លោក យូ ខេមរៈ លើកឡើងថា ក្រុមមន្រ្តីទាំងនោះតម្រូវឱ្យភ្ញៀវបំពេញបែបបទ ដែលមានភាពស្មុគស្មាញ យូរ និងរំខានអារម្មណ៍ភ្ញៀវ និងធ្វើឱ្យពួកគេមានភាពធុញទ្រាន់។ មគ្គុទ្ទេសក៍ដដែល បញ្ជាក់ថា ព្រលានយន្តហោះជាទីតាំងបដិសណ្ឋារកិច្ចដំបូងពេលភ្ញៀវមកដល់កម្ពុជា ដូច្នេះគួររៀបចំផ្នែក​បដិសណ្ឋារកិច្ច​​ឱ្យបានល្អប្រសើរ ជៀសវាងមានភាពថ្នាំងថ្នាក់ណាមួយ។

 

ក្រៅពីបញ្ហានេះ លោក យូ ខេមរៈ ស្នើឱ្យរដ្ឋាភិបាលពង្រីកការតភា្ជប់ពីក្រុមហ៊ុនអាកាសចរណ៍ធំៗមកកាន់ ព្រលានកម្ពុជា ដើម្បីទាក់ទាញទេសចរឡើងវិញ និងបញ្ហាមួយទៀតគឺដោះស្រាយបញ្ហាសំរាម។ មគ្គុទ្ទេសក៍ភាសាបារាំងរូបនេះយល់ថា ការគ្រប់គ្រងសំរាមនៅតាមតំបន់ខ្លះដូចជានៅក្នុងវត្តអារាម និងទីសក្ការៈមួយចំនួននៅមានកម្រិត ដែលធ្វើឱ្យប៉ះពាល់មុខមាត់កម្ពុជាមួយផ្នែកធំផងដែរ៕