លោក ស៊ុំ សារុន ហៅសាន់តា បានចេញមុខសុំទោសចំពោះកំហុសឆ្គងដែលបានថតរូប មិនគប្បីជាមួយរូបសំណាកសេះសមុទ្រ ដោយអចេតនា។ «ខ្ញុំពិតជាសុំទោសបងប្អូនជនរួមជាតិ សុំទោសដែលខ្ញុំថតរូបខ្វះការគិត បង្ហាញកាយវិការមិនល្អ មកពីខ្ញុំពុំសូវមានចំណេះដឹងគិតមិនបានវែងឆ្ងាយ។ ទាក់ទងនឹងរូបភាពបែកធ្លាយ គឺជារូបភាពខ្ញុំថតកម្សាន្ត Copy Style តាមបងប្អូន និងបានយកមកដាក់ Story លេងនៅម៉ោង 12យប់ តែ3នាទី ក៏លុបវិញភ្លាមៗ ព្រោះគិតថារូបមានសកម្មភាពមិនសមរម្យ»។ នេះបើតាមលោក Santa បង្ហោះសារសុំទោស លើហ្វេសប៊ុក។
 

សម្រាប់ការថតរូបនេះ លោក santa អះអាងថា គ្មានគោលបំណងមើលងាយរូបសំណាកសេះសមុទ្រឡើយ។ «កំហុសមួយនេះខ្ញុំនឹងចងចាំអស់មួយជីវិត មិនឲ្យមានលើកក្រោយ និងសង្ឃឹមថាបងប្អូនជនរួមជាតិរបស់ខ្ញុំអត់អោនឲ្យមនុស្សគ្មានការអប់រំដូចខ្ញុំបាទ»។ អ្នកបង្កើតមាតិការូបនេះ បន្ថែម៕