កីឡាអន្តរជាតិ
អន្តរជាតិ
×![]()
ដោយ: ថ្មីៗ
ការប្រកួត១៦ក្រុមចុងក្រោយនៃពានរង្វាន់កីឡាបាល់ទាត់ទ្វីបអឺរ៉ិប Euro 2016 ឈានដល់រាត្រីចុងក្រោយហើយ ដោយគូប្រជែងវគ្គផ្តាច់ព្រ័ត្រកាលពីឆ្នាំ២០១២ អេស្ប៉ាញ និងអ៊ីតាលី ត្រូវតទល់គ្នានៅម៉ោង១១យប់ មុនពេល អង់គ្លេស ប្រកួតជាមួយអ៊ីស្លង់ នៅម៉ោង២ទៀបភ្លឺ។ បច្ចុប្បន្ន ក្រុមដែលឈានទៅវគ្គ១/៤ផ្តាច់ព្រ័ត្រ រួមមាន ប៉ូឡូញ វេលស៍ ព័រទុយហ្គាល់ បែលហ្ស៊ិក អាល្លឺម៉ង់ និងម្ចាស់ផ្ទះបារាំង។
នាជំនួបនៅ Stade de France នាវេលាម៉ោង១១យប់នេះ អ៊ីតាលី នឹងប្រើប្រាស់ការប្រកួតនេះ ដើម្បីសងសឹកអេស្ប៉ាញ ដែលបានបំបាក់ខ្លួន ៤-០ ដើម្បីលើកពានកាលពីឆ្នាំ២០១២ ។ អ៊ីតាលី បានលេខ១ពូល F ក្រោយឈ្នះបែលហ្ស៊ិក ២-០ ឈ្នះស៊ុយអែត ១-០ តែចាញ់សាធារណរដ្ឋអៀរឡង់ ១-០ ខណៈអេស្ប៉ាញ បានលេខ២ពូល D ក្រោយឈ្នះសាធារណរដ្ឋឆេក ១-០ ឈ្នះតួកគី ៣-០ និងចាញ់ក្រូអាស៊ី ២-១ ។ នាជំនួប៣៥លើក ពួកគេឈ្នះ១០លើកដូចគ្នា និងស្មើ១៥លើក។
នាវេលាម៉ោង២ទៀបភ្លឺ អង់គ្លេស និងអ៊ីស្លង់ ត្រូវប៉ះគ្នាជាលើកដំបូងក្នុងព្រឹត្តិការណ៍ដ៏ធំនេះនៅទីក្រុង Nice។ អង់គ្លេសជាប់លេខ២ពូល B ក្រោយស្មើរុស្ស៊ី ១-១ ឈ្នះវេលស៍ ២-១ និងស្មើស្លូវ៉ាគី ០-០ រីឯអ៊ីស្លង់ ជាប់លេខ២ពូល F ក្រោយស្មើព័រទុយហ្គាល់ ១-១ ស្មើហុងគ្រី ១-១ និងឈ្នះអូទ្រីស ២-១ ។ ក្រុមទាំងពីរធ្លាប់មានប្រវត្តិជួបគ្នាតែ២លើកប៉ុណ្ណោះ ដោយអង់គ្លេសឈ្នះ១លើក និងស្មើគ្នា១លើក។
សម្រាប់ជំនួបវគ្គ១/៤ផ្តាច់ព្រ័ត្រ ប៉ូឡូញ ដែលបានយកឈ្នះស្វ៊ីសដោយការទាត់ប៉េណាល់ទី ត្រូវប៉ះជាមួយព័រទុយហ្គាល់ដែលបានទម្លាក់ក្រូអាស៊ី ១-០ ។ វេលស៍ដែលបានយកឈ្នះអៀរឡង់ខាងជើង១-០ ត្រូវតទល់ជាមួយបែលហ្ស៊ិក ដែលបានបំបាក់ហុងគ្រី ៤-០ ។ អាល្លឺម៉ង់ ដែលឈ្នះស្លូវ៉ាគី ៣-០ រង់ចាំលទ្ធផលនៃជំនួបរវាងអ៊ីតាលី និងអេស្ប៉ាញ ខណៈម្ចាស់ផ្ទះបារាំង ដែលបានវាយបកសាធារណរដ្ឋអៀរឡង់ ២-១ រង់ចាំលទ្ធផលរវាងអង់គ្លេស និងអ៊ីស្លង់៕
នាជំនួបនៅ Stade de France នាវេលាម៉ោង១១យប់នេះ អ៊ីតាលី នឹងប្រើប្រាស់ការប្រកួតនេះ ដើម្បីសងសឹកអេស្ប៉ាញ ដែលបានបំបាក់ខ្លួន ៤-០ ដើម្បីលើកពានកាលពីឆ្នាំ២០១២ ។ អ៊ីតាលី បានលេខ១ពូល F ក្រោយឈ្នះបែលហ្ស៊ិក ២-០ ឈ្នះស៊ុយអែត ១-០ តែចាញ់សាធារណរដ្ឋអៀរឡង់ ១-០ ខណៈអេស្ប៉ាញ បានលេខ២ពូល D ក្រោយឈ្នះសាធារណរដ្ឋឆេក ១-០ ឈ្នះតួកគី ៣-០ និងចាញ់ក្រូអាស៊ី ២-១ ។ នាជំនួប៣៥លើក ពួកគេឈ្នះ១០លើកដូចគ្នា និងស្មើ១៥លើក។
នាវេលាម៉ោង២ទៀបភ្លឺ អង់គ្លេស និងអ៊ីស្លង់ ត្រូវប៉ះគ្នាជាលើកដំបូងក្នុងព្រឹត្តិការណ៍ដ៏ធំនេះនៅទីក្រុង Nice។ អង់គ្លេសជាប់លេខ២ពូល B ក្រោយស្មើរុស្ស៊ី ១-១ ឈ្នះវេលស៍ ២-១ និងស្មើស្លូវ៉ាគី ០-០ រីឯអ៊ីស្លង់ ជាប់លេខ២ពូល F ក្រោយស្មើព័រទុយហ្គាល់ ១-១ ស្មើហុងគ្រី ១-១ និងឈ្នះអូទ្រីស ២-១ ។ ក្រុមទាំងពីរធ្លាប់មានប្រវត្តិជួបគ្នាតែ២លើកប៉ុណ្ណោះ ដោយអង់គ្លេសឈ្នះ១លើក និងស្មើគ្នា១លើក។
សម្រាប់ជំនួបវគ្គ១/៤ផ្តាច់ព្រ័ត្រ ប៉ូឡូញ ដែលបានយកឈ្នះស្វ៊ីសដោយការទាត់ប៉េណាល់ទី ត្រូវប៉ះជាមួយព័រទុយហ្គាល់ដែលបានទម្លាក់ក្រូអាស៊ី ១-០ ។ វេលស៍ដែលបានយកឈ្នះអៀរឡង់ខាងជើង១-០ ត្រូវតទល់ជាមួយបែលហ្ស៊ិក ដែលបានបំបាក់ហុងគ្រី ៤-០ ។ អាល្លឺម៉ង់ ដែលឈ្នះស្លូវ៉ាគី ៣-០ រង់ចាំលទ្ធផលនៃជំនួបរវាងអ៊ីតាលី និងអេស្ប៉ាញ ខណៈម្ចាស់ផ្ទះបារាំង ដែលបានវាយបកសាធារណរដ្ឋអៀរឡង់ ២-១ រង់ចាំលទ្ធផលរវាងអង់គ្លេស និងអ៊ីស្លង់៕
Tag:
Euro2016
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
