កីឡាជាតិ
ជាតិ
យុវជនម្នាក់ខ្ចីកង់គេជិះរាប់គីឡូម៉ែត្រដើម្បីទៅធ្វើតេស្តិ៍ Academy បាល់ទាត់នៅបាទី
×![]()
ដោយ: ថ្មីៗ
គ្មានអ្វីដែលអាចរារាំងក្តីស្រឡាញ់នោះឡើយ។ នៅថ្ងៃនេះ អ្នកចាំទីក្រុមកីឡាបាល់ទាត់ជម្រើសជាតិកម្ពុជា ស៊ូ យ៉ាទី បានចែករំលែកព័ត៌មានដ៏រំជួលចិត្តមួយទាក់ទងយុវជនវ័យក្មេងម្នាក់ដែលបានជិះកង់រាប់គីឡូម៉ែត្រពីតំបន់ភ្នំជីសូរ ទៅកាន់មជ្ឈមណ្ឌលកីឡាបាល់ទាត់ជាតិទន្លេបាទី។
បើតាម ស៊ូ យ៉ាទី យុវជនវ័យប្រហែល១៥ឆ្នាំ បានចេញដំណើរពីផ្ទះរបស់ខ្លួនតាំងពីម៉ោង៧ព្រឹក ហើយទៅកាន់មជ្ឈមណ្ឌលបាល់ទាត់ជាតិបាទី នៅម៉ោង១០ និង៣០នាទី។ សមាជិកក្រុមកីឡាបាល់ទាត់ជម្រើសជាតិកម្ពុជា ដែលកំពុងហ្វឹកហាត់ត្រៀមខ្លួនសម្រាប់ព្រឹត្តិការណ៍ AFF Suzuki Cup បានឃើញយុវជនរូបនោះ ហើយបានសាកសួរទាក់ទងដំណើររបស់គេទៅកាន់មជ្ឈមណ្ឌលបាល់ទាត់ជាតិបាទី។
«យើងមិនបានសួរឈ្មោះ និងព័ត៌មានលម្អិតពីគាត់ឡើយ ប៉ុន្តែគាត់បានប្រាប់ពួកខ្ញុំថា គាត់មានបំណងមកធ្វើតេស្តិ៍សម្រាប់ក្រុម Academy។ ជាចៃដន្យ ថ្ងៃនេះ មិនមានការធ្វើតេស្តិ៍នោះឡើយ ដូច្នេះគាត់ត្រូវត្រឡប់ទៅផ្ទះវិញទាំងសោកស្តាយ»។ នេះជាការបញ្ជាក់របស់អ្នកចាំទីក្លិបបឹងកេតអង្គរ មកកាន់សារព័ត៌មានថ្មីៗ។
យ៉ាទី បានរៀបរាប់បន្ថែមថា ក្មេងរូបនោះ មានលំនៅដ្ឋានជាង១០គីឡូម៉ែត្របន្ថែមទៀតពីភ្នំជីសូរ ខេត្តតាកែវ។ គាត់បានខ្ចីកង់គេជិះ ហើយម្តាយបានផ្តល់ប្រាក់៥០០០រៀល ដើម្បីចំណាយក្នុងករណីខូចកង់តាមផ្លូវ។
យុវជនដែលស្រឡាញ់កីឡាបាល់ទាត់រូបនោះ បានវិលត្រឡប់ទៅផ្ទះ ហើយសន្យាវិលត្រឡប់ទៅមជ្ឈមណ្ឌលបាល់ទាត់ជាតិសារជាថ្មី។ បើតាម ស៊ូ យ៉ាទី សមាជិកក្រុមកីឡាបាល់ទាត់ជម្រើសជាតិកម្ពុជា បាននាំគ្នារៀបចំបាយឲ្យក្មេងប្រុសរូបនោះ ហើយបានផ្តល់សម្ភារ និងថវិកាមួយចំនួនសម្រាប់រូបគេក្នុងការធ្វើដំណើរ។
«គាត់មិនចង់បានអ្វីពីយើងនោះឡើយ ប៉ុន្តែពួកខ្ញុំនៅតែនាំគ្នាផ្តល់ថវិកាបន្តិចចន្តួច និងសម្ភារខ្លះៗជូនគាត់ ហើយសង្ឃឹមថា គាត់អាចជួលម៉ូតូឌុប ឬម៉ូតូកង់បី ដើម្បីធ្វើដំណើរមកធ្វើតេស្តិ៍...»។ នេះជាការអះអាងរបស់ ស៊ូ យ៉ាទី៕
បើតាម ស៊ូ យ៉ាទី យុវជនវ័យប្រហែល១៥ឆ្នាំ បានចេញដំណើរពីផ្ទះរបស់ខ្លួនតាំងពីម៉ោង៧ព្រឹក ហើយទៅកាន់មជ្ឈមណ្ឌលបាល់ទាត់ជាតិបាទី នៅម៉ោង១០ និង៣០នាទី។ សមាជិកក្រុមកីឡាបាល់ទាត់ជម្រើសជាតិកម្ពុជា ដែលកំពុងហ្វឹកហាត់ត្រៀមខ្លួនសម្រាប់ព្រឹត្តិការណ៍ AFF Suzuki Cup បានឃើញយុវជនរូបនោះ ហើយបានសាកសួរទាក់ទងដំណើររបស់គេទៅកាន់មជ្ឈមណ្ឌលបាល់ទាត់ជាតិបាទី។
«យើងមិនបានសួរឈ្មោះ និងព័ត៌មានលម្អិតពីគាត់ឡើយ ប៉ុន្តែគាត់បានប្រាប់ពួកខ្ញុំថា គាត់មានបំណងមកធ្វើតេស្តិ៍សម្រាប់ក្រុម Academy។ ជាចៃដន្យ ថ្ងៃនេះ មិនមានការធ្វើតេស្តិ៍នោះឡើយ ដូច្នេះគាត់ត្រូវត្រឡប់ទៅផ្ទះវិញទាំងសោកស្តាយ»។ នេះជាការបញ្ជាក់របស់អ្នកចាំទីក្លិបបឹងកេតអង្គរ មកកាន់សារព័ត៌មានថ្មីៗ។
យ៉ាទី បានរៀបរាប់បន្ថែមថា ក្មេងរូបនោះ មានលំនៅដ្ឋានជាង១០គីឡូម៉ែត្របន្ថែមទៀតពីភ្នំជីសូរ ខេត្តតាកែវ។ គាត់បានខ្ចីកង់គេជិះ ហើយម្តាយបានផ្តល់ប្រាក់៥០០០រៀល ដើម្បីចំណាយក្នុងករណីខូចកង់តាមផ្លូវ។
យុវជនដែលស្រឡាញ់កីឡាបាល់ទាត់រូបនោះ បានវិលត្រឡប់ទៅផ្ទះ ហើយសន្យាវិលត្រឡប់ទៅមជ្ឈមណ្ឌលបាល់ទាត់ជាតិសារជាថ្មី។ បើតាម ស៊ូ យ៉ាទី សមាជិកក្រុមកីឡាបាល់ទាត់ជម្រើសជាតិកម្ពុជា បាននាំគ្នារៀបចំបាយឲ្យក្មេងប្រុសរូបនោះ ហើយបានផ្តល់សម្ភារ និងថវិកាមួយចំនួនសម្រាប់រូបគេក្នុងការធ្វើដំណើរ។
«គាត់មិនចង់បានអ្វីពីយើងនោះឡើយ ប៉ុន្តែពួកខ្ញុំនៅតែនាំគ្នាផ្តល់ថវិកាបន្តិចចន្តួច និងសម្ភារខ្លះៗជូនគាត់ ហើយសង្ឃឹមថា គាត់អាចជួលម៉ូតូឌុប ឬម៉ូតូកង់បី ដើម្បីធ្វើដំណើរមកធ្វើតេស្តិ៍...»។ នេះជាការអះអាងរបស់ ស៊ូ យ៉ាទី៕
Tag:
បាល់ទាត់
បាទី
ស៊ូ យ៉ាទី
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
