ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
អង្គការស៊ីប៉ា បើកយុទ្ធនាការអប់រំ ស្តីពីវិថីឆ្ពោះទៅកាន់សុវត្ថិភាពលើកទី២
06, Jul 2017 ,
7:19 pm
រូបភាព
×
ដោយ:
កណ្តាល៖ អង្គការស៊ីប៉ា សហការជាមួយក្រុមហ៊ុនតូតាល់ បើកយុទ្ធនាការលើកទី២ ស្តីពីវិថីឆ្ពោះទៅកាន់សុវត្ថិភាព ដែលរួមមានការផ្សព្វផ្សាយសុវត្ថិភាពចរាចរណ៍ផ្លូវគោក និងការអាន។ យុទ្ធនាការលើកទី២នេះ ធ្វើឡើងតាមរយៈបណ្តាល័យចល័តរបស់ស៊ីប៉ា ដោយអនុវត្តន៍នៅក្នុងសាលារៀនចំនួន២៤ និងភូមិចំនួន២០ នៃស្រុកគៀនស្វាយ។ បណ្ណាល័យនេះ មានបំណងផ្សព្វផ្សាយការអាននៅក្នុងតំបន់គោលដៅ និងលើកកម្ពស់ការយល់ដឹងពីសុវត្ថិភាពចរាចរណ៍ផ្លូវគោក នៅក្នុងតំបន់ផ្សេងៗរបស់បណ្ណាល័យចល័តរបស់អង្កការស៊ីប៉ា និងរំពឹងថា មានសិស្សានុសិស្ស កុមារ និងយុវជនចូលរួម ប្រមាណ៦ពាន់នាក់ តាមរយៈបណ្ណាល័យនេះ។
អង្គការស៊ីប៉ា និងក្រុមហ៊ុនតូតាល់កម្ពុជា នៅថ្ងៃទី០៥ ខែកក្កដា បានបើកសម្ពោធយុទ្ធនាការលើកទី២ ស្តីពីវិថីឆ្ពោះទៅកាន់សុវត្ថិភាព ដើម្បីផ្សព្វផ្សាយសុវត្ថិភាពចរាចរណ៍ផ្លូវគោក និងការអាន ក្នុងភូមិខ្សុំ ឃុំសំរោងធំ ស្រុកគៀនស្វាយ។ យុទ្ធនាការនេះ ធ្វើឡើងតាមរយៈបណ្ណាល័យចល័តអង្គការស៊ីប៉ា ដែលមានសិស្សានុសិស្សចូលរួមប្រមាណ៨០០នាក់ មកពីសាលាបឋមសិក្សាចំនួន៤។
នាយកអង្គការស៊ីប៉ា លោក ហុក សុទ្ធិ (ឆ្វេង)អគ្គនាយកក្រុមហ៊ុនតូតាល់កម្ពុជា (កណ្ដាល)អនុប្រធានការិយាល័យបឋមសិក្សានៃមន្ទីរអប់រំ យុវជននិងកីឡាខេត្ត (ស្ដាំ)
នៅក្នុងពិធីនោះអង្គការស៊ីប៉ា បានបង្រៀនប្រជាពលដ្ឋ និងសិស្សានុសិស្សឲ្យយល់ពីស្លាកសញ្ញាចរាចរណ៍ ដើម្បីសុវត្ថិភាពទាំងពេលឆ្លងកាត់ផ្លូវ ពេលកំពុងបើករ ពេលត្រូវឈប់ និងចតនៅតាមដងផ្លូវ បង្កើតកម្មវិធីល្បងប្រាជ្ញា ដោយឲ្យអ្នកចូលរួមទាយស្លាកសញ្ញាចរាចរណ៍ និងជំរុញឲ្យអានសៀវភៅឲ្យបានច្រើន។
យុទ្ធនាការលើកទី២ មិនត្រឹមតែជាដៃគូជាមួយតូតាល់ប៉ុណ្ណោះទេ ក៏បានរួមសហការ ជាមួយអង្គការសហប្រជាតិ ក្នុងបំណងលើកស្ទួយដល់សិស្សានុសិស្ស កុមារ និងយុវជន ឲ្យបានដឹងពីសុវត្ថិភាព ពេលឆ្លងកាត់ ផ្លូវ។
អង្គការស៊ីប៉ា ចាប់ដៃគូជាមួយក្រុមហ៊ុនតូតាល់រយៈពេល៤ឆ្នាំហើយ ហើយ២ឆ្នាំចុងក្រោយនេះ បានធ្វើសកម្មភាពរួមគ្នាដោយផ្ដោតសំខាន់លើការអប់រំ ពាក់ព័ន្ធនឹងសុវត្ថិភាពចរាចរណ៍។ នេះបើតាម លោក ហុក សិទ្ធិ នាយកអង្គការស៊ីប៉ា ដែលបន្តថា ស៊ីប៉ា ក៏ជាដៃគូជាមួយក្រសួងអប់រំយុវជន និងកីឡា អស់រយៈពេលជិត២០ឆ្នាំដែរ ក្នុងការអភិវឌ្ឍវិស័យអំណាន និងការអប់រំនៅកម្ពុជា។ ក្នុងរយៈពេល២០ឆ្នាំមកនេះ ស៊ីប៉ា បានបង្កើតបណ្ណាល័យជាច្រើនកន្លែង នៅតាមសាលារៀន មន្ទីរពេទ្យ រោងចក្រ និងពន្ធនាគារជាដើម ពិសេសមានបណ្ណាល័យចល័តចំនួន៨ ធ្វើសកម្មភាពចល័តជុំវិញរាជធានីភ្នំពេញ និងខេត្តសៀមរាប។
លោក ហុក សិទ្ធិ បញ្ជាក់ដូច្នេះ ៖«តាមរយៈបណ្ណាល័យចល័តនេះ ស៊ីប៉ាបានចាប់ដៃគូជាមួយតូតាល់ ដើម្បីមានយុទ្ធសាស្ត្រ ចូលរួមក្នុងការអប់រំ ហើយសកម្មភាពចម្បង គឺការអានសៀវភៅ ហើយការអាននេះអាចបញ្ជ្រាបការអប់រំ ពាក់ព័ន្ធនឹងសុវត្ថិភាពចរាចរណ៍»។
លោក ឈាង សំណាង អនុប្រធានការិយាល័យបឋមសិក្សា នៃមន្ទីរអប់រំ យុវជន និងកីឡាខេត្តកណ្តាល បានលើកឡើងថា កម្មវិធីនេះមានសារៈសំខាន់ណាស់ សម្រាប់ជំរុញវិស័យអប់រំ ពិសេសលើកគុណភាពផ្នែកអប់រំ ដែលជាចំណុចសំខាន់របស់រាជរដ្ឋាភិបាល ហើយនិងការកាត់បន្ថយគ្រោះថ្នាក់ចរាចរណ៍។ លោក ក៏បានសំណូមពរដល់អង្គការស៊ីប៉ា បន្តជួយទៅលើវិស័យអប់រំ និងពង្រីកការិយាល័យគ្រប់សាលានៅកម្ពុជា។
អគ្គនាយកក្រុមហ៊ុនតូតាល់កម្ពុជា លោក Asif IQBAL បានលើកឡើងថា ក្រុមហ៊ុនរបស់លោក បានសហការជាមួយអង្គការស៊ីប៉ាអស់រយៈពេល៤ឆ្នាំ ហើយពីរឆ្នាំចុងក្រោយនេះ បានសហការរួមគ្នា ផ្សព្វផ្សាយសុវត្ថិភាពចរាចរណ៍ និងការអាន។ ក្រៅពីនេះ លើកកម្ពស់សុវត្ថិភាពចរាចរណ៍ ក៏បានសហការជាមួយក្រសួងអប់រំជុំវិញការផ្ដល់ជាអាហាររូបករណ៍ដល់សិស្សានុសិស្ស និងបានអញ្ជើញអ្នកជំនាញពីប្រទេសបារាំង មកបង្រៀនដល់ប្រជាជនកម្ពុជា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស៊ីប៉ា
តូតាល់
ចរាចរណ៍
ការអាន
© រក្សាសិទ្ធិដោយ thmeythmey.com
អត្ថបទពេញនិយម
ប៉េអឹមរើសពលទាហានថ្មី១ ០០០នាក់! ឱកាសសម្រាប់យុវជនកម្ពស់១,៧០ម៉ែត្រឡើង និងលក្ខខណ្ឌផ្សេងៗ
6 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
6 ម៉ោង
«ហុតទឹកសម្លឹងកាក…!»
4 ថ្ងៃ
ហេតុអ្វីទឹកស្ទឹងសៀមរាបកខ្វក់?
1 សប្តាហ៍
«អុច»បើសរសេរជា«អុជ»តើត្រឹមត្រូវដែរឬទេ?
ភ្នំពេញ
1 សប្តាហ៍
អត្ថបទពេញនិយមបន្ថែម