ក្រុមហ៊ុនវៀតណាម គឺជាអ្នកទទួលទិញសារាយសមុទ្រដ៏ធំពីកសិករខ្មែរ។ គ្មានការបញ្ជាទិញពីឈ្មួញ​វៀតណាមអស់ជាច្រើនខែមកនេះ កំពុងធ្វើឱ្យ លោក ង៉ែត ប្រុស និងកសិករដាំសារាយសមុទ្រផ្សេងទៀត បាក់ទឹកចិត្ត និងខ្លះទៀតអាចបោះបង់​របរនេះក្នុងពេលឆាប់ៗនេះ។ 
 

​ក្នុងបទសម្ភាសជាមួយសារព័ត៌មានថ្មីៗ លោក ង៉ែត ប្រុស អះអាងថាខ្លួនអស់ដើមទុនបង្វិល​ហើយ ខណៈនៅសល់សារាយស្ងួតប្រមាណ២០តោនដែលលក់មិនចេញ។ ​លោក ង៉ែត ប្រុស ទទូចដង្ហោយឱ្យអាជ្ញាធរ​ពាក់ព័ន្ធ ជួយអន្តរាគមន៍រកទីផ្សារ និងអ្នកបញ្ជាទិញសារាយសមុទ្រ ​ដើម្បីផ្ដល់ការងារ និងសម្រួលជីវភាពពលរដ្ឋក្នុងសហគមន៍។