ជាតិ
នយោបាយជាតិ
ស្វាមីលោកស្រី មូ សុខហួរ ទទួលមរណភាព
× លោកស្រី មូ សុខហួរ មន្ត្រីជាន់ខ្ពស់គណបក្សសង្គ្រោះជាតិ និងជាតំណាងរាស្ត្រមណ្ឌលបាត់ដំបង បានប្រកាសពីមរណភាពស្វាមីរបស់ខ្លួននៅសហរដ្ឋអាមេរិក លោក Scott Leiper កាលពីវេលាម៉ោង១០និង៣០នាទី [ម៉ោងនៅកម្ពុជា] នាថ្ងៃទី២៨ ខែមីនា នេះ។
តាមរយៈគណនីហ្វេសប៊ុករបស់ខ្លួន លោកស្រី មូ សុខហួរ បានបញ្ជាក់ឲ្យដឹងថា លោក Scott Leiper បានទទួលមរណភាពដោយសារស្ថានភាពជំងឺមហារីកធ្ងន់ធ្ងរ ខណៈលោកមិនបានសម្រេចបំណងប្រាថ្នាក្នុងការប្រើប្រាស់ពេលវេលាចុងក្រោយនៅខេត្តកំពត។
ជាមួយគ្នានេះ លោកស្រី មូ សុខហួរ អះអាងថា៖ «ខ្ញុំនឹងយកធាតុគាត់មកប្រទេសកម្ពុជា។ គាត់ស្រឡាញ់ប្រទេសកម្ពុជាណាស់»។
លោកស្រី មូ សុខហួរ បានរៀបការជាមួយលោក Scott Leiper ជនជាតិអាមេរិក កាលពីឆ្នាំ១៩៨៤ ខណៈពួកគាត់ធ្វើការជាមួយគ្នានៅជំរំជនភៀសខ្លួននៅជាយដែនខ្មែរ-ថៃ។ គូស្វាមី-ភរិយានេះ មានកូនស្រីបីនាក់ ដែលមានឈ្មោះ Thida Leiper, Devi Leiper និង Malika Leiper៕
© រក្សាសិទ្ធិដោយ thmeythmey.com