សៀមរាប៖ ក្រៅពីលេងទឹក ក្នុងពិធី «សៀមរាបសង្ក្រាន្ត» នៅតំបន់ត្រជាក់ស្រស់ស្រាយ ក៏មានការរៀបចំល្បែងកម្សាន្តជាច្រើនផ្សេងទៀតផងដែរ ដូចជាសង្វៀនប្រដាល់លើអាកាស, ដើមចេកមហារំអិល, កញ្ញាធ្លាក់ទឹកជាដើម ដើម្បីអបអរពិធីបុណ្យចូលឆ្នាំប្រពៃណីខ្មែរនេះ។ តំបន់ត្រជាក់ស្ថិតនៅខាងកើតព្រះរាជដំណាក់ ក្នុងក្រុងសៀមរាប។

 

គួរជម្រាបផងដែរថា សៀមរាប រៀបចំព្រឹត្តិការណ៍ «សៀមរាបសង្ក្រាន្ត» រយៈពេល៤ថ្ងៃ ដើម្បីទេសចរទស្សនាកម្សាន្ត ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ ស្ថិតនៅតាមបណ្ដោយស្ទឹងសៀមរាប ចាប់ពីស្ពានព្រះរាជដំណាក់ រហូតដល់ស្ពានផ្សារចាស់។ ក្រៅពីតាមទីតាំងសួនច្បារ នៅខាងកើតទីសក្ការៈព្រះអង្គចេក ព្រះអង្គចម ព្រះរាជដំណាក់ ទេសចរក៏អាចទៅលេងកម្សាន្តនៅតំបន់ផាប់ស្ទ្រីតនាពេលយប់ផងដែរ៕