ក្នុងប្រតិបត្តិការត្រួតពិនិត្យនេះ សមត្ថកិច្ច បានរកឃើញសារធាតុចាហ៊ួយលើក្បាលបង្គា ដែលរក្សាទុក នៅក្នុងកេះចំនួន ២២៦កេះ ដែលស្មើ ៤,២៣៥គីឡូក្រាម។  

 

«កម្លាំងមន្ត្រីយើងរកឃើញបង្គាចាក់ចាហួយនៅលើរថយន្តដែលកំពុងចែកចាយ និងនៅតាមស្តង់លក់មួយចំនួនម្តុំត្រឡោកបែក។ ដោយមានការអនុញ្ញាតពី ឯកឧត្តមព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ បានធ្វើការដកហូត និងយកទៅបំផ្លាញចោល»។ នេះបើតាម ក.ប.ប ដែលបានបន្ថែមថា បង្គាទាំងនោះ ត្រូវបានបំផ្លាញចោល នៅទីលានចាក់សំរាម នៅខណ្ឌដង្កោ។

 

ចំពោះករណីនេះ មន្ត្រីជំនាញ នៃអគ្គនាយកដ្ឋាន ក.ប.ប. ក៏បានពន្យល់ណែនាំអាជីវករ អ្នកលក់រាយ និងតាមស្តង់ ដែលតាំងលក់ផលិតផលគ្រឿងសមុទ្រ ឱ្យលក់ដូរដោយសុចរិតភាព ដើម្បីធានាសុខុមាលភាព និងផលប្រយោជន៍អ្នកប្រើប្រាស់៕