ក្នុងសំណុំរឿងឪពុកជនរងគ្រោះ បានប្រើអំពើហិង្សាលើជនសង្ស័យម្នាក់ ព្រោះខឹងនឹងទង្វើដែលគេប្រព្រឹត្តលើកូនស្រី។ 
 

ទាក់ទងនឹងចំណាត់ការលើជនសង្ស័យដែលប្រព្រឹត្តអំពើរំលោភជាក្រុមវិញ សាលាដំបូងខេត្តសៀមរាប បានអះអាងថា តុលាការសម្រេចចោទប្រកាន់ជនសង្ស័យចំនួន១៤នាក់ បន្ទាប់ពីពិនិត្យភស្តុតាង ចម្លើយជនរងគ្រោះ និងជនសង្ស័យ។ ប៉ុន្តែមកទល់នឹងថ្ងៃទី៣ឧសភានេះ បច្ចុប្បន្ន អាជ្ញាធរទើបតែឃាត់ខ្លួន និងសម្រេចឃុំជនសង្ស័យបាន៥នាក់ប៉ុណ្ណោះ ខណៈជនសង្ស័យបន្តគេចខ្លួន។ ទោះយ៉ាងណាក៏ដោយ តុលាការសាលាដំបូងខេត្តសៀមរាប អះអាងថានឹងបន្តចាត់ការក្នុងសំណុំរឿងព្រហ្មទណ្ឌនេះឱ្យបានត្រឹមត្រូវតាមច្បាប់ ដើម្បីផ្តល់យុត្តិធម៌ដល់ជនរងគ្រោះ។  

 

«សាលាដំបូង និងអយ្យការអមសាលាដំបូងខេត្តសៀមរាប នឹងបន្តចាត់ការសំណុំរឿង រំលោភសេពសន្ថវៈមានស្ថានទម្ងន់ទោស នេះឱ្យបានត្រឹមត្រូវតាមនីតិវិធីច្បាប់ជាធរមាន ដើម្បីស្វែងរកការពិត និងយុត្តិធម៌ជូនភាគីពាក់ព័ន្ធទាំងអស់»។ សាលាដំបូងខេត្តសៀមរាប អះអាងក្នុងក្នុងលិខិតថ្លែងការណ៍នេះរបស់ខ្លួន៕