អន្តរជាតិ
×![]()
កងកម្លាំងអាមេរិកបានសម្លាប់មេបញ្ជាការក្រុមរដ្ឋឥស្លាមឬក្រុមដែស្ហ (Daesh) ទីពីរនៅក្នុងសប្តាហ៍នេះ។ ការសម្លាប់មេទ័ពដែលមានតួនាទីសំខាន់ក្នុងរចនាសម្ព័ន្ធដឹកនាំក្រុមភេរវជននេះ ជាជោគជ័យសម្រាប់អាមេរិកនិងសម្ព័ន្ធមិត្ត ហើយវាក៏ធ្វើឲ្យក្រុមនេះចុះថមថយកម្លាំងដែរ។
រដ្ឋមន្ត្រីការពារជាតិអាមេរិកលោក Ashton Carter បានប្រកាសនៅថ្ងៃសុក្រទី ២៥ មីនាម្សិលមិញថា មេបញ្ជាការលេខរៀងទីពីររបស់ក្រុមភេរវជនរដ្ឋឥស្លាម ឬក្រុមដែស្ហ នោះត្រូវកងកម្លាំងសហរដ្ឋអាមេរិកសម្លាប់រួចហើយក្នុងសប្តាហ៍នេះ។
ប៉ុន្តែប្រមុខការពារជាតិរូបនេះបដិសេធឆ្លើយថា ជននេះស្លាប់ក្រោមស្នាដៃការទម្លាក់គ្រាប់ដោយសម្ព័ន្ធអន្តរជាតិឬដោយសារយន្តហោះគ្មានអ្នកបើករបស់អាមេរិក។
ជនដែលគេចាត់ទុកជាមេបញ្ជាការទី២របស់ក្រុមនេះមានឈ្មោះ Abd ar-Rahman Mustafa al-Qaduli។ បើតាមរបាយការណ៍ចារកម្មជននេះបំពេញមុខងារជារដ្ឋមន្ត្រីហិរញ្ញវត្ថុរបស់ក្រុម និងជាអ្នកនៅពីក្រោយក្រុមប្រដាប់អាវុធបរទេសផ្សេងទៀតជាច្រើន។
លោក Carter បានថ្លែងថា ៖« យើងបានសម្លាប់មេដឹកនាំក្រុមរដ្ឋឥស្លាមជាប្រព័ន្ធ។ ការសម្លាប់មេបញ្ជាក្រុមនេះនឹងបន្ថយសមត្ថភាពវាយប្រហាររបស់ពួកគេនៅទឹកដីស៊ីរី និងអ៊ីរ៉ាក់ និងនៅក្រៅប្រទេសទៀត»។
ក្រោយការប្រកាសពីការសម្លាប់មេដឹកនាំក្រុមដែស្ហនេះ សម្ព័ន្ធមិត្តអាមេរិកអង់គ្លេសបានចេញមុខសាទរ។ រដ្ឋមន្ត្រីការបរទេសអង់គ្លេសលោក Philip Hammond បានចាត់ទុកថាការស្លាប់របស់ Abd ar-Rahman Mustafa al-Qaduli ជាជោគជ័យថ្មីមួយដើម្បីឈានទៅទទួលជ័យជម្នះលើក្រុមភេរវជននេះនៅពេលអនាគត។
យ៉ាងណាក៏ដោយ ក្រសួងការពារជាតិអាមេរិកមិនបានបញ្ជក់ច្បាស់នៅឡើយទេថា ជនដែលស្លាប់នេះអាចមានជាប់ពាក់ព័ន្ធករណីវាយប្រហារកាលពីខែវិច្ឆិកាកន្លងទៅនៅទីក្រុងប៉ារីស និងការវាយប្រហារថ្មីៗនេះនៅទីក្រុងព្រុចសែលប្រទេសបែលហ្ស៊ិកនោះ។
កន្លងមកក្រសួងយុត្តិធម៌អាមេរិកបានប្រកាសផ្តល់រង្វាន់ ៧លានដុល្លារអាមេរិកដល់អ្នកណាក៏ដោយដែលអាចឈានដល់ការរកឃើញ al-Qaduli។ បើតាមតម្លៃរង្វាន់ ជនម្នាក់នេះក្លាយជាមនុស្សសំខាន់ទីពីរបន្ទាប់ពីមេដឹកនាំកំពូលរបស់ក្រុម Abu Bakr al-Baghdadi ព្រោះការផ្តល់ព័ត៌មានរបស់មេខ្លោងម្នាក់នេះ គេអាចទទួលលុយរង្វាន់បានដល់១០លានដុល្លារឯណោះ។
សូមបញ្ជាក់ថា កាលពីដើមខែអាមេរិកបានប្រកាសម្តងហើយថា កងទ័ពអាកាសខ្លួនបានសម្លាប់មេបញ្ជាការក្រុម ដែស្ហ Abu Omar al-Shishani ក្នុងប្រតិបត្តិការយោធានៅស៊ីរី។ ជននេះជាមនុស្សសំខាន់ក្នុងជួរដឹកនាំក្រុមដែស្ហ ព្រោះសូម្បីតែអាមេរិក ក៏បានដាក់រហ័ស្សនាមឲ្យជននេះថាជា «រដ្ឋមន្ត្រីសង្គ្រាម»ថែមទៀត។ Omar al-Shishani តាមពិតទៅជាទីប្រឹក្សាសឹកមេដឹកនាំកំពូលក្រុមរដ្ឋឥស្លាម Abu Bakr al-Baghdadi ផងព្រោះគេពូកែខាងយុទ្ធសាស្ត្រសង្គ្រាមនិងអាចជួយពង្រឹងកម្លាំងក្រុមនេះបានយ៉ាងមានប្រសិទ្ធភាព។ កន្លងមកក្រសួងការបរទេសអាមេរិកប្រកាសផ្តល់លុយរង្វាន់រហូតដល់ ៥លានដុល្លារអាមេរិកដល់អ្នកដែលផ្តល់ព័ត៌មានដែលអាចឈានទៅសម្លាប់ជននេះបានដែរ៕
រដ្ឋមន្ត្រីការពារជាតិអាមេរិកលោក Ashton Carter បានប្រកាសនៅថ្ងៃសុក្រទី ២៥ មីនាម្សិលមិញថា មេបញ្ជាការលេខរៀងទីពីររបស់ក្រុមភេរវជនរដ្ឋឥស្លាម ឬក្រុមដែស្ហ នោះត្រូវកងកម្លាំងសហរដ្ឋអាមេរិកសម្លាប់រួចហើយក្នុងសប្តាហ៍នេះ។
ប៉ុន្តែប្រមុខការពារជាតិរូបនេះបដិសេធឆ្លើយថា ជននេះស្លាប់ក្រោមស្នាដៃការទម្លាក់គ្រាប់ដោយសម្ព័ន្ធអន្តរជាតិឬដោយសារយន្តហោះគ្មានអ្នកបើករបស់អាមេរិក។
ជនដែលគេចាត់ទុកជាមេបញ្ជាការទី២របស់ក្រុមនេះមានឈ្មោះ Abd ar-Rahman Mustafa al-Qaduli។ បើតាមរបាយការណ៍ចារកម្មជននេះបំពេញមុខងារជារដ្ឋមន្ត្រីហិរញ្ញវត្ថុរបស់ក្រុម និងជាអ្នកនៅពីក្រោយក្រុមប្រដាប់អាវុធបរទេសផ្សេងទៀតជាច្រើន។
លោក Carter បានថ្លែងថា ៖« យើងបានសម្លាប់មេដឹកនាំក្រុមរដ្ឋឥស្លាមជាប្រព័ន្ធ។ ការសម្លាប់មេបញ្ជាក្រុមនេះនឹងបន្ថយសមត្ថភាពវាយប្រហាររបស់ពួកគេនៅទឹកដីស៊ីរី និងអ៊ីរ៉ាក់ និងនៅក្រៅប្រទេសទៀត»។
ក្រោយការប្រកាសពីការសម្លាប់មេដឹកនាំក្រុមដែស្ហនេះ សម្ព័ន្ធមិត្តអាមេរិកអង់គ្លេសបានចេញមុខសាទរ។ រដ្ឋមន្ត្រីការបរទេសអង់គ្លេសលោក Philip Hammond បានចាត់ទុកថាការស្លាប់របស់ Abd ar-Rahman Mustafa al-Qaduli ជាជោគជ័យថ្មីមួយដើម្បីឈានទៅទទួលជ័យជម្នះលើក្រុមភេរវជននេះនៅពេលអនាគត។
យ៉ាងណាក៏ដោយ ក្រសួងការពារជាតិអាមេរិកមិនបានបញ្ជក់ច្បាស់នៅឡើយទេថា ជនដែលស្លាប់នេះអាចមានជាប់ពាក់ព័ន្ធករណីវាយប្រហារកាលពីខែវិច្ឆិកាកន្លងទៅនៅទីក្រុងប៉ារីស និងការវាយប្រហារថ្មីៗនេះនៅទីក្រុងព្រុចសែលប្រទេសបែលហ្ស៊ិកនោះ។
កន្លងមកក្រសួងយុត្តិធម៌អាមេរិកបានប្រកាសផ្តល់រង្វាន់ ៧លានដុល្លារអាមេរិកដល់អ្នកណាក៏ដោយដែលអាចឈានដល់ការរកឃើញ al-Qaduli។ បើតាមតម្លៃរង្វាន់ ជនម្នាក់នេះក្លាយជាមនុស្សសំខាន់ទីពីរបន្ទាប់ពីមេដឹកនាំកំពូលរបស់ក្រុម Abu Bakr al-Baghdadi ព្រោះការផ្តល់ព័ត៌មានរបស់មេខ្លោងម្នាក់នេះ គេអាចទទួលលុយរង្វាន់បានដល់១០លានដុល្លារឯណោះ។
សូមបញ្ជាក់ថា កាលពីដើមខែអាមេរិកបានប្រកាសម្តងហើយថា កងទ័ពអាកាសខ្លួនបានសម្លាប់មេបញ្ជាការក្រុម ដែស្ហ Abu Omar al-Shishani ក្នុងប្រតិបត្តិការយោធានៅស៊ីរី។ ជននេះជាមនុស្សសំខាន់ក្នុងជួរដឹកនាំក្រុមដែស្ហ ព្រោះសូម្បីតែអាមេរិក ក៏បានដាក់រហ័ស្សនាមឲ្យជននេះថាជា «រដ្ឋមន្ត្រីសង្គ្រាម»ថែមទៀត។ Omar al-Shishani តាមពិតទៅជាទីប្រឹក្សាសឹកមេដឹកនាំកំពូលក្រុមរដ្ឋឥស្លាម Abu Bakr al-Baghdadi ផងព្រោះគេពូកែខាងយុទ្ធសាស្ត្រសង្គ្រាមនិងអាចជួយពង្រឹងកម្លាំងក្រុមនេះបានយ៉ាងមានប្រសិទ្ធភាព។ កន្លងមកក្រសួងការបរទេសអាមេរិកប្រកាសផ្តល់លុយរង្វាន់រហូតដល់ ៥លានដុល្លារអាមេរិកដល់អ្នកដែលផ្តល់ព័ត៌មានដែលអាចឈានទៅសម្លាប់ជននេះបានដែរ៕
Tag:
Aston Carter
ក្រុមដែស្ហ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
