គ្រឹះស្ថានធនាគារ ជាប្រភពទុនវិនិយោគរបស់ពលរដ្ឋ

ជាតិ

សេដ្ឋកិច្ច

គ្រឹះស្ថានធនាគារ ជាប្រភពទុនវិនិយោគរបស់ពលរដ្ឋ

04, Jan 2024 , 9:09 am

រូបភាព

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា។ រូបថត៖ មឿន ម៉ាក់ថុង

ដោយ: អ៊ូ សុខមាន (OU Sokmean)

វិស័យធនាគារ និងមីក្រូហិរញ្ញវត្ថុ នឹងរួមចំណែកខ្លាំងដល់ការរីកចម្រើនសេដ្ឋកិច្ចជាតិ ប្រសិនបើប្រជាពលរដ្ឋខ្ចីលុយពីស្ថាប័នទាំងនោះ ដើម្បីផលិត និងវិនិយោគឱ្យបានត្រឹមត្រូវ។ លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានបញ្ជាក់ថា គ្រឹះស្ថានធនាគារ គឺជាប្រភពទុនសម្រាប់ធ្វើអាជីវកម្ម និងការវិនិយោគនានារបស់ប្រជាពលរដ្ឋ។

ដើម្បីជ្រាប់កាន់តែលម្អិត សូមលោកអ្នកទស្សនាកិច្ចសម្ភាស ដែលលោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា ពន្យល់ពីសារៈប្រយោជន៍របស់វិស័យធនាគារ និងមីក្រូហិរញ្ញវត្ថុ ក្នុងការចូលរួមអភិវឌ្ឍសេដ្ឋកិច្ចរបស់ពលរដ្ឋ និងប្រទេសជាតិ ដូចតទៅ៖

បើតាមលោកបណ្ឌិត គី សេរីវឌ្ឍន៍ កាលណាពលរដ្ឋខ្ចីលុយធនាគារ ឬមីក្រូហិរញ្ញវត្ថុសម្រាប់ទិញឡាន ម៉ូតូ គ្រឿងអលង្ការ ឬសម្ភារៈនិយមនានា ដើម្បីភាពហឺហានោះ គឺជាការចំណាយ មិនមែនខ្ចីលុយពីធនាគារដើម្បីវិនិយោគទេ។ « រីឯ ការខ្ចីលុយធនាគារដើម្បីវិនិយោគ ជាការវិនិយោគលើវិស័យណា ដែលផ្តល់ផលចំណេញឱ្យយើង។ តែយើងអត់មានដើមទុនជាក់ស្តែងទៅវិនិយោគ! គឺយើងខ្ចីលុយធនាគារទៅវិនិយោគ ហើយនឹងសងទៅធនាគារវិញដោយជោគជ័យ»។ នេះជាការពន្យល់របស់លោកបណ្ឌិត គី សេរីវឌ្ឍន៍ ដោយបន្ថែមថា៖ «កាលណាយើងពិចារណា និងប្រើប្រាស់កម្ចីមិនបានត្រឹមត្រូវ គឺយើងនឹងគ្រោះថ្នាក់ដល់អាជីវកម្មខ្លួនឯងហើយ»៕