អត្ថបទពាណិជ្ជកម្ម
ពិធីការិនីល្បីឈ្មោះក្នុងស្រទាប់យុវវ័យកម្ពុជា នឹងបង្ហាញខ្លួនក្នុងកម្មវិធី មុខរបរខ្ញុំ
× ពិធីការិនីល្បីឈ្មោះក្នុងស្រទាប់យុវវ័យកម្ពុជា បានចូលរួមជាមួយកម្មវិធី ជីវិតពិតរបស់ស្ថានីទូរទស្សន៍ ភីអិនអីន “មុខរបរខ្ញុំ” ក្នុងនាមជាពិធីការិនីកម្មវិធីផ្ទាល់តែម្តង។
កញ្ញា នាង សុវ៉ាន់ណា ដែលមនុស្សភាគច្រើន ស្គាល់ថា Dj Nana នឹងបង្ហាញវត្តមានរួមគ្នាជាមួយកំពូលតារាភាពយន្តជើងចាស់របស់កម្ពុជា លោក ទេព រិន្ទដារ៉ូ ក្នុងកម្មវិធី “មុខរបរខ្ញុំ” របស់ ភីអិនអិន។
លោក ទេព រិន្ទដារ៉ូ តារាភាពយន្តល្បីមួយរូបរបស់កម្ពុជា ដែលទទួលបានការគាំទ្រខ្លាំងដោយមានទេពកោសល្យជាច្រើនឆ្នាំ ក្នុងវិស័យភាពយន្ត ក៏នឹងត្រឡប់មកជាថ្មី ចូលរួមក្នុងកម្មវិធីជីវិតពិតមួយនេះ។
កម្មវិធីរដូវកាលទី១កន្លងមក លោកធ្លាប់បានចូលរួមជាមួយកម្មវិធី ក្នុងនាមជាគណៈកម្មការ ខណៈវត្តមានរបស់លោក ក្នុងរដូវកាលទីពីរនេះ គឺប្លែកពីរដូវកាលទី១ ព្រោះ លោក ទេព រិន្ទដារ៉ូ មិនមានតួនាទីជាគណៈកម្មការទៀតនោះឡើយ។
លោក Jimmy ផលិតករប្រតិបត្តិកម្មវិធី មុខរបរខ្ញុំ បញ្ជាក់ថា « ពួកយើងបានកែតម្រូវលក្ខខន្តិកៈបន្តិចពាក់ព័ន្ធ និងការកំណត់ជោគវាសនា បេក្ខជន ដែលត្រូវនៅបន្តក្នុងកម្មវិធី ឬត្រូវចាកចេញពីកម្មវិធី។»
ផលិតកររូបនេះ បន្តថា Dj Nana រំពឹងនឹងចូលរួមជាមួយបេក្ខជនទាំង១០រូប ក្នុងការប្រជែងជាច្រើន ខណៈ លោក ទេព រិនដារ៉ូ និងតាមដានការប្រកួតប្រជែងរបស់ពួកគេពីស្ទូឌីយ៉ូ ហើយនិងសម្រេចចិត្តបោះឆ្នោតថា បេក្ខជនរូបណា នឹងត្រូវចាកចេញ។»
ពីបទពិសោធន៍ជោគជាំ និងជោគជ័យជាច្រើន ក្នុងប្រព័ន្ធផ្សព្វផ្សាយ មកទល់និងពេលនេះ Nana ក៏ធ្លាប់បង្ហាញវត្តមានក្នុងកម្មវិធី មុខរបរខ្ញុំ ម្តងរួចមកហើយកាលពីរដូវកាលទី១ ក្នុងនាមជាអ្នកបង្ហាត់បង្ហាញទៅដល់បេក្ខជនក្នុងកម្មវិធី ខណៈរដូវកាលទី២នេះ Nana និងដើរតួជាអ្នកដឹកនាំម្នាក់ក្នុងកម្មវិធីវិញម្តង។
Dj Nana បានលើកឡើងថា “កម្មវិធី មុខរបរខ្ញុំ រដូវកាលទី២ របស់ ភីអិនអិន នឹងចាប់ផ្តើមផ្សាយជូនទស្សនា ពីថ្ងៃទី ៤ កក្កដា ខាងមុខនេះតទៅ ដោយបង្ហាញជូននូវបេក្ខជន ដែលសុទ្ធសឹងតែមានបទពិសោធន៍លើអាជីវកម្មក្នុងជីវិតពិតរបស់ពួកគេ ក៏ដូចជានិស្សិតបញ្ចប់ថ្នាក់ឧត្តមសិក្សាផ្នែកពាណិជ្ជកម្មជាដើម” ។
កិច្ចការចាំបាច់មួយរបស់ Dj Nana គឺធ្វើយ៉ាងណារៀបចំឲ្យចេញជាវិញ្ញាសារប្រជែងសម្រាប់បេក្ខជនទាំង១០រូប។
កម្មវិធីនេះ នឹងផ្សាយជូនរៀងរាល់ថ្ងៃ ចន្ទដល់សុក្រ ចាប់ពីម៉ោង ៨ ដល់ម៉ោង ៨:៣០នាទីយប់ ផ្តោតសំខាន់ទៅលើការប្រកួតប្រជែងពិតប្រាកដ៏មួយ ទៅក្នុងអាជីវកម្មខ្នាតតូច និងមធ្យម។
សម្រាប់ព័ត៌មានបន្ថែម សូមចូលមកកាន់ទំព័រ ហ្វេសបុក របស់ ភីអិនអិន តាមរយៈអាសយដ្ឋាន https://www.facebook.com/PNNMyPlace
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com