នៅពេលដែលអ្នកមានអាការក្ដៅខ្លួន ការទទួលទាននូវអាហារូបត្ថម្ភគ្រប់គ្រាន់គឺពិតជាសំខាន់សម្រាប់ឱ្យរាងកាយមានសមត្ថភាពក្នុងការបន្ថយកម្ដៅ និងអាចប្រឆាំងនឹងការបង្ករោគ។

ប៉ុន្តែអ្នកក៏ត្រូវជ្រើសរើសនូវអាហារដែលគួរបរិភោគ និងអាហារដែលអ្នកត្រូវចៀសវាងផងដែរ ដោយសារតែប្រព័ន្ធរំលាយអាហាររបស់អ្នកមិនអាចដំណើរការក្នុងលក្ខណៈល្អប្រសើរនោះទេ ពេលដែលអ្នកគ្រុនក្ដៅ។ 
 

១. អាហារមានជាតិខ្លាញ់ និងហិរ៖ ក្រពះពោះវៀនរបស់អ្នកពិបាកក្នុងការរំលាយនូវអាហារទាំងនេះ ហើយវាក៏មិនសមស្របសម្រាប់ការបរិភោគនៅពេលអ្នកមិនស្រួលខ្លួនផងដែរ។ 

២. អាហារមានជាតិស្ករ៖ អ្នកគួរចៀសវាងនូវចំណីអាហារដូចជានំ ស្ករគ្រាប់ ការ៉េមជាដើម។ ការ៉េមត្រជាក់ៗមិនអាចបំបាត់នូវអាការគ្រុនក្ដៅរបស់អ្នកនោះទេ។ 

៣. ភេសជ្ជៈមានជាតិកាហ្វេអ៊ីន ជាតិអាល់កុល និងភេសជ្ជៈកំប៉ុង៖ ភេសជ្ជៈទាំងបីប្រភេទនេះអាចធ្វើឱ្យអ្នកឆាប់បាត់បង់ជាតិទឹក ដែលជាកត្តាមួយប៉ះពាល់ទៅដល់អាការគ្រុនក្ដៅរបស់អ្នក។ 

៤. អាហារកែច្នៃ Processed foods និងអាហារ Fast foods៖ អាហារទាំងនេះគឺសម្បូរទៅដោយជាតិស្ករ និងជាតិកូលេស្តេរ៉ុល (Cholesterol) ខ្ពស់ដែលមិនល្អសម្រាប់ពេលដែលអ្នកក្ដៅខ្លួននោះទេ។ 

៥. អាហារដែលផលិតពីទឹកដោះគោ៖ អាហារដែលមានដូចជា គ្រីម ឈីស ទឹកដោះគោខាប់ ទឹកដោះគោឆៅជាដើម អាចធ្វើឱ្យរាងកាយរបស់អ្នកកើនឡើងកម្ដៅទៅវិញទេ៕

 

 


សម្របសម្រួលដោយ៖ ឱសថការី ឈាង សីហាក់ និង លីណ្ណា ជិញជិញ