របាយការណ៍ ស្ដីពីសេរីភាពសារព័ត៌មាននៅកម្ពុជា ត្រូវបាន លោក នេត្រ ភក្ត្រា រដ្ឋមន្ត្រីក្រសួងព័ត៌មានលើកយកមកបង្ហាញ ក្នុងសន្និសីទសារព័ត៌មាន នារសៀលថ្ងៃទី៣០មេសា នៅទីស្ដីការក្រសួងព័ត៌មាន។ តាមការស្រាវជ្រាវខាងលើ អ្នកសារព័ត៌មាន ៣៣,៣ភាគរយប៉ុណ្ណោះ ដែលមានកម្រិតអប់រំចាប់ពីបរិញ្ញាបត្រឡើយទៅ។ 

 

ហេតុនេះ ហើយបានជា រដ្ឋមន្ត្រីក្រសួងព័ត៌មានអះអាងថា នឹងបណ្ដុះបណ្ដាល និងពង្រឹងសមត្ថភាព ផ្នែកវិជ្ជាជីវៈអ្នកសារព័ត៌មានដល់អ្នកសារព័ត៌មានបន្ថែម។ លោកបញ្ជាក់យ៉ាងដូច្នេះថា៖ «ក្រសួងព័ត៌មានក៏បានដាក់ឱ្យដំណើរការឡើងវិញនៅមណ្ឌលបណ្តុះបណ្តាលវិជ្ជាជីវៈសារព័ត៌មាន និងវិក្រឹត្យការ ឱ្យដំណើរការឡើងវិញ ហើយគោលដៅរបស់ក្រសួង គឺកែប្រែមណ្ឌលនេះ ទៅជាវិទ្យាស្ថានជាតិ ព័ត៌មាន និងទំនាក់ទំនងសាធារណៈ ដែលអាចទៅជាមណ្ឌលបណ្ដុះបណ្ដាលវិជ្ជាជីវៈសារព័ត៌មាន និងសោតទស្សន៍នៅកម្ពុជា ដើម្បីឆ្លើយតបនឹងតម្រូវការ»។ ជាមួយគ្នាដែរ ក្រសួងក៏បាន សហការជាមួយសមាគមន៍ ក្នុងការផ្ដល់វគ្គខ្លីៗ និងបញ្ជូនវាគ្មិនចូលទៅបណ្ដុះបណ្ដាលផងដែរ។ 

 

សូមជម្រាបថា បច្ចុប្បន្នក្រសួងព័ត៌មាន បានចេញប័ណ្ណអ្នកសារព័ត៌មានចំនួន៦០៣៧ប័ណ្ណ ដល់អ្នកសារព័ត៌មាន ហើយចំនួននេះ ហើយក្នុងនោះ មានស្រីចំនួន៣២០នាក់៕