ភ្នំពេញ៖ គម្រោងតាំងពិព័រណ៍វារីវប្បកម្មកម្ពុជា នឹងនាំយកត្រីដែលកសិពាណិជ្ជករ បានចិញ្ចឹមក្នុងស្រុក មកតាំងបង្ហាញជូនដល់សាធារណជនបានឃើញ និងដឹងពីបច្ចេកទេស និងបច្ចេកវិទ្យានៃការចិញ្ចឹមត្រី។ ការតាំងពិព័រណ៍វារីវប្បកម្មនេះ ចាប់ផ្ដើមពីថ្ងៃទី២៤-២៦ ខែឧសភា នាវិទ្យាស្ថានជាតិកសិកម្មព្រែកលាប។

 

ដើម្បីផ្ដល់ចំណេះដឹង និងបច្ចេកទេសបន្ថែមដល់សាធារណជន ក្រសួងកសិកម្មរុក្ខាប្រមាញ់ និងនេសាទ នឹងរៀបចំតាំងពិព័រណ៍វារីវប្បកម្មកម្ពុជា ចាប់ផ្ដើមពីថ្ងៃទី២៤-២៦ ខែឧសភា នាវិទ្យាស្ថានជាតិកសិកម្មព្រែកលាប។ តាមរយៈពិព័រណ៍នេះ នឹងប្រមូលផ្តុំតួអង្គសំខាន់នៃខ្សែច្រវាក់តម្លៃវារីវប្បកម្ម វិទ្យាស្ថានអប់រំកសិកម្មពាក់ព័ន្ធ ដៃគូអភិវឌ្ឍន៍វារីវប្បកម្ម អ្នកជំនាញ និងក្រុមហ៊ុនបច្ចេកទេសវារីវប្បកម្មជាដើម។