ជាតិ
បទវិភាគ
បើលោក ហ៊ុន សែន ទម្លាក់លោក កឹម សុខា ពីអនុប្រធានរដ្ឋសភា តើលោកទាំងពីរនរណាជាអ្នកចំណេញ?
×![]()
រាប់ទាំងសារព្រមានដកតំណែងលោក កឹម សុខា ចេញពីតំណែងអនុប្រធានរដ្ឋសភា កាលពីថ្ងៃទី ១៩ ខែឧសភា ឆ្នាំ២០១៥ ទៀត សរុបទៅ ៤ លើកហើយ ដែលលោក ហ៊ុន សែន បង្ហាញផែនការចង់បោះឆ្នោតទម្លាក់លោក កឹម សុខា ចេញពីតំណែងនេះ។ ហេតុផលរបស់លោក ហ៊ុន សែន នៅតែដដែល គឺដោយសារតែលោក កឹម សុខា នៅតែបន្តជេរប្រមាថគណបក្សប្រជាជនកម្ពុជា។ តើលោកនាយករដ្ឋមន្ត្រី ព្រមានលោក កឹម សុខា ប៉ុន្មានដងទៀត ទើបសម្រេចប្រើសន្លឹកឆ្នោតរបស់តំណាងរាស្ត្រគណបក្សប្រជាជនកម្ពុជាទម្លាក់លោក កឹម សុខា? ឬលោកគ្រាន់តែកម្លាឲ្យលោក កឹម សុខា ព្រឺឆ្អឹងខ្នងទេ?ប្រសិនបើលោក ហ៊ុន សែន ទម្លាក់លោក កឹម សុខា មែន តើរវាងលោកទាំងពីរអ្នកណាជាអ្នកចំណេញ?
សូមស្តាប់លោក ជា ធីរិទ្ធ
ចេតនាចង់ដកលោក កឹម សុខា ចេញពីអនុប្រធានទី ១ នៃរដ្ឋសភា នៅតែមាននៅក្នុងសន្តានចិត្តរបស់លោកនាយករដ្ឋមន្ត្រី ហ៊ុន សែន ជាប់ជានិច្ច។ សម្រាប់ លោក ហ៊ុន សែន ប្រសិនបើលោក កឹម សុខា នៅតែរឹងទទឹងនិយាយពាក្យប៉ះពាល់ដល់អារម្មណ៍របស់ខ្លួនទៀត ទំនងជាលោកមិនសុខចិត្តឲ្យលោក កឹម សុខា នៅបន្តកាន់តំណែងជាអនុប្រធានទី ១ នៃរដ្ឋសភា បានយូរនោះទេ។
សារព្រមានដកតំណែងលោក កឹម សុខា ចេញពីអនុប្រធានរដ្ឋសភា បានចេញពីមាត់របស់លោក ហ៊ុន សែន ជាញឹកញាប់។ លោក ហ៊ុន សែន ព្រមានលោក កឹម សុខា តាំងពីឆ្នាំ ២០១៤ ដល់ឆ្នាំ ២០១៥ ។ ក្រោយលោក កឹម សុខា អង្គុយកៅអីអនុប្រធានទី ១ នៃរដ្ឋសភា មិនបានប៉ុន្មានខែផង នៅថ្ងៃទី ៩ ខែកញ្ញា ឆ្នាំ ២០១៤ ក្នុងពិធីសម្ពោធការដ្ឋានសាងសង់ស្ពានអាកាសតិចណូ លោក ហ៊ុន សែន បានព្រមានបោះឆ្នោតទម្លាក់លោក កឹម សុខា ចេញពីតំណែងជាលើកដំបូង ក្រោមហេតុផលថា លោក កឹម សុខា ជេរប្រមាថគណបក្សប្រជាជនកម្ពុជា និងរូបលោក។ ហេតុផលដដែលនេះ លោក ហ៊ុន សែន ក៏បន្តព្រមានដកតំណែងលោក កឹម សុខា ទៀត នៅថ្ងៃទី ០៤ ខែធ្នូ ឆ្នាំ ២០១៤ ក្នុងពិធីចែកសញ្ញាប័ត្រដល់និស្សិតខ្មែរជំនាន់ថ្មី និងនៅថ្ងៃទី ០៦ ខែឧសភា ឆ្នាំ ២០១៥ ក្នុងពិធីសម្ពោធដាក់ឲ្យដំណើរការរោងចក្រចម្រាញ់ប្រេងដូងរបស់លោកឧកញ៉ា ម៉ុង ឫទ្ធី នៅខេត្តព្រះសីហនុ។ ហើយលោកទី ៤ នៅថ្ងៃទី ១៩ ខែឧសភា ឆ្នាំ ២០១៥ កន្លងទៅថ្មីៗនេះ។
តើសារព្រមានរបស់លោក ហ៊ុន សែន ម្តងជាពីរដង ពីរដងជាបីដង បីដងជាបួនដងនេះ លោក ហ៊ុន សែន ពិតជាមានចេតនាពិតប្រាកដចង់ទម្លាក់លោក កឹម សុខា មែនទេ? ឬក៏លោកគ្រាន់តែកម្លាលោក កឹម សុខា ឲ្យព្រឺឆ្អឹងខ្នង តាមតែចិត្តខឹងរបស់ខ្លួនម្តងៗប៉ុណ្ណោះ? លោក ហ៊ុន សែន នរណាក៏ដឹងដែរថា លោក គឺជាអ្នកនយោបាយដែលចិត្តដាច់ និងមិនឲ្យនរណានៅពីលើលោកបាននោះទេ។ អ្នកវិភាគខ្លះយល់ថា មិនយូរឡើយ លោក ហ៊ុន សែន នឹងប្រើសន្លឹកឆ្នោតរបស់តំណាងរាស្ត្រគណបក្សប្រជាជនកម្ពុជា ទម្លាក់លោក កឹម សុខា ពីតំណែងអនុប្រធានរដ្ឋសភាមុនអាណត្តិជាមិនខាន ពីព្រោះលោក កឹម សុខា ជាអ្នកនយោបាយ ដែលមិនសូវចុះសម្រុងជាមួយលោក ហ៊ុន សែន តាំងពីដើមរៀងមក។ លើសពីនេះទម្លាប់រិះគន់លោក ហ៊ុន សែន របស់លោក កឹម សុខា កន្លងមក មិនអាចឲ្យលោកអនុប្រធានគណបក្សសង្គ្រោះជាតិរូបនេះ នៅសុខ មិននិយាយប៉ះពាល់ដល់លោក ហ៊ុន សែន ដើម្បីគោរពតាមវប្បធម៌សន្ទនាគ្នាដូចលោក សម រង្ស៊ី នោះឡើយ។
តែយ៉ាងណាក៏ដោយ ប្រសិនបើលោក ហ៊ុន សែន ហ៊ានប្រើអំណាចដកលោក កឹម សុខា ចេញពីតំណែងជាអនុប្រធានទី ១ នៃរដ្ឋសភាមែននោះ អ្នកដែលចំណេញខ្លាំងមិនមែនលោក ហ៊ុន សែនទេ គឺលោក កឹម សុខា ឯណោះទេ ដែលជាអ្នកចំណេញក្នុងឈុតឆាកនេះ។ ពីព្រោះថា បើលោក ហ៊ុន សែន ដកតំណែងលោក កឹម សុខា មែន ទាំងសហគមន៍ជាតិ និងអន្តរជាតិ នឹងបើកភ្នែកធំៗសំឡឹងមើលមករដ្ឋាភិបាលបច្ចុប្បន្នជាពិសេសលោក ហ៊ុន សែន ក្នុងរូបភាពមិនល្អ។ តាមពិតទៅ បើមើលលើតំណែងលោក កឹម សុខា បច្ចុប្បន្នជាអនុប្រធានទី ១ នៃរដ្ឋសភា មិនសូវមានតម្លៃប៉ុន្មាននោះឡើយ ពេលខ្លះចាញ់ទាំងតំណែងប្រធានគណៈកម្មការនៃរដ្ឋសភាទៅទៀត គ្រាន់តែរូបភាពខាងក្រៅមើលទៅដូចជាគ្រាន់បើតែប៉ុណ្ណោះ។ ម្យ៉ាងទៀត តំណែងនេះ លោក កឹម សុខា មិនធ្លាប់មានពីមុនមក ហើយមើលទៅដូចជា មានមុខមាត់គួរសមដែរ ចង់មិនចង់លោក កឹម សុខា ក៏ដក់ចិត្តនឹងតំណែងនេះខ្លះដែរ ។
ក្រោយពីសារព្រមានជារឿយៗពីសំណាក់លោក ហ៊ុន សែន លោក កឹម សុខា ក៏ទំនងជាចង់ចេញពីតំណែងនេះដែរ ។ តែប្រសិនបើលោក កឹម សុខា ចុះចេញពីតំណែងដោយខ្លួនឯង មិនសូវចំណេញនយោបាយប៉ុន្មានសម្រាប់រូបលោក និងគណបក្សសង្គ្រោះជាតិនោះឡើយ។ម្លោះហើយលោក កឹម សុខា នៅបន្តធ្វើឲ្យលោក ហ៊ុន សែន ក្តៅសោតា ហើយទ្រាំមិនបានបណ្តេញលោក កឹម សុខា ចេញពីតំណែង៕
សូមស្តាប់លោក ជា ធីរិទ្ធ
ចេតនាចង់ដកលោក កឹម សុខា ចេញពីអនុប្រធានទី ១ នៃរដ្ឋសភា នៅតែមាននៅក្នុងសន្តានចិត្តរបស់លោកនាយករដ្ឋមន្ត្រី ហ៊ុន សែន ជាប់ជានិច្ច។ សម្រាប់ លោក ហ៊ុន សែន ប្រសិនបើលោក កឹម សុខា នៅតែរឹងទទឹងនិយាយពាក្យប៉ះពាល់ដល់អារម្មណ៍របស់ខ្លួនទៀត ទំនងជាលោកមិនសុខចិត្តឲ្យលោក កឹម សុខា នៅបន្តកាន់តំណែងជាអនុប្រធានទី ១ នៃរដ្ឋសភា បានយូរនោះទេ។
សារព្រមានដកតំណែងលោក កឹម សុខា ចេញពីអនុប្រធានរដ្ឋសភា បានចេញពីមាត់របស់លោក ហ៊ុន សែន ជាញឹកញាប់។ លោក ហ៊ុន សែន ព្រមានលោក កឹម សុខា តាំងពីឆ្នាំ ២០១៤ ដល់ឆ្នាំ ២០១៥ ។ ក្រោយលោក កឹម សុខា អង្គុយកៅអីអនុប្រធានទី ១ នៃរដ្ឋសភា មិនបានប៉ុន្មានខែផង នៅថ្ងៃទី ៩ ខែកញ្ញា ឆ្នាំ ២០១៤ ក្នុងពិធីសម្ពោធការដ្ឋានសាងសង់ស្ពានអាកាសតិចណូ លោក ហ៊ុន សែន បានព្រមានបោះឆ្នោតទម្លាក់លោក កឹម សុខា ចេញពីតំណែងជាលើកដំបូង ក្រោមហេតុផលថា លោក កឹម សុខា ជេរប្រមាថគណបក្សប្រជាជនកម្ពុជា និងរូបលោក។ ហេតុផលដដែលនេះ លោក ហ៊ុន សែន ក៏បន្តព្រមានដកតំណែងលោក កឹម សុខា ទៀត នៅថ្ងៃទី ០៤ ខែធ្នូ ឆ្នាំ ២០១៤ ក្នុងពិធីចែកសញ្ញាប័ត្រដល់និស្សិតខ្មែរជំនាន់ថ្មី និងនៅថ្ងៃទី ០៦ ខែឧសភា ឆ្នាំ ២០១៥ ក្នុងពិធីសម្ពោធដាក់ឲ្យដំណើរការរោងចក្រចម្រាញ់ប្រេងដូងរបស់លោកឧកញ៉ា ម៉ុង ឫទ្ធី នៅខេត្តព្រះសីហនុ។ ហើយលោកទី ៤ នៅថ្ងៃទី ១៩ ខែឧសភា ឆ្នាំ ២០១៥ កន្លងទៅថ្មីៗនេះ។
តើសារព្រមានរបស់លោក ហ៊ុន សែន ម្តងជាពីរដង ពីរដងជាបីដង បីដងជាបួនដងនេះ លោក ហ៊ុន សែន ពិតជាមានចេតនាពិតប្រាកដចង់ទម្លាក់លោក កឹម សុខា មែនទេ? ឬក៏លោកគ្រាន់តែកម្លាលោក កឹម សុខា ឲ្យព្រឺឆ្អឹងខ្នង តាមតែចិត្តខឹងរបស់ខ្លួនម្តងៗប៉ុណ្ណោះ? លោក ហ៊ុន សែន នរណាក៏ដឹងដែរថា លោក គឺជាអ្នកនយោបាយដែលចិត្តដាច់ និងមិនឲ្យនរណានៅពីលើលោកបាននោះទេ។ អ្នកវិភាគខ្លះយល់ថា មិនយូរឡើយ លោក ហ៊ុន សែន នឹងប្រើសន្លឹកឆ្នោតរបស់តំណាងរាស្ត្រគណបក្សប្រជាជនកម្ពុជា ទម្លាក់លោក កឹម សុខា ពីតំណែងអនុប្រធានរដ្ឋសភាមុនអាណត្តិជាមិនខាន ពីព្រោះលោក កឹម សុខា ជាអ្នកនយោបាយ ដែលមិនសូវចុះសម្រុងជាមួយលោក ហ៊ុន សែន តាំងពីដើមរៀងមក។ លើសពីនេះទម្លាប់រិះគន់លោក ហ៊ុន សែន របស់លោក កឹម សុខា កន្លងមក មិនអាចឲ្យលោកអនុប្រធានគណបក្សសង្គ្រោះជាតិរូបនេះ នៅសុខ មិននិយាយប៉ះពាល់ដល់លោក ហ៊ុន សែន ដើម្បីគោរពតាមវប្បធម៌សន្ទនាគ្នាដូចលោក សម រង្ស៊ី នោះឡើយ។
តែយ៉ាងណាក៏ដោយ ប្រសិនបើលោក ហ៊ុន សែន ហ៊ានប្រើអំណាចដកលោក កឹម សុខា ចេញពីតំណែងជាអនុប្រធានទី ១ នៃរដ្ឋសភាមែននោះ អ្នកដែលចំណេញខ្លាំងមិនមែនលោក ហ៊ុន សែនទេ គឺលោក កឹម សុខា ឯណោះទេ ដែលជាអ្នកចំណេញក្នុងឈុតឆាកនេះ។ ពីព្រោះថា បើលោក ហ៊ុន សែន ដកតំណែងលោក កឹម សុខា មែន ទាំងសហគមន៍ជាតិ និងអន្តរជាតិ នឹងបើកភ្នែកធំៗសំឡឹងមើលមករដ្ឋាភិបាលបច្ចុប្បន្នជាពិសេសលោក ហ៊ុន សែន ក្នុងរូបភាពមិនល្អ។ តាមពិតទៅ បើមើលលើតំណែងលោក កឹម សុខា បច្ចុប្បន្នជាអនុប្រធានទី ១ នៃរដ្ឋសភា មិនសូវមានតម្លៃប៉ុន្មាននោះឡើយ ពេលខ្លះចាញ់ទាំងតំណែងប្រធានគណៈកម្មការនៃរដ្ឋសភាទៅទៀត គ្រាន់តែរូបភាពខាងក្រៅមើលទៅដូចជាគ្រាន់បើតែប៉ុណ្ណោះ។ ម្យ៉ាងទៀត តំណែងនេះ លោក កឹម សុខា មិនធ្លាប់មានពីមុនមក ហើយមើលទៅដូចជា មានមុខមាត់គួរសមដែរ ចង់មិនចង់លោក កឹម សុខា ក៏ដក់ចិត្តនឹងតំណែងនេះខ្លះដែរ ។
ក្រោយពីសារព្រមានជារឿយៗពីសំណាក់លោក ហ៊ុន សែន លោក កឹម សុខា ក៏ទំនងជាចង់ចេញពីតំណែងនេះដែរ ។ តែប្រសិនបើលោក កឹម សុខា ចុះចេញពីតំណែងដោយខ្លួនឯង មិនសូវចំណេញនយោបាយប៉ុន្មានសម្រាប់រូបលោក និងគណបក្សសង្គ្រោះជាតិនោះឡើយ។ម្លោះហើយលោក កឹម សុខា នៅបន្តធ្វើឲ្យលោក ហ៊ុន សែន ក្តៅសោតា ហើយទ្រាំមិនបានបណ្តេញលោក កឹម សុខា ចេញពីតំណែង៕
© រក្សាសិទ្ធិដោយ thmeythmey.com
