ជាតិ
នយោបាយជាតិ
សម្ដេច ហ៊ុន សែន លើការទប់ស្កាត់បទល្មើសជលផល និងព្រៃឈើ ៖ «ចាត់ទុកថា ខ្ញុំជាអ្នកខុសចុះ!»
× «ចាត់ទុកថា ខ្ញុំជាអ្នកខុសចុះ ព្រោះខ្ញុំល្ងង់ពេក» នេះជាសម្ដីលើកទីមួយ ដែលសម្ដេចនាយករដ្ឋមន្ត្រី ហ៊ុន សែន មើលឃើញពីភាពចន្លោះប្រហោងអនុវត្តការងាររបស់មន្ត្រីក្រសួងកសិកម្ម រុក្ខាប្រមាញ់ និងនេសាទ និងមន្ត្រីរដ្ឋបាលថ្នាក់ក្រោមជាតិ ក្នុងការទប់ស្កាត់បទល្មើសជលផល និងបទល្មើសព្រៃឈើ។
សម្ដេច ហ៊ុន សែន មើលឃើញថា មូលហេតុដែលពិបាកទប់ស្កាត់បទល្មើសទាំងនេះ ដោយសារតែក្រសួងកសិកម្ម រុក្ខាប្រមាញ់ និងនេសាទ «មានក្បាលមួយ និងមានកន្ទុយ៣» ដែលការអនុវត្តការងាររបស់មន្ត្រីក្រសួង និងមន្ត្រីថ្នាក់ក្រោមជាតិ ខ្វះការទទួលខុសត្រូវ និងខ្វះកិច្ចសហការគ្នា ដែលបង្កជាបញ្ហាដល់រដ្ឋាភិបាលថ្នាក់ជាតិ ពិបាកគ្រប់គ្រងក្នុងការទប់ស្កាត់បទល្មើស។
ថ្លែងក្នុងវេទិការស្តីពី ការការពារ និងអភិរក្សធនធានធម្មជាតិនៅព្រឹកនេះ ប្រមុខរដ្ឋាភិបាល បានបញ្ជាក់ដូច្នេះថា៖«ក្រសួងគេបែបណា ឈ្មោះមន្ទីគេបែបហ្នឹង ដោយឡែកក្រសួងកសិកម្ម រុក្ខាប្រមាញ់ និងនេសាទ គឺមានឈ្មោះក្រសួងកសិកម្ម រុក្ខាប្រមាញ់ និងនេសាទ ពេលទៅដល់ខេត្តមានមន្ទីកសិកម្ម។ វាបាត់ឈ្មោះពីរហ្នឹង (រុក្ខាប្រមាញ់ និងនេសាទ) ហើយឈ្មោះពីរនេះ(រុក្ខាប្រមាញ់ និងនេសាទ) ជាឈ្មោះរដ្ឋបាលខណ្ឌ ទីចុងបំផុតអត់ដឹងអ្នកណាគ្រប់គ្រងទេ អានេះស្ដេចត្រាញ់ម៉ង»។
សូមស្ដាប់ប្រសាសន៍សម្ដេច ហ៊ុន សែន៖
Tag:
ហ៊ុន សែន
ព្រៃឈើ
ជលផល
© រក្សាសិទ្ធិដោយ thmeythmey.com