ជាតិ
ពីនេះ ពីនោះ
ព័ត៍មានសុខភាព
សុខភាព
សុខភាព៖ ស្ត្រីរលាកប្លោកនោម អាចមានរោគសញ្ញាអ្វីខ្លះ?
× រលាកប្លោកនោមចំពោះស្ត្រី គឺជាការរលាកមួយដែលបណ្តាលមកពី កត្តាជាច្រើនរួមទាំង ការដែលអ្នកទប់មិននោមយូរពេក ការរលាកនៅផ្លូវបង្ហួនោម ... ។ ដោយសារតែការរលាកប្លោកនោម ចំពោះស្ត្រី គឺមានអត្រាខ្ពស់ ដូច្នេះ រោគសញ្ញាដែលបានបង្ហាញខាងក្រោមនេះ គឺទាក់ទងនឹង ការរលាកប្លោកនោមជាទូទៅ។
រោគសញ្ញាទូទៅ នៃការរលាកប្លោកនោម អាចរួមមាន ៖
• នោមមកមានការឈឺចាប់ ឬពិបាកក្នុងការនោម
• នោមញឹកញាប់
• នោមបន្ទាន់ (ជម្រុញឱ្យទៅបត់ជើងតូច)
• នោមទាស់
• មានការឈឺចាប់ប្លោកនោម (ការឈឺចាប់ នៅជុំវិញតំបន់ អាងត្រគាក)
• នោមដោយមិនដឹងខ្លួន។
ក្តៅខ្លួន ញាក់ ចង្អោរ ក្អួត និងទទួលទានមិនសូវបាន គេកម្រឃើញមាន ចំពោះអ្នកដែលរលាកប្លោកនោមណាស់ បើទោះបីជាពួកវា ច្រើនជារោគសញ្ញា របស់អ្នកដែលមាន ការរលាកប្រព័ន្ធទឹកនោមធ្ងន់ធ្ងរ ដូចជា ការរលាកតម្រងនោមក៏ដោយ។
រោគសញ្ញាខ្លះ ដែលសម្បូរនៅក្នុង ការរលាកប្លោកនោម គឺ ៖
• មានការតឹងពោះ ផ្នែកខាងក្រោម
• មានឈាមនៅក្នុងទឹកនោម
• មានការតឹងនៅ ចំហៀងពោះ
• ទឹកនោមក្លិនស្អុយ
• ចំពោះអ្នកជំងឺចាស់ៗ ភាពអស់កម្លាំង ឬ ការភាន់ច្រលំ អាចជាសញ្ញាដ៏សំខាន់។
ជាទូទៅ ការរលាកប្លោកនោមចំពោះស្ត្រី គឺមានអត្រាខ្ពស់ជាងបុរស ដោយសារតែប្លោកនោមរបស់ស្ត្រី ក៏ដូចជាបង្ហួរនោម នៅជិតរន្ធគូថ ដែលជាកត្តាប្រឈមខ្ពស់ជាមួយមេរោគ ដូច្នោះហើយ ត្រូវតម្រូវឱ្យស្ត្រី ធ្វើការសម្អាតគូថ ឱ្យបានប្រុងប្រយ័ត្ន ដោយសម្អាតពីមុខទៅក្រោយ៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com