ការប្រកាសផ្តល់សុពលភាពនេះ បានធ្វើឡើងនៅក្នុងសម័យប្រជុំរដ្ឋសភាលើកទី២ នីតិកាលទី៧ ក្រោមអធិបតីភាព សម្តេច ឃួន សុដារី ប្រធានរដ្ឋសភា។ តំណាងរាស្រ្តថ្មីទាំងពីរខាងលើ ត្រូវបានស្នើឡើងជំនួសតំណាងរាស្រ្តពីររូប ដែលទៅកាន់តំណែងនៅព្រឹទ្ធសភា​។

 

លោក ចាប ម៉ុច ជាតំណាងរាស្ត្រមណ្ឌលខេត្តកណ្តាល ជំនួសសម្តេច ហ៊ុន សែន និងលោក ទេព សុធីរ ជាតំណាងរាស្ត្រមណ្ឌលខេត្តកណ្តាល ជំនួសលោក ប្រាក់ សុខុន ដែលត្រូវបានអង្គសភាបានអនុម័តយល់ព្រមដោយ១០២សំឡេង លើ១០២សំឡេង៕