កីឡាអន្តរជាតិ
អន្តរជាតិ
មេ FIFA និយាយបែបកំប្លែងថា World Cup ពង្រីកចំនួនក្រុមដើម្បីជួយស្កុតឡែនបង្ហាញខ្លួន
× ការសម្រេចចិត្តរបស់សហព័ន្ធបាល់ទាត់អន្តរជាតិ (FIFA) ក្នុងការពង្រីកក្រុម ក្នុងការប្រកួតបាល់ទាត់ពិភពលោកឆ្នាំ ២០២៦ កើនដល់ ៤៨ក្រុម ធ្វើឡើងដើម្បីផ្តល់ឱកាសដល់ក្រុមស្កុតឡែន បង្ហាញខ្លួនឡើងវិញ បន្ទាប់ពីខកខាន ៣០ឆ្នាំ។ នេះជានិយាយបែបលេងសើចរបស់លោក Gianni Infantino ប្រធាន FIFA ខណៈលោកក៏អបអរក្រុមស្កុតឡែនចំពោះវគ្គជម្រុះ Euro 2024 នៅប្រទេសអាល្លឺម៉ង់។
ស្កុតឡែនធ្លាប់បានបង្ហាញខ្លួនចុងក្រោយក្នុង World Cup ឆ្នាំ ១៩៩៨ ក្នុងប្រទេសបារាំង ហើយកាលនោះពួកគេបានបញ្ចប់ត្រឹមចំណាត់ថ្នាក់បាតតារាង ក្នុងពូល A ដោយឈរពីក្រុមប្រេស៊ីល, ន័រវែស និងម៉ារ៉ុក។
ស្កុតឡែនមិនធ្លាប់បានឆ្លងកាត់ទៅកាន់ជុំផ្តាច់ព្រ័ត្រ World Cup ៦លើកចុងក្រោយ នៅពេលការប្រកួតមានត្រឹម ៣២ក្រុម។
រយៈពេល ៨ឆ្នាំចុងក្រោយ ស្កុតឡែន ជោគជ័យក្នុងការប្រកួតប្រជែងជុំផ្តាច់ព្រ័ត្រព្រឹត្តិការណ៍ UEFA Euro ២លើកជាប់ៗគ្នា ខណៈបង្កើនក្តីរំពឹងប្រជែងសម្រាប់ព្រឹត្តិការណ៍ World Cup 2026។ World Cup 2026 ដែលមានក្រុមកើនដល់ ៤៨ឆ្នាំ នឹងត្រូវរៀបចំឡើងនៅក្នុងប្រទេសអាម៉េរិក, ម៉ិកស៊ិក និងកាណាដា ជាសហម្ចាស់ផ្ទះ។
«ស្កុតឡែនមានលក្ខណៈសម្បត្តិគ្រប់គ្រាន់សម្រាប់ការប្រកួតជើងឯកអឺរ៉ុប។ អនុញ្ញាតឱ្យអ្នកដឹងពីការសម្ងាត់ទៅចុះ យើងបានសម្រេចចិត្តបង្កើតពង្រីគពី ៣២ក្រុម ទៅ ៤៨ក្រុម ដើម្បីអនុញ្ញាតឱ្យស្កុតឡែនចូលរួម។ ស្កុតឡែននឹងមានឱកាសដ៏អស្ចារ្យ ហើយប្រសិនបើពួកគេមានលក្ខណៈគ្រប់គ្រាន់ ខ្ញុំប្រាកដថាអ្នកគាំទ្រស្កុតឡែន និងមានភាពសប្បាយរីករាយដ៏អស្ចារ្យ។»។
លោក Infantino បាននិយាយប្រាប់កាសែត BBC Scotland លាយឡំនឹងសំណើចតិចៗ។
កាលព្រឹត្តិការណ៍ World Cup 2022 នៅក្នុងប្រទេសកាតា ស្កុតឡែនបានប្រកួតចាញ់ក្រុមអ៊ុយក្រែន នៅក្នុងវគ្គពាក់កណ្តាលផ្តាច់ព្រ័ត្រ សម្រាប់ការប្រកួត Playoffs ដណ្តើមកៅអីដែលនៅសល់ក្នុងតំបន់អឺរ៉ុប។
ប្រទេសស្កុតឡែនជាប្រទេសបាល់ទាត់ទី២ លើពិភពលោក ដែលមានសមាគមបាល់ទាត់អាយុចំណាស់ជាងគេ បន្ទាប់ពីអង់គ្លេស ហើយពួកគេមិនដែលឆ្លងផុតវគ្គចែកពូល World Cup ម្តងឡើយ ទោះជាបានចូលលេងព្រឹត្តិការណ៍ World Cup ៨លើកក៏ដោយ៕
Tag:
FIFA
Gianni Infantino
© រក្សាសិទ្ធិដោយ thmeythmey.com