អត្ថបទពាណិជ្ជកម្ម
សិស្សានុសិស្ស ៨១៩នាក់ នៃសាលារៀន អន្តរទ្វីប អាមេរិកាំង ចូលរួមសិក្ខាសាលាស្តីពី ជំងឺមហារីកមាត់ស្បូន
×![]()
សិស្សានុសិស្សមធ្យមសិក្សាទុតិយភូមិនៃសាលារៀន អន្តរទ្វីប អាមេរិកាំង ទាំង៣សាខា សរុបប្រមាណចំនួន៨១៩នាក់ និងលោកគ្រូ អ្នកគ្រូ ព្រមទាំងបុគ្គលិកជាច្រើននាក់ផ្សេងទៀត បានចូលរួមសិក្ខាសាលាស្តីពី ជំងឺមហារីកមាត់ស្បូន ដែលរៀបចំឡើងដោយគណៈគ្រប់គ្រងសាលារៀន អន្តរទ្វីប អាមេរិកាំង តាមសាខានីមួយៗ កាលពីចុងសប្ដាហ៍កន្លងទៅថ្មីៗនេះ។
សូមជម្រាបជូនថា ជំងឺមហារីកមាត់ស្បូន (Cervical Cancer) ជាជំងឺមួយប្រភេទដែលកើតឡើងនៅពេលកោសិកាមាត់ស្បូនបន្ដរីកដុះដាលធំឡើងៗ ទើបជាហេតុធ្វើឱ្យរាងកាយស្ដ្រីមិនអាចគ្រប់គ្រងវាបាន ហើយជំងឺនេះមិនមែនកើតមានតែលើស្ត្រីវ័យចំណាស់ប៉ុណ្ណោះទេ ប៉ុន្ដែស្ត្រីស្ថិតនៅក្នុងវ័យបន្តពូជក៏កើតមានដែរ។ មកដល់បច្ចុប្បន្ន កម្ពុជាជាប្រទេសមួយដែលកំពុងមានស្ដ្រីទទួលរងការគំរាមកំហែងយ៉ាងខ្លាំង ពីជំងឺមហារីកមាត់ស្បូននេះ ពោលគឺកម្ពុជាមានស្ដ្រីកើតជំងឺមហារីកមាត់ស្បូនច្រើនជាងគេបំផុត ក្នុងចំណោមបណ្ដាប្រទេសនៅតំបន់អាស៊ីអាគ្នេយ៍។ នេះបើតាមការអះអាងរបស់ឱសថបណ្ឌិត ដោក ដាលីស ឯកទេសវិភាគកោសិកាមហារីក ដែលជាវាគ្មិនបានចូលរួមចែករំលែកចំណេះដឹង និងបទពិសោធនៅក្នុងសិក្ខាសាលានោះ។
ថ្លែងមកកាន់អ្នកសារព័ត៌មានយើង ឱសថបណ្ឌិតរូបនោះបញ្ជាក់បន្ថែមថា៖ “បច្ចុប្បន្ននេះ ជំងឺមហារីកមាត់ស្បូននៅកម្ពុជាកំពុងឈរលំដាប់ថ្នាក់លេខ១ ក្នុងចំណោមជំងឺមហារីកដទៃទៀតដែលកើតឡើងចំពោះស្ដ្រី ហើយបើយោងតាមស្ថិតិចេញផ្សាយក្នុងឆ្នាំ២០១៥ កន្លងមកនេះ ក្នុងមួយឆ្នាំៗមានស្ដ្រីប្រមាណ១,៥១២នាក់ បានកើតជំងឺនេះ និងក្នុងនោះមានស្ដ្រីប្រមាណ៧៩៥នាក់ ក៏បានស្លាប់ដោយសារជំងឺនេះដែរ”។
ជុំវិញកម្មវិធីសិក្ខាសាលានោះ បើតាមប្រធានចាងហ្វាង និងជាចាងហ្វាងមធ្យមសិក្សាទុតិយភូមិ សាខាចាក់អង្រែ លោក ជា សម្បត្តិ ថ្លែងថា ដោយមើលឃើញពីផលវិបាកដែលបណ្ដាលមកពីជំងឺនេះហើយ ទើបជាហេតុនាំឱ្យគណៈគ្រប់គ្រងសាលារៀន អន្ដរទ្វីប អាមេរិកាំង ផ្ដួចផ្ដើមឱ្យមានសិក្ខាសាលានេះឡើង។ ពោលគឺមានសុច្ឆន្ទៈមួយដើម្បីអប់រំសិស្សានុសិស្សឱ្យយល់ដឹងពីបញ្ហានៃជំងឺមហារីកមាត់ស្បូនដ៏កាចសាហាវមួយនេះ ដែលបច្ចុប្បន្នស្ដ្រីកម្ពុជាកំពុងប្រឈមយ៉ាងខ្លាំង។ លើសពីនេះ សិក្ខាសាលានេះក៏មានចេតនាពញ្ញាក់ស្មារតីឱ្យសិស្សចេះការពារខ្លួនតាមរយៈចាក់ថ្នាំបង្ការ និងចេះអនាម័យខ្លួនប្រាណ ពោលសុខភាពផ្លូវភេទជាដើមផងដែរ។
ថ្លែងក្នុងឱកាសនោះដែរ យុវតី ហ៊ាង ដានី ជាសិស្សថ្នាក់ទី១១ក នៃសាលារៀន អន្ដរទ្វីប អាមេរិកាំង បានបង្ហាញចំណាប់អារម្មណ៍ដោយរីករាយថា នេះជាចំណេះដឹងដ៏វិសេសវិសាលបំផុតចំពោះខ្លួន ដែលសាលាមួយនេះបានរៀបចំបង្កើតឱ្យមានសិក្ខាសាលាស្ដីពីបញ្ហាសុខភាពនៃជំងឺមហារីកមាត់ស្បូនបែបនេះ ព្រោះកន្លងមកយុវតីរូបនេះពុំបានដឹងថា អ្វីទៅជាជំងឺមហារីកមាត់ស្បូន និងជំងឺមហារីកមាត់ស្បូន ជាជំងឺដ៏កាចសាហាវខ្លាំងបែបនេះឡើយ។ ស្របជាមួយគ្នា ដានី អះអាងថា ខ្លួននឹងយកព័ត៌មានដែលទទួលបានតាមយៈសិក្ខាសាលានេះ ទៅចែករំលែកដល់ក្រុមគ្រួសារ ក៏ដូចជាមិត្តភក្តិដើម្បីបង្ការ។
គួររម្លឹកជូនដែរថា បើតាមអ្នកឯកទេសជំនាញជំងឺមហារីកមាត់ស្បូនសកលបានថ្លែងថា ដ្បិតជំងឺមហារីកមាត់ស្បូនជាជំងឺកាចសាហាវយ៉ាងនេះក៏ដោយក្ដី ក៏ស្រី្តនៅតែអាចចៀសវាងជំងឺនេះបានដែរ ពោលស្ទើរតែអាចបង្ការបាន១០០% ព្រោះជំងឺមហារីកមាត់ស្បូនពុំមែនជាជំងឺតំណពូជឡើយ។ ក្រុមអ្នកជំនាញអះអាងថា គេអាចបង្ការជំងឺនេះបានតាមរយៈវិធីបង្ការ៣ចំណុច។ ទី១ ស្ត្រីគ្រប់រូបត្រូវតែចាក់ថ្នាំបង្ការជំងឺមហារីកមាត់ស្បូន។ មានន័យថា ស្ដ្រីដែលមានអាយុចាប់ពី៩ឆ្នាំឡើងទៅ ត្រូវចាក់ថ្នាំបង្ការជំងឺមហារីកមាត់ស្បូនឱ្យបាន៣ដងតាមដំណាក់កាល។ ទី២ ការពារដោយការពិនិត្យសុខភាពមាត់ស្បូនឱ្យបានទៀងទាត់ ពោលស្ត្រីត្រូវតែទៅជួបពិគ្រោះយោបល់ជាមួយនឹងគ្រូពេទ្យឯកទេសលើជំងឺនេះ ដើម្បីពិនិត្យមើលសុខភាពមាត់ស្បូន យ៉ាងតិចឱ្យបាន៣ឆ្នាំម្ដងដែរ។ ទី៣ ចាំបាច់ណាស់ដែលស្ត្រីត្រូវតែធ្វើតេស្តរកមេរោគ HPV៕
( អត្ថបទសាលា )
សូមជម្រាបជូនថា ជំងឺមហារីកមាត់ស្បូន (Cervical Cancer) ជាជំងឺមួយប្រភេទដែលកើតឡើងនៅពេលកោសិកាមាត់ស្បូនបន្ដរីកដុះដាលធំឡើងៗ ទើបជាហេតុធ្វើឱ្យរាងកាយស្ដ្រីមិនអាចគ្រប់គ្រងវាបាន ហើយជំងឺនេះមិនមែនកើតមានតែលើស្ត្រីវ័យចំណាស់ប៉ុណ្ណោះទេ ប៉ុន្ដែស្ត្រីស្ថិតនៅក្នុងវ័យបន្តពូជក៏កើតមានដែរ។ មកដល់បច្ចុប្បន្ន កម្ពុជាជាប្រទេសមួយដែលកំពុងមានស្ដ្រីទទួលរងការគំរាមកំហែងយ៉ាងខ្លាំង ពីជំងឺមហារីកមាត់ស្បូននេះ ពោលគឺកម្ពុជាមានស្ដ្រីកើតជំងឺមហារីកមាត់ស្បូនច្រើនជាងគេបំផុត ក្នុងចំណោមបណ្ដាប្រទេសនៅតំបន់អាស៊ីអាគ្នេយ៍។ នេះបើតាមការអះអាងរបស់ឱសថបណ្ឌិត ដោក ដាលីស ឯកទេសវិភាគកោសិកាមហារីក ដែលជាវាគ្មិនបានចូលរួមចែករំលែកចំណេះដឹង និងបទពិសោធនៅក្នុងសិក្ខាសាលានោះ។
ថ្លែងមកកាន់អ្នកសារព័ត៌មានយើង ឱសថបណ្ឌិតរូបនោះបញ្ជាក់បន្ថែមថា៖ “បច្ចុប្បន្ននេះ ជំងឺមហារីកមាត់ស្បូននៅកម្ពុជាកំពុងឈរលំដាប់ថ្នាក់លេខ១ ក្នុងចំណោមជំងឺមហារីកដទៃទៀតដែលកើតឡើងចំពោះស្ដ្រី ហើយបើយោងតាមស្ថិតិចេញផ្សាយក្នុងឆ្នាំ២០១៥ កន្លងមកនេះ ក្នុងមួយឆ្នាំៗមានស្ដ្រីប្រមាណ១,៥១២នាក់ បានកើតជំងឺនេះ និងក្នុងនោះមានស្ដ្រីប្រមាណ៧៩៥នាក់ ក៏បានស្លាប់ដោយសារជំងឺនេះដែរ”។
ជុំវិញកម្មវិធីសិក្ខាសាលានោះ បើតាមប្រធានចាងហ្វាង និងជាចាងហ្វាងមធ្យមសិក្សាទុតិយភូមិ សាខាចាក់អង្រែ លោក ជា សម្បត្តិ ថ្លែងថា ដោយមើលឃើញពីផលវិបាកដែលបណ្ដាលមកពីជំងឺនេះហើយ ទើបជាហេតុនាំឱ្យគណៈគ្រប់គ្រងសាលារៀន អន្ដរទ្វីប អាមេរិកាំង ផ្ដួចផ្ដើមឱ្យមានសិក្ខាសាលានេះឡើង។ ពោលគឺមានសុច្ឆន្ទៈមួយដើម្បីអប់រំសិស្សានុសិស្សឱ្យយល់ដឹងពីបញ្ហានៃជំងឺមហារីកមាត់ស្បូនដ៏កាចសាហាវមួយនេះ ដែលបច្ចុប្បន្នស្ដ្រីកម្ពុជាកំពុងប្រឈមយ៉ាងខ្លាំង។ លើសពីនេះ សិក្ខាសាលានេះក៏មានចេតនាពញ្ញាក់ស្មារតីឱ្យសិស្សចេះការពារខ្លួនតាមរយៈចាក់ថ្នាំបង្ការ និងចេះអនាម័យខ្លួនប្រាណ ពោលសុខភាពផ្លូវភេទជាដើមផងដែរ។
ថ្លែងក្នុងឱកាសនោះដែរ យុវតី ហ៊ាង ដានី ជាសិស្សថ្នាក់ទី១១ក នៃសាលារៀន អន្ដរទ្វីប អាមេរិកាំង បានបង្ហាញចំណាប់អារម្មណ៍ដោយរីករាយថា នេះជាចំណេះដឹងដ៏វិសេសវិសាលបំផុតចំពោះខ្លួន ដែលសាលាមួយនេះបានរៀបចំបង្កើតឱ្យមានសិក្ខាសាលាស្ដីពីបញ្ហាសុខភាពនៃជំងឺមហារីកមាត់ស្បូនបែបនេះ ព្រោះកន្លងមកយុវតីរូបនេះពុំបានដឹងថា អ្វីទៅជាជំងឺមហារីកមាត់ស្បូន និងជំងឺមហារីកមាត់ស្បូន ជាជំងឺដ៏កាចសាហាវខ្លាំងបែបនេះឡើយ។ ស្របជាមួយគ្នា ដានី អះអាងថា ខ្លួននឹងយកព័ត៌មានដែលទទួលបានតាមយៈសិក្ខាសាលានេះ ទៅចែករំលែកដល់ក្រុមគ្រួសារ ក៏ដូចជាមិត្តភក្តិដើម្បីបង្ការ។
គួររម្លឹកជូនដែរថា បើតាមអ្នកឯកទេសជំនាញជំងឺមហារីកមាត់ស្បូនសកលបានថ្លែងថា ដ្បិតជំងឺមហារីកមាត់ស្បូនជាជំងឺកាចសាហាវយ៉ាងនេះក៏ដោយក្ដី ក៏ស្រី្តនៅតែអាចចៀសវាងជំងឺនេះបានដែរ ពោលស្ទើរតែអាចបង្ការបាន១០០% ព្រោះជំងឺមហារីកមាត់ស្បូនពុំមែនជាជំងឺតំណពូជឡើយ។ ក្រុមអ្នកជំនាញអះអាងថា គេអាចបង្ការជំងឺនេះបានតាមរយៈវិធីបង្ការ៣ចំណុច។ ទី១ ស្ត្រីគ្រប់រូបត្រូវតែចាក់ថ្នាំបង្ការជំងឺមហារីកមាត់ស្បូន។ មានន័យថា ស្ដ្រីដែលមានអាយុចាប់ពី៩ឆ្នាំឡើងទៅ ត្រូវចាក់ថ្នាំបង្ការជំងឺមហារីកមាត់ស្បូនឱ្យបាន៣ដងតាមដំណាក់កាល។ ទី២ ការពារដោយការពិនិត្យសុខភាពមាត់ស្បូនឱ្យបានទៀងទាត់ ពោលស្ត្រីត្រូវតែទៅជួបពិគ្រោះយោបល់ជាមួយនឹងគ្រូពេទ្យឯកទេសលើជំងឺនេះ ដើម្បីពិនិត្យមើលសុខភាពមាត់ស្បូន យ៉ាងតិចឱ្យបាន៣ឆ្នាំម្ដងដែរ។ ទី៣ ចាំបាច់ណាស់ដែលស្ត្រីត្រូវតែធ្វើតេស្តរកមេរោគ HPV៕
( អត្ថបទសាលា )
© រក្សាសិទ្ធិដោយ thmeythmey.com
