ជំនួបនោះ Lazio បញ្ចប់ការប្រកួតជាមួយនឹងកីឡាករមានគ្នាត្រឹមតែ ៨នាក់ ហើយខ្សែប្រយុទ្ធ Pulisic ជាមូលហេតុពាក់ព័ន្ធទៅនឹងការបណ្តេញចេញកីឡាករ Lazio ២នាក់ ក្នុងចំណោម ៣នាក់។ 
 

ក្រោយឈ្នះការប្រកួត Pulisic បានបង្ហោះរូបភាពអបអរលើ Instagram សម្រាប់ជ័យជម្នះរបស់ក្រុម បន្ទាប់មកក៏ទទួលបានការផ្ញើសារជាន់ពន្លិច និងគំរាមសម្លាប់។
 

ក្នុងការបង្ហោះដដែលនោះក៏មានសារដែលបង្ហាញពីការគាំទ្រច្រើនដល់កីឡាករសញ្ជាតិអាម៉េរិក ពីសំណាក់អ្នកគាំទ្រ ក្នុងនោះក៏រួមមានមិត្តរួមក្រុម Theo Hernandez ជាដើម។
 

ដំបូងឡើយកីឡាករ Luca Pellegrini ត្រូវបានបណ្តេញចេញនៅនាទី៦៧ បន្ទាប់ពីទទួលបានកាតលឿងចំនួន ២ ជាប់ៗគ្នា សម្រាប់ការបង្កកំហុសលើកីឡាករ Pulisic។ បន្ទាប់មកកីឡាករ Matteo Guendouzi ត្រូវបានបណ្តេញចេញដោយកាតក្រហមដេញចេញភ្លាមៗ ចំពោះប្រតិកម្មមិនល្អលើ កីឡាករឆ្នើមសញ្ជាតិអាម៉េរិក​។
 

កីឡាករទី៣ របស់ក្រុម ​Lazio ខ្សែការពារ Adam Marusic ត្រូវបានបណ្តេញចេញពីការប្រកួតនៅចុងម៉ោងហៀបបញ្ចប់ការប្រកួត។
 

គួររំលឹកថាខ្សែបម្រើ Pulisic បានចូលរួមជាមួយនឹងក្រុម AC Milan ដោយផ្ទេរចេញពីក្រុម Chelsea ក្រោយបញ្ចប់រដូវកាលមុន ​ដើម្បីស្វែងរកទម្រង់លេងល្អឡើងវិញនៅក្លិបថ្មី ហើយជាមួយក្លិបអ៊ីតាលីបច្ចុប្បន្នរូបគេរកបានគ្រាប់បាល់ចំនួន ៧គ្រាប់ បញ្ចូល ៦គ្រាប់ ក្នុងការបង្ហាញខ្លួន ២៥ប្រកួត៕