តាមការលើកឡើងរបស់លោក ឡុង កុសល សកម្មភាពបែបនេះពុំធ្លាប់មានឡើយនាពេលកន្លងមក គឺកើតឡើងក្រោយធ្លាយឯកសាររបស់រដ្ឋបាលខេត្ត ដែលស្នើសុំទៅអាជ្ញាធរជាតិអប្សរា ឱ្យផ្អាករុះរើសំណង់ខុសច្បាប់ក្នុងតំបន់១ និងតំបន់២ មួយរយៈ ដើម្បីពិភាក្សា និងសម្រេចផ្សេងៗ។ លិខិតចុះថ្ងៃទី២៧ ខែមិថុនា ដោយលោក ប្រាក់ សោភ័ណ ជាអភិបាលរង មិនបានបញ្ជាក់លម្អិតពីសំណើសុំផ្អាករុះរើសំណង់ខុសច្បាប់នេះឡើយ។

 

សូមស្ដាប់បទសម្ភាសរវាងអ្នកសារព័ត៌មានថ្មីៗ ជាមួយលោក ឡុង កុសល ខាងក្រោមនេះ៖ 

 

 

ជុំវិញករណីនេះ លោក សុខ ថុល នាយករដ្ឋបាលខេត្តសៀមរាប ពន្យល់ថា តាមរយៈគណៈកម្មការចម្រុះ ដើម្បីសម្របសម្រួលការប្រើប្រាស់ដីធ្លី​ ការទប់ស្កាត់សំណង់ខុសច្បាប់ និងរៀបចំសណ្ដាប់ធ្នាប់នៅតំបន់រមណីយដ្ឋានអង្គរ រវាងរដ្ឋបាលខេត្ត និងអាជ្ញាធរជាតិអប្សរា ដោយមានអនុគណៈកម្មការតាមស្រុកមួយៗ គឺតែងបានសហការបានល្អក្នុងអនុវត្តន៍ការងាររើសំណង់ខុសច្បាប់នេះ។ លោកថា មុនចុះអនុវត្តន៍ គឺគណៈកម្មការចម្រុះនេះ បានជជែកពីបញ្ហានានា ដើម្បីសហការពីអាជ្ញាធរមូលដ្ឋាន។