស៊ី បានប្រតិបត្តិការក្នុងគោលដៅមួយដ៏ត្រឹមត្រូវ ក្នុងការរក្សាអធិបតេយ្យដែនសមុទ្ររបស់ខ្លួន។ លោកស្រី បញ្ជាក់ថា ការបាញ់លើទូកនេសាទនោះ គឺស្របទៅនឹងនីតិវិធី។
លោកស្រី សង្កត់ធ្ងន់ថា «ការលួចនេសាទត្រី គឺជាបទល្មើស។ ហើយ វា គឺជារឿងដែលមិនអាចទៅ រួចនោះទេដែលមានកិច្ចព្រមព្រៀងរវាងប្រទេសដែលអនុញ្ញាតឲ្យមានការលួចនេសាទត្រីនោះ»។
ជុំវិញបញ្ហានេះ លោកប្រធានាធិបតីឥណ្ឌូនេស៊ី Joko Widodo ក៏បានជួបជាមួយនឹងរដ្ឋមន្ត្រីសន្តិសុខភា្លមៗផងដែរ។ នេះបើយោងតាមការអះអាងរបស់អ្នកនាំពាក្យប្រធានាធិបតីលោក Johan Budi ។
អ្នកនាំពាក្យរូបនោះ បានបញ្ជាក់ថា លោកប្រធានាធិបតី បានបញ្ជាឲ្យរដ្ឋមន្ត្រីសន្តិសុខក្នុងការការពារអធិបតេយ្យ ដែលឥណ្ឌូនេស៊ី បានព្យាយាមកសាងតាំងពីទទួលបានឯករាជ្យមកម្ល៉េះ។ ប៉ុន្តែលោក ប្រធានាធិបតី ក៏បានបន្ថែមដែរថា លោក មិនចង់ឲ្យចំណាត់ការនេះត្រូវបានបញ្ចប់ដោយមិនធ្វើឲ្យ ប៉ះពាល់ដល់ទំនាក់ទំនងល្អនោះទេ។
សូមជម្រាបផងដែរថា ឥណ្ឌូនេស៊ីដែលជាប្រទេសមានបណ្តុំកោះធំ និងច្រើនជាងគេរបស់ពិភពលោក បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។
កាលពីខែកុម្ភៈ និងមេសាកន្លងទៅ អាជ្ញាធរឥណ្ឌូនេស៊ី ក៏បានកម្ទេចទូកនេសាទរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ាសរុប៥០គ្រឿង ដោយចោទថាចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
ឥណ្ឌូនេស៊ី នៅថ្ងៃទី២០ ខែមិថុនា ម្សិលមិញ បានចេញតទល់ជាមួយនឹងចិនលើប្រតិបត្តិការរបស់ខ្លួន ក្នុងការបោសសម្អាសបទល្មើសនៃការចូលនេសាទត្រីខុសច្បាប់ក្នុងអធិបតេយ្យខ្លួនដែលជាផ្នែកមួយ នៃសមុទ្រចិនខាងត្បូង។ ប្រតិកម្មនេះ ត្រូវបានធ្វើឡើងបន្ទាប់ពី ចិន បានតវ៉ាចំពោះការឃាត់ទូក និង ចាប់ពលរដ្ឋខ្លួនដែលជាម្ចាស់ទូកផងដែរនោះ។
កាលពីថ្ងៃអាទិត្យទី១៩ខែមិថុនា កន្លងទៅ ក្រសួងការបរទេសចិន បានតវ៉ាកងទ័ពជើងទឹកឥណ្ឌូនេស៊ី លើប្រតិបត្តិការបង្ក្រាបទូកនេសាទចិនក្នុងសមុទ្រចិនខាងត្បូង និងបានឃុំខ្លួនអ្នកបើកបរទូកប្រាំពីរ និងបានបង្កឲ្យអ្នកនេសាទម្នាក់រងរបួសទៀតផង។ សេចក្តីថ្លែងការណ៍របស់ចិន ត្រូវបានធ្វើឡើងបន្ទាប់ពីមានឧប្បទ្ទវហេតុនៅក្បែរតំបន់ Natuna ដែលជាតំបន់ដែលឥណ្ឌូនេស៊ី ចាត់ទុកថាស្ថិតក្នុងតំបន់សេដ្ឋកិច្ចផ្តាច់មុខរបស់ខ្លួន ដែលស្ថិតក្នុងសមុទ្រចិនខាងត្បូងនោះ។
ភ្លាមៗជាមួយនឹងការតវ៉ារបស់ចិន រដ្ឋមន្ត្រីនេសាទឥណ្ឌូនេស៊ី លោកស្រី Susi Pudjiastuti ដែលអ្នកដឹកនាំយុទ្ធនាការបង្ក្រាបនោះ ក៏បានចេញការពារចំណាត់ការរបស់កងនាវិកផងដែរ។ លោកស្រី បានអះអាង ថា ចំណាត់ការរបស់កងទ័ពជើងទឹកឥណ្ឌូនេស៊ី បានប្រតិបត្តិការក្នុងគោលដៅមួយដ៏ត្រឹមត្រូវ ក្នុងការរក្សាអធិបតេយ្យដែនសមុទ្ររបស់ខ្លួន។ លោកស្រី បញ្ជាក់ថា ការបាញ់លើទូកនេសាទនោះ គឺស្របទៅនឹងនីតិវិធី។
លោកស្រី សង្កត់ធ្ងន់ថា «ការលួចនេសាទត្រី គឺជាបទល្មើស។ ហើយ វា គឺជារឿងដែលមិនអាចទៅ រួចនោះទេដែលមានកិច្ចព្រមព្រៀងរវាងប្រទេសដែលអនុញ្ញាតឲ្យមានការលួចនេសាទត្រីនោះ»។
ជុំវិញបញ្ហានេះ លោកប្រធានាធិបតីឥណ្ឌូនេស៊ី Joko Widodo ក៏បានជួបជាមួយនឹងរដ្ឋមន្ត្រីសន្តិសុខភា្លមៗផងដែរ។ នេះបើយោងតាមការអះអាងរបស់អ្នកនាំពាក្យប្រធានាធិបតីលោក Johan Budi ។
អ្នកនាំពាក្យរូបនោះ បានបញ្ជាក់ថា លោកប្រធានាធិបតី បានបញ្ជាឲ្យរដ្ឋមន្ត្រីសន្តិសុខក្នុងការការពារអធិបតេយ្យ ដែលឥណ្ឌូនេស៊ី បានព្យាយាមកសាងតាំងពីទទួលបានឯករាជ្យមកម្ល៉េះ។ ប៉ុន្តែលោក ប្រធានាធិបតី ក៏បានបន្ថែមដែរថា លោក មិនចង់ឲ្យចំណាត់ការនេះត្រូវបានបញ្ចប់ដោយមិនធ្វើឲ្យ ប៉ះពាល់ដល់ទំនាក់ទំនងល្អនោះទេ។
សូមជម្រាបផងដែរថា ឥណ្ឌូនេស៊ីដែលជាប្រទេសមានបណ្តុំកោះធំ និងច្រើនជាងគេរបស់ពិភពលោក បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។
កាលពីខែកុម្ភៈ និងមេសាកន្លងទៅ អាជ្ញាធរឥណ្ឌូនេស៊ី ក៏បានកម្ទេចទូកនេសាទរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ាសរុប៥០គ្រឿង ដោយចោទថាចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
Tag:
ឥណ្ឌូនេស៊ី
អាស៊ាន
© រក្សាសិទ្ធិដោយ thmeythmey.com
