ជាតិ
កម្ពុជា នាំចេញអង្ករ ជាង៣២ម៉ឺនតោន កើនឡើង១៦ភាគរយ សកម្មភាពការងារក្នុងរោងម៉ាស៊ីនកិនស្រូវ របស់ក្រុមហ៊ុន LBN នៅខេត្តត្បូងឃ្មុំ។ រូបពី មន្ទីរកសិកម្មខេត្តត្បូងឃ្មុំ
× ភ្នំពេញ៖ ការនាំចេញអង្កររបស់កម្ពុជាទៅកាន់ទីផ្សារអន្តរជាតិ បានកើនឡើងសរុបកើនឡើង១៦ភាគរយ ខណៈចិន និងសហភាពអឺរ៉ុបនៅតែជាគោលដៅនាំចេញច្រើនជាងគេ។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទនៅឆមាសទី១នេះ កម្ពុជា បានសម្រេចការនាំចេញអង្ករសរុប ៣២៧ ២០០តោន កើនឡើង៤៦៧ ៥០តោន
ស្មើនឹង១៦ភាគរយ ធៀបនឹងរយៈពេលដូចគ្នាឆ្នាំ២០២១ ដែលមានត្រឹម ២៨០ ៤៥០តោន។ក្នុងនោះនាំទៅសហភាពអឺរ៉ុបចំនួន ២៣ប្រទេស មានចំនួន ៩៨ ៦២៤តោន កើនឡើងចំនួន ៣១ ៤៨៨តោនស្មើនឹង៤៧ភាគរយ។
កម្ពុជា នាំចេញអង្ករទៅចិន ចំនួន១៦៨ ២៨០តោន កើនឡើងចំនួន ២៤ ៩៨៧តោនស្មើនឹង១៧ភាគរយ។ អង្ករកម្ពុជា ត្រូវបាននាំចេញទៅបណ្ដាប្រទេសចំនួន៤នៅអាស៊ាន ចំនួន ២៨៦
៨០តោន កើនឡើងចំនួន ១ ៥៤៤តោន ស្មើនឹង ៥ភាគរយ។ កម្ពុជា ក៏បាននាំចេញទៅប្រទេសគោលដៅចំនួន២៣ទៀត ចំនួន ៣១ ៦១៦តោន ថយចុះចំនួន ១១ ២៦៩តោន ស្មើនឹង ២៦ភាគរយ។
របាយការណ៍ដដែល បញ្ជាក់ថាការនាំចេញអង្ករក្រអូបគ្រប់ប្រភេទចំនួន ២០៧ ២៧១តោន ស្មើនឹង ៦៣ភាគរយ។ អង្ករសគ្រប់ប្រភេទ ត្រូវបាននាំចេញចំនួន ១១៣៦១៧តោន ស្មើនឹង ៣៤ភាគរយ។ អង្ករចំហុយគ្រប់ប្រភេទ ត្រូវបាននាំចេញចំនួន ៦ ៣១២តោនស្មើនឹង ១ភាគរយ។ ដោយឡែក ការនាំចេញអង្ករក្នុងខែមិថុនា មានចំនួន ៤៣ ៥២៥តោន
ថយចុះចំនួន ៣ ៨៩៤តោន ស្មើនឹង ៨ភាគរយ ធៀបនឹងរយៈពេលដូចគ្នាឆ្នាំ២០២១ ដែលមានចំនួន ៤៧៤១៩តោន។
បច្ចុប្បន្ន ក្រុមហ៊ុននាំចេញអង្ករចំនួន ៥៣ក្នុងនោះមានក្រុមហ៊ុន១០ បាននាំចេញអង្កររហូតដល់ ២២៤ ០៩៣តោន ៦៨ភាគរយ និងក្រុមហ៊ុន៤៣ទៀតនាំចេញត្រឹមតែ១០៣ ១០៧តោន ៣១ភាគរយប៉ុណ្ណោះ៕
Tag:
អង្ករ
ការនាំចេញអង្ករទៅអឺរ៉ុប
© រក្សាសិទ្ធិដោយ thmeythmey.com