ជាតិ
×![]()
គណៈកម្មការចម្រុះព្រំដែនកម្ពុជា-វៀតណាម នៅល្ងាចថ្ងៃទី៩ ខែកក្កដា នេះ បានចេញសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំរបស់ខ្លួននៅទីស្តីការគណៈរដ្ឋមន្ត្រី ចាប់តាំងពីថ្ងៃទី៧ ខែកក្កដាមក។
តាមរយៈសេចក្តីប្រកាសព័ត៌មាន គណៈកម្មការចម្រុះ បានអះអាងថា កិច្ចប្រជុំបានឈរលើមូលដ្ឋាន និងស្មារតីគោរពគ្នាទៅវិញទៅមក ហើយពួកគេទទួលបានលទ្ធផលបីចំណុចសំខាន់ៗ ។ ចំណុចទីមួយ ភាគីទាំងពីរទទួលស្គាល់ថា ការងារខណ្ឌសីមា និងបោះបង្គោលព្រំដែនគោករវាងប្រទេសទាំងពីរមានភាពស្មុគស្មាញច្រើន បើទោះបីការបោះបង្គោលបានចំនួន៨៣ភាគរយក៏ដោយ។
ចំណុចទីពីរ ភាគីទាំងពីរឯកភាពអនុវត្តតាមសេចក្តីប្រកាសព័ត៌មានរួមកាលពីថ្ងៃទី១៧ ខែមករា ឆ្នាំ១៩៩៥ ស្តីពីការរក្សាស្ថានភាពបច្ចុប្បន្ននៅតាមបណ្តោយព្រំដែន។ ចំណុចទីបី ភាគីទាំងពីរឯកភាពឲ្យក្រុមបច្ចេកទេសចម្រុះព្រំដែន និងអាជ្ញាធរពាក់ព័ន្ធនៅតាមបណ្តាខេត្តជាប់ព្រំដែន សហការគ្នាដោះស្រាយរាល់បាតុភាពនៅតាមបណ្តោយព្រំដែនដើម្បីទប់ស្កាត់ និងបញ្ជៀសការរាលដាលដែលនាំឲ្យប៉ះពាល់ទំនាក់ទំនងប្រទេសទាំងពីរ៕
តាមរយៈសេចក្តីប្រកាសព័ត៌មាន គណៈកម្មការចម្រុះ បានអះអាងថា កិច្ចប្រជុំបានឈរលើមូលដ្ឋាន និងស្មារតីគោរពគ្នាទៅវិញទៅមក ហើយពួកគេទទួលបានលទ្ធផលបីចំណុចសំខាន់ៗ ។ ចំណុចទីមួយ ភាគីទាំងពីរទទួលស្គាល់ថា ការងារខណ្ឌសីមា និងបោះបង្គោលព្រំដែនគោករវាងប្រទេសទាំងពីរមានភាពស្មុគស្មាញច្រើន បើទោះបីការបោះបង្គោលបានចំនួន៨៣ភាគរយក៏ដោយ។
ចំណុចទីពីរ ភាគីទាំងពីរឯកភាពអនុវត្តតាមសេចក្តីប្រកាសព័ត៌មានរួមកាលពីថ្ងៃទី១៧ ខែមករា ឆ្នាំ១៩៩៥ ស្តីពីការរក្សាស្ថានភាពបច្ចុប្បន្ននៅតាមបណ្តោយព្រំដែន។ ចំណុចទីបី ភាគីទាំងពីរឯកភាពឲ្យក្រុមបច្ចេកទេសចម្រុះព្រំដែន និងអាជ្ញាធរពាក់ព័ន្ធនៅតាមបណ្តាខេត្តជាប់ព្រំដែន សហការគ្នាដោះស្រាយរាល់បាតុភាពនៅតាមបណ្តោយព្រំដែនដើម្បីទប់ស្កាត់ និងបញ្ជៀសការរាលដាលដែលនាំឲ្យប៉ះពាល់ទំនាក់ទំនងប្រទេសទាំងពីរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 11 ម៉ោង
