ជាតិ
បទយកការណ៍ / បទសម្ភាសន៍
លោក ម៉ម សូណង់ដូ៖«លោក សម រង្ស៊ី-កឹម សុខា មិនអាចប្រឈមជាមួយលោក ហ៊ុន សែន បាន ទើបខ្ញុំបង្កើតបក្សថ្មី ! »
×
យ៉ាងយូរត្រឹមចុងឆ្នាំ ២០១៥ គណបក្សថ្មីឈ្មោះ គណបក្ស«សម្បុកឃ្មុំសង្គមប្រជាធិបតេយ្យ» របស់ប្រធានសមាគមអ្នកប្រជាធិបតេយ្យ លោក ម៉ម សូណង់ដូ នឹងកើតចេញជារូបរាង ដើម្បីត្រៀមចូលរួមប្រកួតប្រជែងក្នុងការបោះឆ្នោតក្នុងអាណត្តិក្រោយ ។ នេះជាការអះអាងរបស់លោក ម៉ម សូណង់ដូ ។ លោកប្រធានវិទ្យុសម្បុកឃ្មុំរូបនេះ បញ្ជាក់ថា ហេតុផលដែលលោកគ្រោងបង្កើតបក្សដោយខ្លួនឯង ដោយសាររូបលោកអស់សង្ឃឹមចំពោះមេដឹកនាំគណបក្សសង្គ្រោះជាតិ ។ លោក ហ៊ាននិយាយថា លោក សម រង្ស៊ី និងកឹម សុខា ជាអ្នកនយោបាយដែលអត់មានសេចក្តីក្លាហានតទល់ជាមួយលោក ហ៊ុន សែន បាននោះទេ ។ « មិនត្រឹមតែមិនហ៊ានប្រឈមជាមួយលោក ហ៊ុន សែន ទេ ពួកគាត់ក៏មិនហានប្រឈមនឹងបញ្ហាសុខចិត្តស្លាប់ខ្លួន ដើម្បីពលរដ្ឋទេ ពោលគឺពួកគាត់យកតែរួចខ្លួនប៉ុណ្ណោះ។ លោក សម រង្ស៊ី ជាអ្នកនយោបាយគ្មានជោគជ័យទេ ។ លោក សម រង្ស៊ី ចាញ់បោកគេរហូត ហើយឲ្យលោក ហ៊ុន សែន ប្រើគាត់បានតាមចិត្ត។ យើងមិនអាចយកអ្នកតំណាងដែលចាញ់បោកគេរហូត ធ្វើជាតំណាងបាននោះទេ» ។ នេះជាអ្វីដែលលោក ម៉ម សូណង់ដូ អះអាងប្រាប់សារព័ត៌មានថ្មីៗ នៅក្នុងបទសម្ភាសន៍ជាមួយលោក ជា ធីរិទ្ធ ។
ស្តាប់បទសម្ភាសន៍នេះដូចតទៅ៖
© រក្សាសិទ្ធិដោយ thmeythmey.com