ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ខួរក្បាលជាសរីរាង្គសំខាន់ណាស់ក្នុងរាងកាយ ដែលផ្សារភ្ជាប់សរសៃប្រសាទរាប់លានជាមួយរាងកាយ ហើយនៅពេលអ្នកទទួលទានអាហារត្រឹមត្រូវ នោះអ្នកអាចបង្កើនការចងចាំរបស់ខ្លួនឯង បានប្រកបដោយប្រសិទ្ធភាព។ នៅពេលណាខួរក្បាល ទទួលរងសម្ពាធ ឬតានតឹង វានឹងបញ្ចេញនូវសារធាតុគីមី ដែលប៉ះពាល់ដល់រាងកាយគួរឱ្យព្រួយបារម្ភ។
ដូច្នេះ ប្រសិនបើអ្នកទទួលទានអាហារ ឬភេសជ្ជៈ ដែលជួយជំរុញថាមពលខួរក្បាលជាប្រចាំ នោះអ្នកអាចកាត់បន្ថយសារធាតុគីមីគ្រោះថ្នាក់ និងពង្រឹងប្រព័ន្ធភាពស៊ាំរាងកាយ។ ថ្ងៃនេះ យើងនឹងបង្ហាញឱ្យដឹងពីអាហារ ដែលជួយរក្សាក៏ដូចជាបង្កើនថាមពលខួរក្បាល ជំរុញការចងចាំ ៖
១. ត្រីសម្បូរខ្លាញ់
រួមមានត្រីសាលម៉ុន ត្រីសាឌីន និងត្រីធូណាជាដើម សុទ្ធតែជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ និង អូមេហ្គា ៦ ដែលចាំបាច់ណាស់សម្រាប់បង្កើនសុខភាពខួរក្បាល។ ជាតិខ្លាញ់អូមេហ្គា ៣ និង អូមេហ្គា ៦ ក៏ជួយបង្កើតកោសិកាខួរក្បាល រួមទាំងសរសៃប្រសាទផងដែរ។
២. គ្រាប់ធញ្ញជាតិវ៉ាល់ណឺត (Walnuts)
ការទទួលទានអាហារសម្រន់ដូចជាគ្រាប់ Walnut អាចជួយបង្កើនសមត្ថភាពខួរក្បាល ក្នុងការរក្សាទុកព័ត៌មានផ្សេងៗ ខណៈដែលគ្រាប់ធញ្ញជាតិនេះ មានផ្ទុកសម្បូរទៅដោយអាស៊ីតខ្លាញ់អូមេហ្កា ៣។ គ្រាប់វ៉ាល់ណឺត ក៏ជាប្រភពដ៏ល្អបំផុតមួយ នៃវីតាមីន E ដែលជួយការពារកោសិកាខួរក្បាល មិនឱ្យទទួលរងការបំផ្លាញពីសំណាក់រ៉ាឌីកាល់សេរីផងដែរ។
៣. គ្រាប់អាល់ម៉ុន
ដូចនឹងគ្រាប់វ៉ាល់ណឺតដែរ គ្រាប់អាល់ម៉ុន ផ្ដល់ឱ្យរាងកាយនូវអាស៊ីតខ្លាញ់ល្អ ALA។ គ្រាប់ធញ្ញជាតិនេះ ក៏មានផ្ទុកវីតាមីន E ព្រមតាំងវីតាមីន B6 ដែលចាំបាច់សម្រាប់ប្រព័ន្ធសរសៃប្រសាទ ដើម្បីដំណើរការមុខងារបានត្រឹមត្រូវ និងប្រយុទ្ធប្រឆាំងរ៉ាឌីកាល់សេរីផងដែរ។
៤. គ្រាប់ល្ពៅ
ជាប្រភពដ៏ប្រសើរមួយទៀតនៃអាស៊ីតខ្លាញ់អូមេហ្កា ៣ ដែលចាំបាច់សម្រាប់សុខភាពខួរក្បាល និងថាមពលរាងកាយ។ គ្រាប់ល្ពៅ ក៏មានផ្ទុកជាតិស័ង្កសី ដែលជួយបង្កើនការចងចាំឱ្យកាន់តែមានលក្ខណៈប្រសើរឡើងទៀតផង។
៥. ផ្លែបឺរ
ផ្លែឈើនេះ មានផ្ទុកសម្បូរទៅដោយវីតាមីន E និងខ្លាញ់ល្អ monounsaturated fat ដែលចាំបាច់សម្រាប់រក្សាសុខភាពខួរក្បាលល្អប្រសើរ។ ការទទួលទានផ្លែបឺរ ក៏ល្អសម្រាប់ជំរុញចរន្តឈាម ដើម្បីបង្កើនការដឹកជញ្ជូនសារធាតុចិញ្ចឹម និងអុកស៊ីសែនគ្រប់គ្រាន់ទៅកាន់ខួរក្បាល។
៦. ប្ល៊ូបឺរី
ជាប្រភពដ៏ប្រសើរនៃសារធាតុប្រឆាំងអុកស៊ីតកម្ម ដែលល្អបំផុតសម្រាប់រក្សាសុខភាពខួរក្បាលបង្កើនការចងចាំ។
៧. សូកូឡាខ្មៅ
សារធាតុប្រឆាំងអុកស៊ីតកម្ម ក្នុងសូកូឡាខ្មៅជួយកម្ចាត់រ៉ាឌីកាល់សេរី សង្គ្រោះកោសិកាខួរក្បាលមិនឱ្យទទួលរងការបំផ្លាញ។
៨. ខ្ទឹមបារាំង
កុំភ្លេចរួមបញ្ចូលខ្ទឹមបារាំងក្នុងរបបអាហារប្រចាំថ្ងៃរបស់អ្នក ប្រសិនបើចង់បង្កើនការចងចាំ។ សារធាតុ Anthocyanin និង quercetin ក្នុងខ្ទឹមបារាំង គឺជាសារធាតុប្រឆាំងអុកស៊ីតកម្មដែលជួយការពារខួរក្បាលមិនឱ្យទទួលរងការបំផ្លាញ។
៩. ផ្លែប៉ោម
ផ្លែឈើនេះ ក៏ជាប្រភពដ៏ប្រសើរនៃសារធាតុ quercetin ដែលជួយការពារខួរក្បាល។
១០. មើមឆៃថាវក្រហម
បរិមាណជាតិដែកក្នុងមើមឆៃថាវក្រហម ចាំបាច់ក្នុងការរក្សាកម្រិតនៃអេម៉ូក្លូប៊ីន ដែលបង្កើនការនាំយកអុកស៊ីតគ្រប់គ្រាន់ទៅកាន់ខួរក្បាល។
១១. ទឹកឃ្មុំ
ជួយផ្ដល់ថាមពល ដើម្បីអាចខួរក្បាលដំណើរការមុខងារបានកាន់តែប្រសើរ និងមានប្រសិទ្ធភាពរយៈពេលយូរ។ ទឹកឃ្មុំ ក៏មានផ្ទុកសម្បូរទៅដោយសារធាតុប្រឆាំងអុកស៊ីតកម្ មដែលជួយការពារកោសិកាខួរក្បាល មិនឱ្យទទួលរងការបំផ្លាញពីសំណាក់រ៉ាឌីកាល់សេរី។
១២. ប៉េងប៉ោះ
ជាប្រភពដ៏ប្រសើរនៃសារធាតុ lycopene ដែលប្រយុទ្ធប្រឆាំងរ៉ាឌីកាល់សេរី ដែលបំផ្លាញកោសិកា។ ដូច្នេះការរួមបញ្ចូលប៉េងប៉ោះក្នុងរបបអាហារប្រចាំថ្ងៃ នឹងជួយរក្សាសុខភាពខួរក្បាល ទប់ស្កាត់បញ្ហាផ្សេងៗ រួមទាំងជំងឺមហារីកខួរក្បាលគួរឱ្យកត់សម្គាល់៕
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
