គ្រឹះស្ថានអង្គរ បានបញ្ជាក់ថា  ភ្ញៀវទេសចរបរទេស ដែលបានទិញបណ្ណចូលទស្សនារមណីយដ្ឋានអង្គរ និងប្រាសាទកោះកែរ មានចំនួន ៣៤៧ ៥៣៤នាក់ ដោយទទួលបានចំណូល ១៦ ៥៣៣ ២៩៣ដុល្លារ។ ចំណូលនេះ គឺកើនឡើង៤៨,៤៧ភាគរយ បើធៀបនឹងរយៈពេលដូចគ្នា នៅឆ្នាំ២០២៣។

 

សូមរំលឹកថា កាលឆ្នាំ២០២៣ មានភ្ញៀវទេសចរបរទេសជាង៧៩ម៉ឺននាក់ បានទិញបណ្ណចូលទស្សនារមណីយដ្ឋានអង្គរ ដោយទទួលបានចំណូលប្រមាណ៣៧លានដុល្លារអាម៉េរិក។​

 

ឆ្នាំ២០២៤ ជាឆ្នាំ«ទស្សនាសៀមរាប» និងជាឆ្នាំនៃការផ្លាស់ប្តូររវាងប្រជាជន និងប្រជាជនកម្ពុជា-ចិន ហើយក៏ជាឆ្នាំទេសចរណ៍កម្ពុជា-ឥណ្ឌា លើកទី១ ដើម្បីជួយឱ្យទេសចរណ៍មកទស្សនាកម្ពុជាកាន់តែច្រើន។ តាមរយៈព្រឹត្តិការណ៍ទាំងនេះ លោក សុខ សូកេន រដ្ឋមន្ត្រីក្រសួងទេសចរណ៍ សង្ឃឹមថា កំណើនភ្ញៀវទេសចរនឹងកើនឡើង។ ជាពិសេសភ្ញៀវបរទេសដែលមកទស្សនានៅរមណីយដ្ឋានអង្គរនៅខេត្តសៀមរាប៕