COVID-19
ជាតិ
COVID-19៖ កុំចាំទិញតែពីគេ ត្រូវដាំដំណាំគ្រប់មុខដើម្បីផ្គត់ផ្គង់តាមភូមិស្រុកខ្លូនឯង!
×
លិខិតមិត្តអ្នកអាន
គេមិនអាចប៉ាន់ស្មានបានថា តើបច្ច័យអាក្រក់កើតចេញកូវីដ១៩នោះ នឹងត្រូវបន្តរយៈពេលរបស់វាប៉ុន្មានឡើយ។ សម្តេច ស ខេង រដ្ឋមន្ត្រីក្រសួងមហាផ្ទៃនៅថ្ងៃទី២៤ខែមីនាឆ្នាំ២០២០បាននិយាយថា បើភូមិណា មានមនុស្សច្រើន អាចថា ពី២ទៅ៣នាក់ ជាពិសេសសំដៅលើអ្នកដែលទើបនឹងមកថៃ និងប្រទេសនានា បានឆ្លងកូវីដ-១៩ ភូមិនោះ អាចនឹងបិទ មិនឲ្យមានការចេញចូលតែម្តង។
ស្របពេលដែលការរាតត្បាតរបស់កូវីដ១៩ កាន់បង្កើនឥទ្ធិពលរបស់វា តម្លៃទំនិញចេះតែបន្តឡើងថ្លៃ។ ទំនិញប្រើប្រាស់នៅកម្ពុជាមួយចំនួនត្រូវបាននាំចូល និងមួយភាគទៀតផលិតដោយខ្លួនឯង។ និយាយឲ្យចំ មានន័យថា កម្ពុជានឹងខ្វះទំនិញហូបចុកប្រសិន បើការនាំចូលខ្វះ ឬត្រូវបិទជាយថាហេតុ។
ដូច្នេះ ដើម្បីទប់ទល់ទៅនឹងការដំឡើងថ្លៃទំនិញ និងដើម្បីកាត់បន្ថយហានិភ័យនៃការខ្វះទំនិញ ឬផលិតផលហូបចុកនៅក្នុងប្រទេសកម្ពុជា ស្វ័យកម្មសន្តិសុខស្បៀងដោយខ្លួនឯងនៅតាមផ្ទះ ភូមិ ឃុំ គឺជារឿងដែលត្រូវចាប់ផ្តើមធ្វើចាប់ពីពេលនេះតទៅ ពីព្រោះ គេមិនដឹងថា តើមេរោគនេះបន្តឥទ្ធិពលរបស់វារហូតដល់ពេលណាឡើយ។ ពលរដ្ឋអាចដាំបន្លែ ដំណាំ ឬចិញ្ចឹមសត្វណាដែលចាប់ឲ្យផលលឿន។
-ចូរកុំនាំគ្នាចាំទិញតែពីគេ! ដាំខ្លួនឯង ផលិតខ្លួនឯង!
ប្រសិនបើឈានទៅរកការបិទភូមិខ្លះទៀតមែន។ ស្វ័យសន្តិសុខស្បៀងនៅតាមភូមិឃុំរឹតតែសំខាន់ថែមទៀត។
-ចូរកុំដកដង្ហើមតាមគេ! នាំគ្នាដាំ នាំគ្នាធ្វើ នាំគ្នាផលិត!
(លោក លឹម រតនា ពលរដ្ឋនៅទីក្រុងភ្នំពេញ)
© រក្សាសិទ្ធិដោយ thmeythmey.com