អន្តរជាតិ
លោក លី សៀនឡុង ចង់ឃើញ «រូបរាងពិត RCEP» ខណៈ ពេលកំណត់ចុងក្រោយ ត្រូវលើកបីដងហើយនោះ
នាយករដ្ឋមន្ត្រីសិង្ហបុរី លោក លី សៀនឡុង ។ រូបថត AFP
×![]()
នាយករដ្ឋមន្ត្រីសិង្ហបុរី លោក លី សៀនឡុង បានទទូចឲ្យសមាជិករបស់កិច្ចព្រមព្រៀងពាណិជ្ជកម្មសេរី RCEP ចូលរួមកែប្រែមហិច្ឆតានៃកិច្ចព្រមព្រៀងនេះឲ្យប្រែក្លាយជាការពិត ។ លោកនាយករដ្ឋមន្ត្រី ក៏ចង់ឃើញភាគីពាក់ព័ន្ធទាំងអស់បង្ហាញពីភាពស្មោះត្រង់ដើម្បីឲ្យកិច្ចព្រមព្រៀងអាចសម្រេចបានចំណុចរួមមួយ ។
លោកនាយករដ្ឋមន្ត្រី លី សៀនឡុង នៅថ្ងៃ១៤ វិច្ឆិកា បានថ្លែងក្នុងជំនួបលើកដំបូងរបស់សមាជិក «ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់» (RCEP) ថា ការចរចា បានចំណាយពេលលើសពីការរំពឹងទុក ។ លោកអះអាង ថា ភាគី RCEP មិនអាចបញ្ចប់ការចរចាតាមពេលកំណត់របស់ខ្លួនរហូតដល់បីលើក រួមមាន ឆ្នាំ២០១៥, ២០១៦ និងឆ្នាំ២០១៧នេះតែម្តង ។
លោកនាយករដ្ឋមន្ត្រី បានលើកឡើងថា RCEP ត្រូវបានរំពឹងថា ជាកិច្ចព្រមព្រៀងមួយ ដែលនឹងនាំមកនូវផលប្រយោជន៍ជាច្រើនសម្រាប់ការធ្វើធុរកិច្ច និងប្រជាជនរបស់ប្រទេសទាំង១៦ ដែលជាសមាជិករបស់វា ។ នេះបើយោងតាមការចុះផ្សាយរបស់សារព័ត៌មានសិង្ហបុរី Channel News Asia ។
ជុំវិញភាពយឺតយ៉ាវនៃការសម្រេចបានកិច្ចព្រមព្រៀងនេះ លោក លី បានទទូចឲ្យភាគីទាំងអស់ ចូលរួមបង្ហាញពីស្មោះត្រង់ និងបើកចំហរ ក៏ដូចជាបង្ហាញពីការប្តេជ្ញា និងកិច្ចប្រឹងប្រែងពិតប្រាកដដើម្បីធ្វើឲ្យ RCEP ក្លាយជាកិច្ចព្រមព្រៀងពាណិជ្ជកម្មសេរីពិតប្រាកដ ។ តែលោក ក៏ទទួលស្គាល់ពី ភាពស្មុគស្មាញរបស់ភាគីពាក់ព័ន្ធផងដែរ ។
សូមជម្រាបផងដែរថា RCEP (Regional Comprehensive Economic Partnership) គឺជាកិច្ចព្រមព្រៀងពាណិជ្ជកម្មមួយដែលផ្តួចផ្តើមដោយរដ្ឋាភិបាលចិន និងលើកចរចាជាផ្លូវការក្នុងឆ្នាំ២០១២ក្នុងឱកាសកម្ពុជាធ្វើជាប្រធានអាស៊ាន។ កិច្ចព្រមព្រៀងដែលមានទំហំពាណិជ្ជកម្មស្មើនឹង៣០ភាគរយនៃផលិតផលក្នុងស្រុកសរុបរបស់ពិភពលោក បង្កើតឡើងដើម្បីប្រែក្លាយតំបន់រដ្ឋអាស៊ាន និងដៃគូសន្ទនារបស់ខ្លួនក្លាយជាតំបន់ពាណិជ្ជកម្មសេរី។
ភាគីនៃកិច្ចព្រមព្រៀងនេះ រាប់បញ្ចូលសមាជិកអាស៊ានទាំងដប់ និង ដៃគូសន្ទនាផ្សេងទៀតរួមមានចិន ជប៉ុន កូរ៉េខាងត្បូង ឥណ្ឌា អូស្ត្រាលី និង ណូវែលសេឡង់ ៕
លោកនាយករដ្ឋមន្ត្រី លី សៀនឡុង នៅថ្ងៃ១៤ វិច្ឆិកា បានថ្លែងក្នុងជំនួបលើកដំបូងរបស់សមាជិក «ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់» (RCEP) ថា ការចរចា បានចំណាយពេលលើសពីការរំពឹងទុក ។ លោកអះអាង ថា ភាគី RCEP មិនអាចបញ្ចប់ការចរចាតាមពេលកំណត់របស់ខ្លួនរហូតដល់បីលើក រួមមាន ឆ្នាំ២០១៥, ២០១៦ និងឆ្នាំ២០១៧នេះតែម្តង ។
លោកនាយករដ្ឋមន្ត្រី បានលើកឡើងថា RCEP ត្រូវបានរំពឹងថា ជាកិច្ចព្រមព្រៀងមួយ ដែលនឹងនាំមកនូវផលប្រយោជន៍ជាច្រើនសម្រាប់ការធ្វើធុរកិច្ច និងប្រជាជនរបស់ប្រទេសទាំង១៦ ដែលជាសមាជិករបស់វា ។ នេះបើយោងតាមការចុះផ្សាយរបស់សារព័ត៌មានសិង្ហបុរី Channel News Asia ។
ជុំវិញភាពយឺតយ៉ាវនៃការសម្រេចបានកិច្ចព្រមព្រៀងនេះ លោក លី បានទទូចឲ្យភាគីទាំងអស់ ចូលរួមបង្ហាញពីស្មោះត្រង់ និងបើកចំហរ ក៏ដូចជាបង្ហាញពីការប្តេជ្ញា និងកិច្ចប្រឹងប្រែងពិតប្រាកដដើម្បីធ្វើឲ្យ RCEP ក្លាយជាកិច្ចព្រមព្រៀងពាណិជ្ជកម្មសេរីពិតប្រាកដ ។ តែលោក ក៏ទទួលស្គាល់ពី ភាពស្មុគស្មាញរបស់ភាគីពាក់ព័ន្ធផងដែរ ។
សូមជម្រាបផងដែរថា RCEP (Regional Comprehensive Economic Partnership) គឺជាកិច្ចព្រមព្រៀងពាណិជ្ជកម្មមួយដែលផ្តួចផ្តើមដោយរដ្ឋាភិបាលចិន និងលើកចរចាជាផ្លូវការក្នុងឆ្នាំ២០១២ក្នុងឱកាសកម្ពុជាធ្វើជាប្រធានអាស៊ាន។ កិច្ចព្រមព្រៀងដែលមានទំហំពាណិជ្ជកម្មស្មើនឹង៣០ភាគរយនៃផលិតផលក្នុងស្រុកសរុបរបស់ពិភពលោក បង្កើតឡើងដើម្បីប្រែក្លាយតំបន់រដ្ឋអាស៊ាន និងដៃគូសន្ទនារបស់ខ្លួនក្លាយជាតំបន់ពាណិជ្ជកម្មសេរី។
ភាគីនៃកិច្ចព្រមព្រៀងនេះ រាប់បញ្ចូលសមាជិកអាស៊ានទាំងដប់ និង ដៃគូសន្ទនាផ្សេងទៀតរួមមានចិន ជប៉ុន កូរ៉េខាងត្បូង ឥណ្ឌា អូស្ត្រាលី និង ណូវែលសេឡង់ ៕
Tag:
សិង្ហបុរី
RCEP
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
