ជាតិ
×![]()
ទំនាស់ព្រំដែនកម្ពុជាវៀតណាមទំនងជាមានភាពស្រួចស្រាវជាងបញ្ហាដែនសីមាកម្ពុជាថៃទៅទៀតនៅពេលនេះ។ នៅក្នុងទី១៥កក្កដាឆ្នាំ២០១៥ តែមួយនេះ លោកនាយករដ្ឋមន្ត្រីខ្មែរ ហ៊ុន សែន បានសរសេរលិខិតទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់សព្វថ្ងៃនេះ។
ប្រមុខរដ្ឋាភិបាលក្រុងភ្នំពេញបានផ្ញើលិខិតចេញទៅរដ្ឋាភិបាលនៃប្រទេសមហាអំណាចទាំង៣នៅថ្ងៃនេះ ដើម្បីស្នើសុំខ្ចីផែនទីដែលប្រទេសទាំងអស់សុទ្ធតែមានតាំងពីដើមទស្សវត្សរ៍ឆ្នាំ១៩៦០ ដើម្បីយកមកផ្ទៀងផ្ទាត់ជាមួយផែនទីខ្នាត ១/១០០ ០០០ ដែលបោះពុម្ពដោយក្រុមភូមិសាស្ត្រឥណ្ឌូចិន ហើយដែលកម្ពុជាកំពុងប្រើប្រាស់ក្នុងការកំណត់ និងបោះបង្គោលព្រំដែនជាមួយប្រទេសវៀតណាម។
លិខិតទាំងបីដែលសរសេរដោយលោក ហ៊ុន សែន ដើម្បីពន្យល់អំពីភាពចាំបាច់របស់រដ្ឋាភិបាលកម្ពុជាក្នុងការទទួលបានផែនទីពីប្រទេសមហាអំណាចទាំង៣ មានន័យស្រដៀងគ្នា ដែលទាក់ទងនឹងការដោះស្រាយទំនាស់ព្រំដែនជាមួយប្រទេសវៀតណាម។ នៅក្នុងលិខិតដែលលោក ហ៊ុន សែន សរសេរទៅលោកប្រធានាធិបតី បារ៉ាក់ អូបាម៉ា បញ្ជាក់យ៉ាងដូច្នេះថា៖«ការស្នើសុំនេះក្នុងគោលបំណងកសាងនូវព្រំដែនជាមួយប្រទេសជិតខាងប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍ ព្រមទាំងប្រកបដោយតម្លាភាពចំពោះប្រជាជាតិកម្ពុជាទាំងមូល»។
នៅក្នុងលិខិតផ្ញើទៅលោកប្រធានាធិបតីបារាំងឯណោះវិញ លោកនាយករដ្ឋមន្ត្រី ហ៊ុន សែន បានពន្យល់ជ្រៅជាងនេះ។ លោក ហ៊ុន សែន សរសេរថា៖«...ក៏ដូចជាក្នុងគោលបំណងបញ្ចៀស និងបញ្ចប់នូវការញុះញង់ បង្កើតស្មារតីជាតិនិយមជ្រុល ហើយដែលកើតនាំឲ្យមានការភាន់ច្រឡំ ក្នុងចំណោមសាធារណមតិជាតិ និងអន្តរជាតិ ដែលជាប្រការអាចបង្កើតគ្រោះមហន្តរាយដ៏ធំធេងដល់ជាតិកម្ពុជា»៕
ប្រមុខរដ្ឋាភិបាលក្រុងភ្នំពេញបានផ្ញើលិខិតចេញទៅរដ្ឋាភិបាលនៃប្រទេសមហាអំណាចទាំង៣នៅថ្ងៃនេះ ដើម្បីស្នើសុំខ្ចីផែនទីដែលប្រទេសទាំងអស់សុទ្ធតែមានតាំងពីដើមទស្សវត្សរ៍ឆ្នាំ១៩៦០ ដើម្បីយកមកផ្ទៀងផ្ទាត់ជាមួយផែនទីខ្នាត ១/១០០ ០០០ ដែលបោះពុម្ពដោយក្រុមភូមិសាស្ត្រឥណ្ឌូចិន ហើយដែលកម្ពុជាកំពុងប្រើប្រាស់ក្នុងការកំណត់ និងបោះបង្គោលព្រំដែនជាមួយប្រទេសវៀតណាម។
លិខិតទាំងបីដែលសរសេរដោយលោក ហ៊ុន សែន ដើម្បីពន្យល់អំពីភាពចាំបាច់របស់រដ្ឋាភិបាលកម្ពុជាក្នុងការទទួលបានផែនទីពីប្រទេសមហាអំណាចទាំង៣ មានន័យស្រដៀងគ្នា ដែលទាក់ទងនឹងការដោះស្រាយទំនាស់ព្រំដែនជាមួយប្រទេសវៀតណាម។ នៅក្នុងលិខិតដែលលោក ហ៊ុន សែន សរសេរទៅលោកប្រធានាធិបតី បារ៉ាក់ អូបាម៉ា បញ្ជាក់យ៉ាងដូច្នេះថា៖«ការស្នើសុំនេះក្នុងគោលបំណងកសាងនូវព្រំដែនជាមួយប្រទេសជិតខាងប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍ ព្រមទាំងប្រកបដោយតម្លាភាពចំពោះប្រជាជាតិកម្ពុជាទាំងមូល»។
នៅក្នុងលិខិតផ្ញើទៅលោកប្រធានាធិបតីបារាំងឯណោះវិញ លោកនាយករដ្ឋមន្ត្រី ហ៊ុន សែន បានពន្យល់ជ្រៅជាងនេះ។ លោក ហ៊ុន សែន សរសេរថា៖«...ក៏ដូចជាក្នុងគោលបំណងបញ្ចៀស និងបញ្ចប់នូវការញុះញង់ បង្កើតស្មារតីជាតិនិយមជ្រុល ហើយដែលកើតនាំឲ្យមានការភាន់ច្រឡំ ក្នុងចំណោមសាធារណមតិជាតិ និងអន្តរជាតិ ដែលជាប្រការអាចបង្កើតគ្រោះមហន្តរាយដ៏ធំធេងដល់ជាតិកម្ពុជា»៕
© រក្សាសិទ្ធិដោយ thmeythmey.com
