ក្នុងកិច្ចប្រជុំកំពូលវិនិយោគចិននៅថ្ងៃទី២៦ ខែមីនា អនុប្រធានាធិបតីចិន លោក Han Zheng បានធានាពីការវិនិយោគ និងបង្កើនបរិយាកាសធុរកិច្ចអន្តរជាតិនៅចិន។

 

«ការបង្កើតបន្ថែមទៀតនូវទីផ្សារតម្រង់ទិស, ផ្អែកលើច្បាប់ និងបរិយាកាសធុរកិច្ចអន្តរជាតិ នឹងក្លាយជាគន្លឹះក្នុងការបង្កើនប្រសិទ្ធភាពជាបន្តបន្ទាប់នៃបរិយាកាសធុរកិច្ចរបស់ចិន និងព្រម ទាំងធ្វើ៎ឱ្យប្រសើរឡើងនូវភាពទាក់ទាញរបស់ខ្លួនចំពោះក្រុមហ៊ុនបរទេស»។ លោក Han បានប្រាប់ទស្សនិកជនបែបនេះ។ វេទិកាវិនិយោគចិន ក៏មានការចូលរួមពីនាយកប្រតិបត្តិក្រុមហ៊ុនចម្រាញ់ប្រេង Aramco, ក្រុមហ៊ុនឧស្សាហកម្មឱសថAstraZeneca និងក្រុមហ៊ុនឱសថ Pfizer។ 

 

ពាក្យ «កម្លាំងផលិតភាពថ្មី» ត្រូវបានបង្កើតឡើងដោយប្រធានាធិបតីចិន លោក ស៊ី ជីនភីង កាលពីខែកញ្ញាឆ្នាំមុន ដោយគូសបញ្ជាក់ពីតម្រូវការសម្រាប់ការអភិវឌ្ឍសេដ្ឋកិច្ច ដោយផ្អែកលើការច្នៃប្រឌិតក្នុងវិស័យជឿនលឿន។

 

ទន្ទឹមនេះ លោក Han បន្ថែមថា ចិននឹងផ្តល់សុវត្ថិភាព ស្ថិរភាព គុណភាពខ្ពស់ និងការគាំ ទ្រខ្សែច្រវាក់ផ្គត់ផ្គង់ប្រកបដោយប្រសិទ្ធភាពដល់ប្រតិបត្តិការសេដ្ឋកិច្ចពិភពលោក។

 

ទិន្នន័យដែលបានចេញផ្សាយនៅពីថ្ងៃទី២២ ខែមីនា បានបង្ហាញពីលំហូរវិនិយោគ បរទេសចូលទៅចិនធ្លាក់ចុះជិត២០ភាគរយក្នុងរយៈពេលពីរខែដំបូងនៃឆ្នាំនេះ។ ក្រុមមន្ត្រីចិន កំពុងបង្កើនកិច្ចប្រឹងប្រែងដើម្បីទាក់ទាញវិនិយោគិននៅពេលដែលក្រុមហ៊ុនជាច្រើនកំពុងស្វែងរកខ្សែច្រវាក់ផ្គត់ផ្គង់ដែលមិនសូវមានហានិភ័យ និងប្រតិបត្តិការនៅឆ្ងាយពីចិន៕