ជាតិ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ក្នុងនាមជាម្តាយ អ្នកតែងតែផ្តល់ភាពកក់ក្តៅឲ្យកូនជានិច្ច ដើម្បីឲ្យគេមានអារម្មណ៍សុវត្ថិភាព ប៉ុន្តែតើអ្នកធ្លាប់សង្កេតឬទេថាកូនអ្នកធ្លាប់ផ្តល់ភាពកក់ក្តៅឲ្យអ្នក? ខាងក្រោមនេះយើងខ្ញុំនឹងប្រាប់អ្នកពីវិធីដែលកូនអ្នកផ្តល់ឲ្យអ្នក។តើមានអ្វីខ្លះ?
- នៅពេលដែលគេឃើញអ្នកផឹកថ្នាំ ហើយគេយកស្ករគ្រាប់ឲ្យអ្នកពិសារ នេះជាទង្វើដ៏តូចមួយ ប៉ុន្តែក្នុងនាមជាម្តាយ អ្នកនឹងមានអារម្មណ៍សប្បាយចិត្តជាខ្លាំង។
- នៅពេលដែលកូនឃើញអ្នកឈឺ ហើយពាក់កណ្តាលយប់គេក្រោកឡើងដណ្តប់ភួយឲ្យអ្នក នៅពេលនោះហើយដែលអ្នកមានអារម្មណ៍កក់ក្តៅជាខ្លាំង។
- នៅពេលដែលអ្នកពិបាកចិត្ត ឬមិនសប្បាយចិត្ត គេនឹងធ្វើសកម្មភាពផ្សេងៗមកធ្វើឲ្យអ្នកសប្បាយចិត្ត ហើយលួងលោមអ្នក នោះគេកំពុងតែធ្វើឲ្យអ្នកបាត់នូវទុក្ខកង្វល់ផ្សេងៗហើយ។
- នៅពេលដែលគេឃើញអ្នកចិតខ្ទឹមបារាំង ហើយហៀរទឹកភ្នែក ពេលនោះគេយកក្រដាសមកជូតឲ្យអ្នក នោះបញ្ជាក់ថាគេកំពុងតែធ្វើឲ្យអ្នកមានភាពកក់ក្តៅក្នុងខ្លួនដោយសារតែទង្វើតូចតាចរបស់គេ។
- នៅពេលដែលអ្នកធ្វើការងារចប់ គេនឹងជួយម៉ាស្សាឲ្យអ្នក ថ្វីត្បិតតែវាជារឿងធម្មតា ប៉ុន្តែវាជារឿងដែលធ្វើឲ្យអ្នកមានភាពកក់ក្តៅណាស់។
- នៅពេលដែលដៃអ្នកទាំងសងខាងកំពុងយួរឥវ៉ាន់ ហើយខ្សែស្បែកជើងអ្នករបូត គេជួយចងអ្នកដោយមិនចាំបាច់អ្នកហៅគេឡើយ នោះគេជាក្មេងដែលចេះគិតខ្លាំងណាស់ ហើយទង្វើនេះជាអារម្មណ៍ដែលធ្វើឲ្យអ្នកមានភាពកក់ក្តៅជាខ្លាំង។
- នៅពេលដែលអ្នកឈ្លោះគ្នាជាមួយស្វាមីអ្នក គេជាមនុស្សម្នាក់គត់ដែលឈរនៅខាងអ្នកដោយមិនខ្វល់ថាអ្នកត្រូវឬខុស អារម្មណ៍បែបនោះពិតជាកក់ក្តៅខ្លាំងណាស់៕
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 21 ម៉ោង
