ជួយធ្វើឱ្យសរសៃឈាមរីកធំ ដែលអាចឱ្យចរន្ដឈាមរត់បានល្អ និងជួយឱ្យសាច់ដុំដែលតឹងណែង និងបង្កការឈឺចាប់ អាចសម្រាកមកវិញ។ ការស្អំក្ដៅនេះអាចមានសមត្ថភាពបន្ថយការឈឺចាប់ ជាពិសេស ការគ្រេចថ្លោះ ការឈឺចុករួយសាច់ដុំ និងសន្លាក់រ៉ាំរ៉ៃដែលបណ្ដាលមកពីការរលាកសន្លាក់ ការរលាក Tendons និងការឈឺក ខ្នងនិងចង្កេះ។ វាក៏អាចជួយកម្ដៅដល់សាច់ដុំ និងជាលិកាមុនពេលធ្វើចលនាផងដែរ។

វាមិនត្រូវបានណែនាំឱ្យប្រើនោះទេ នៅពេលដែលស្បែករបស់អ្នកក្ដៅ ឡើងក្រហម និងរលាកស្បែក អ្នកដែលមានរបួសបើក។ 

 

ជួយបន្ថយចរន្ដឈាមទៅកន្លែងមានរបួស ដែលអាចពន្យឺតនូវការរលាក ក៏ដូចជាបន្ថយនូវការឡើងហើម ការហូរឈាម និងការខូចខាតនៃជាលិកាផងដែរ។ វាជួយឱ្យស្ពឹកនូវជាលិកាដែលមានការឈឺចាប់ អាចបន្ថយនូវកម្រិតនៃការឈឺចាប់បាន។ ការស្អំទឹកកកក៏អាចប្រើបានចំពោះអ្នកដែលមានបញ្ហារលាកឆ្អឹងសន្លាក់ផងដែរ។ 

ជាទូទៅ ការស្អំទឹកកកច្រើនណែនាំឱ្យអនុវត្តចំពោះរបួសភ្លាមៗដោយសារវាអាចជួយឱ្យស្ពឹកនៅកន្លែងដែលមានរបួស និងជួយបន្ថយការឈឺចាប់ ការហើម និងរលាកបន្ទាប់ពីការលេងកីឡាធ្ងន់ និងប្រើកម្លាំងខ្លាំង។ បន្ទាប់ពីបានប៉ុន្មានថ្ងៃមក ទើបយើងប្ដូរទៅជាការស្អំក្ដៅវិញដើម្បីជំរុញការជាសះស្បើយឆាប់រហ័ស៕

ប្រភព៖

 

សម្របសម្រួលដោយ៖ ឱសថការី ឈាង សីហាក់ និង លីណ្ណា ជិញជិញ