ជាតិ
មនុស្ស ១៤នាក់បាត់បង់ជីវិត និងរបួសធ្ងន់ស្រាលក្នុងគ្រោះថ្នាក់ចរាចរណ៍នៅថ្ងៃ២២ មិថុនា
× ភ្នំពេញ៖ មនុស្ស ៣នាក់ស្លាប់ និងរងរបួសធ្ងន់ស្រាល ១១នាក់ក្នុងគ្រោះថ្នាក់ចរាចរណ៍ ដែលបានកើតឡើងចំនួន ៧លើកនៅទូទាំងប្រទេស នៅថ្ងៃទី២២ ខែមិថុនា ឆ្នាំ២០១៥នេះ ។ នេះបើតាមការចុះផ្សាយលើគេហទំព័ររបស់អគ្គស្នងការដ្ឋាននគរបាលជាតិ។
ករណីគ្រោះថ្នាក់ចរាចរណ៍ទាំង ៧លើក បណ្តាលឲ្យមនុស្សស្លាប់ ៣នាក់ របួសធ្ងន់ ៨នាក់(នារី៣នាក់) និងរបួសស្រាល៣នាក់។ គ្រោះថ្នាក់ចរាចរណ៍ម្សិលមិញនេះ បានបង្កឲ្យខូចខាតយានយន្តសរុប ១៣ គ្រឿង ក្នុងនោះ ម៉ូតូចំនួន ៧គ្រឿង រថយន្តធុនតូច ៤គ្រឿង និងរថយន្តធុនធំ ២គ្រឿង។
មូលហេតុដែលបណ្តាលឲ្យមាន គ្រោះថ្នាក់ រួមមាន ល្មើសល្បឿន៤លើក ស្រវឹង២លើក និងមិនប្រកាន់ស្តាំ១លើក ។ ចំពោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាព ចំនួន១៣នាក់(យប់៣នាក់)៕
© រក្សាសិទ្ធិដោយ thmeythmey.com