អន្តរជាតិ
នាយករដ្ឋមន្ត្រីជប៉ុន៖ ចំនួនមនុស្សចាស់ច្រើនមិនមែនជាបញ្ហា តែជាការលើកទឹកចិត្ត
×![]()
ដោយ: តន ចាន់រិទ្ធារ៉ា
អ្នកណាៗ ក៏ដឹងថាជប៉ុន គឺប្រទេសមួយនៃពិភពលោកដែលកម្រិតប្រជាសាស្ត្រទាប ពោលគឺមិនសូវមានកំណើនប្រជាជនប៉ុន្មាននោះទេ ខណៈអត្រាមនុស្សចាស់កាន់តែកើនច្រើនឡើង។ យ៉ាងណាក្ដី នាយករដ្ឋមន្ត្រីជប៉ុនអះអាងថា ចំនួនមនុស្សចាស់កាន់តែច្រើន មិនមែនជារឿងគួរបារម្ភអ្វីឡើយ តែជាការលើកទឹកចិត្តដើម្បីជំរុញផលិតកម្មតាមរយៈគំនិតច្នៃប្រឌិត ដូចជាការបង្កើតមនុស្សយន្ត និងប្រព័ន្ធបច្ចេកវិទ្យាគ្មានខ្សែជាដើម។
នាយករដ្ឋមន្ត្រីជប៉ុន លោក ស៊ីនហ្សូ អាបេ មិនបានបង្ហាញការភ័យព្រួយអ្វីឡើយចំពោះរបាយការណ៍ថ្មីដែលបង្ហាញថា ចំនួនមនុស្សចាស់នៅជប៉ុនកើនឡើងច្រើនខ្លាំងនោះ។ លោកនាយករដ្ឋមន្ត្រីអាបេនិយាយថា ការកើនឡើងចំនួនមនុស្សចាស់ជរា គឺការជំរុញចិត្តមួយក្នុងការអភិវឌ្ឍបច្ចេកវិទ្យាឲ្យកាន់តែជឿនលឿន ដែលធ្វើឲ្យការរស់នៅរបស់ប្រជាជនកាន់តែប្រសើរឡើង។
ថ្លែងទៅកាន់កម្មវិធីមួយរបស់សារព័ត៌មាន Reuters នៅថ្ងៃទី២១ ខែកញ្ញានាយករដ្ឋមន្ត្រីជប៉ុននិយាយថា លោកមិនបារម្ភខ្លាំងលើបញ្ហាប្រជាសាស្ត្ររបស់ជប៉ុនឡើយ ដ្បិតជប៉ុននៅតែមានកំណើនសេដ្ឋកិច្ចខ្ពស់ដដែល បើទោះជាចំនួនប្រជាជនសកម្មថយចុះក៏ដោយ។ លោកបញ្ជាក់ថា ជប៉ុនមានប្រជាជនចាស់ច្រើនមែន និងបាត់បង់ប្រជាជនសកម្មច្រើន តែនេះជាការលើកទឹកចិត្តទៅវិញទេ។
លោកពន្យល់ថា ដោយសារតែបញ្ហានេះ បានជំរុញចិត្តជប៉ុនឲ្យប្រឹងពង្រីកសមត្ថភាពដើម្បីជំរុញកំណើនសេដ្ឋកិច្ច តាមរយៈការបង្កើតគ្រឿងយន្តថ្មីៗ បច្ចេកវិទ្យាWireless ក៏ដូចជាគ្រឿងសិប្បនិម្មិតផ្សេងទៀតដែរ។ ហើយលោកថែមទាំងចាត់ទុកប្រជាសាស្ត្រជប៉ុន ជារង្វាន់សម្រាប់ប្រទេសទៅទៀត។
ជាមួយគ្នានេះ រដ្ឋាភិបាលលោក អាបេ ក៏មានផែនការបង្កើនអត្រាកំណើតឲ្យដល់១.៨ភាគរយ សំដៅបង្កើនចំនួនវ័យក្មេងឲ្យកាន់តែច្រើន បើទោះជាអត្រា១.៨ភាគរយនេះ នៅមានកម្រិតទាបក៏ដោយចុះ។ ម្យ៉ាងទៀត រដ្ឋាភិបាលជប៉ុន ក៏សម្លឹងមើលការជំរុញឲ្យស្ត្រី និងក្រុមមនុស្សចាស់ចូលជាកម្លាំងពលកម្មវិញផងដែរ ដ្បិតជប៉ុនក៏មិនចង់ទទួលយកជនបរទេសច្រើន មកធ្វើការក្នុងប្រទេសខ្លួនដែរ។
យោងតាមលទ្ធផលស្ទាបស្ទង់របស់វិទ្យាស្ថានស្រាវជ្រាវជាតិទទួលបន្ទុកប្រជាជន និងរបបសន្តិសុខសង្គម ដែលបានចុះផ្សាយដោយសារព័ត៌មាន Japan Times នៅសប្តាហ៍មុននេះ ប្រជាជនជប៉ុនដែលមានអាយុ៦៥ឆ្នាំនិងចាស់ជាងនេះ មានដល់ទៅ៣៤.៦លាននាក់ ដែលស្មើនឹង២៧.៣នៃចំនួនប្រជាជនសរុប។ ចំនួនដ៏ច្រើននៃក្រុមមនុស្សចាស់ បានបង្កការព្រួយបារម្ភចំពោះសេដ្ឋកិច្ចជប៉ុន ដែលមានកំណើនយឺត ដោយសារតែចំនួនអត្រាកំណើតមានតិច ដែលនាំឲ្យប៉ះពាល់ខ្លាំងដល់បរិមាណកម្លាំងពលកម្មក្នុងប្រទេស៕
នាយករដ្ឋមន្ត្រីជប៉ុន លោក ស៊ីនហ្សូ អាបេ មិនបានបង្ហាញការភ័យព្រួយអ្វីឡើយចំពោះរបាយការណ៍ថ្មីដែលបង្ហាញថា ចំនួនមនុស្សចាស់នៅជប៉ុនកើនឡើងច្រើនខ្លាំងនោះ។ លោកនាយករដ្ឋមន្ត្រីអាបេនិយាយថា ការកើនឡើងចំនួនមនុស្សចាស់ជរា គឺការជំរុញចិត្តមួយក្នុងការអភិវឌ្ឍបច្ចេកវិទ្យាឲ្យកាន់តែជឿនលឿន ដែលធ្វើឲ្យការរស់នៅរបស់ប្រជាជនកាន់តែប្រសើរឡើង។
ថ្លែងទៅកាន់កម្មវិធីមួយរបស់សារព័ត៌មាន Reuters នៅថ្ងៃទី២១ ខែកញ្ញានាយករដ្ឋមន្ត្រីជប៉ុននិយាយថា លោកមិនបារម្ភខ្លាំងលើបញ្ហាប្រជាសាស្ត្ររបស់ជប៉ុនឡើយ ដ្បិតជប៉ុននៅតែមានកំណើនសេដ្ឋកិច្ចខ្ពស់ដដែល បើទោះជាចំនួនប្រជាជនសកម្មថយចុះក៏ដោយ។ លោកបញ្ជាក់ថា ជប៉ុនមានប្រជាជនចាស់ច្រើនមែន និងបាត់បង់ប្រជាជនសកម្មច្រើន តែនេះជាការលើកទឹកចិត្តទៅវិញទេ។
លោកពន្យល់ថា ដោយសារតែបញ្ហានេះ បានជំរុញចិត្តជប៉ុនឲ្យប្រឹងពង្រីកសមត្ថភាពដើម្បីជំរុញកំណើនសេដ្ឋកិច្ច តាមរយៈការបង្កើតគ្រឿងយន្តថ្មីៗ បច្ចេកវិទ្យាWireless ក៏ដូចជាគ្រឿងសិប្បនិម្មិតផ្សេងទៀតដែរ។ ហើយលោកថែមទាំងចាត់ទុកប្រជាសាស្ត្រជប៉ុន ជារង្វាន់សម្រាប់ប្រទេសទៅទៀត។
ជាមួយគ្នានេះ រដ្ឋាភិបាលលោក អាបេ ក៏មានផែនការបង្កើនអត្រាកំណើតឲ្យដល់១.៨ភាគរយ សំដៅបង្កើនចំនួនវ័យក្មេងឲ្យកាន់តែច្រើន បើទោះជាអត្រា១.៨ភាគរយនេះ នៅមានកម្រិតទាបក៏ដោយចុះ។ ម្យ៉ាងទៀត រដ្ឋាភិបាលជប៉ុន ក៏សម្លឹងមើលការជំរុញឲ្យស្ត្រី និងក្រុមមនុស្សចាស់ចូលជាកម្លាំងពលកម្មវិញផងដែរ ដ្បិតជប៉ុនក៏មិនចង់ទទួលយកជនបរទេសច្រើន មកធ្វើការក្នុងប្រទេសខ្លួនដែរ។
យោងតាមលទ្ធផលស្ទាបស្ទង់របស់វិទ្យាស្ថានស្រាវជ្រាវជាតិទទួលបន្ទុកប្រជាជន និងរបបសន្តិសុខសង្គម ដែលបានចុះផ្សាយដោយសារព័ត៌មាន Japan Times នៅសប្តាហ៍មុននេះ ប្រជាជនជប៉ុនដែលមានអាយុ៦៥ឆ្នាំនិងចាស់ជាងនេះ មានដល់ទៅ៣៤.៦លាននាក់ ដែលស្មើនឹង២៧.៣នៃចំនួនប្រជាជនសរុប។ ចំនួនដ៏ច្រើននៃក្រុមមនុស្សចាស់ បានបង្កការព្រួយបារម្ភចំពោះសេដ្ឋកិច្ចជប៉ុន ដែលមានកំណើនយឺត ដោយសារតែចំនួនអត្រាកំណើតមានតិច ដែលនាំឲ្យប៉ះពាល់ខ្លាំងដល់បរិមាណកម្លាំងពលកម្មក្នុងប្រទេស៕
Tag:
ជប៉ុន
ប្រជាសាស្ត្រ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
