ពីនេះ ពីនោះ
ពាក្យ«អភិសោធ និង អភិសោធន៍»ខុសគ្នាបែបណានៅក្នុងការប្រើប្រាស់?
× ពាក្យថា«អភិសោធ និង អភិសោធន៍» អាចត្រូវបានសាធារណជនមួយចំនួន នៅមានភាពមិនច្បាស់លាស់ថា ពាក្យមួយណាប្រើក្នុងថ្នាក់ពាក្យអ្វី និងមានការប្រើប្រាស់ដូចម្ដេច? មូលហេតុ គឺព្រោះតែមិនទាន់ច្បាស់ថា ពាក្យទាំងពីរនេះ មួយណាជានាម ជាកិរិយាសព្ទ ឬជាគុណនាម ជាដើម។
ភាពខុសគ្នានៅក្នុងការប្រើប្រាស់ពាក្យទាំងពីរនេះគឺនៅត្រង់ថា ពាក្យ «អភិសោធ» មានថ្នាក់ពាក្យជាកិរិយាសព្ទ មានន័យថា ជម្រះ លាង សម្អាត ដោយក្រៃលែង សម្រេចសេចក្ដីដាចស្រេច ផ្ទៀងតម្រូវ ឬផ្ទៀងសម្រេចដោយត្រឹមត្រូវ។ ឧទាហរណ៍ បានអភិសោធរួចហើយ។
ដោយឡែកពាក្យ «អភិសោធន៍» មានថ្នាក់់ពាក្យជានាម មានន័យថា ការជម្រះ ការលាង ការសម្អាត ដោយក្រៃលែង ការសម្រេចសេចក្ដីដាច់ស្រេច ការផ្ទៀងសម្រេច។ ឧទាហរណ៍ បានធ្វើអភិសោធន៍រួចហើយ។
បន្ថែមពីនេះ ពាក្យថា «អពិសោធ និង អពិសោធន៍» នៅពេលដែលសរសេរជាមួយពាក្យថា «ការ, ក្ដី , សេចក្ដី, ដំណើរ» គឺមិនអាចសរសេរជាមួយពាក្យ«អពិសោធន៍»នោះទេ ព្រោះមានថ្នាក់ពាក្យជានាមដូចគ្នា។ ប៉ុន្តែគេត្រូវសរសេរថា ការអពិសោធ, ក្ដីអពិសោធ, សេចក្ដីអពិសោធ និង ដំណើរអពិសោធ បាន។
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com