ផ្សារសាមគ្គីទីរួមខេត្តកំពត ជាទីដែលបរទេសស្វែងយល់ពីការរស់នៅរបស់ពលរដ្ឋខ្មែរ

ជាតិ

វីដេអូ

ផ្សារសាមគ្គីទីរួមខេត្តកំពត ជាទីដែលបរទេសស្វែងយល់ពីការរស់នៅរបស់ពលរដ្ឋខ្មែរ

10, Mar 2024 , 9:00 am

រូបភាព

ដោយ: ផាត ដាណេ

កំពត៖ ផ្សារសាមគ្គីទីរួមខេត្តកំពត ជាផ្សារដ៏ចំណាស់ និងធំជាងគេក្នុងក្រុងកំពត។ ផ្សារនេះ មិនត្រឹមតែជាកន្លែងធ្វើអាជីវកម្មប៉ុណ្ណោះទេ ប៉ុន្តែក៏ផ្ដល់ភាពទាក់ទាញទេសចរផងដែរ។ នោះក៏ព្រោះ ផ្សារនេះមានលក់ទំនិញដ៏សម្បូរបែប អាជីវកររួសរាយរាក់ទាក់ និងទំនិញក្នុងខេត្ត ដែលភាគច្រើន របស់កសិករតាមតំបន់ ពិសេសបន្លែ ត្រីសាច់ និងម្ហូបអាហារប្រពៃណីជាច្រើនប្រភេទផងដែរ។ មិនមែនតែទេសចរជាតិឡើយដែលនិយមទៅផ្សារសាមគ្គីទីរួមខេត្តកំពត ប៉ុន្តែវាក៏មានប្រជាប្រិយភាពសម្រាប់ទេសចរបរទេសទៅស្វែងយល់ពីការរស់នៅរបស់ពលរដ្ឋខ្មែរ និងទិដ្ឋភាពផ្សេងៗរបស់ប្រជាជនកំពតនៅទីនោះផងដែរ។ បើតាមលោក ប៉ែន សត្យា ប្រធានផ្សារសាមគ្គីទីរួមខេត្តកំពត ផ្សារបន្លែ គឺពេញនិយមជាងគេសម្រាប់ជនបរទេស ដែលចង់ដឹងពីជីវភាព និងសកម្មភាពប្រចាំថ្ងៃដ៏សាមញ្ញរបស់ពលរដ្ឋខ្មែរ។