ជាតិ
សម្តេច ហ៊ុន សែន នឹកអាណិតចៅ៤នាក់ក្រោយការបាត់បង់សម្តេច សុខ អាន ជាដន្លង រូបថតដែលសម្តេច ហ៊ុន សែន ថតជាមួយចៅរបស់ខ្លួន ហើយបង្ហោះនៅលើហ្វេសប៊ុកនៅថ្ងៃទី២៣ ខែមីនា ឆ្នាំ២០១៧
× សម្តេច ហ៊ុន សែន តាមរយៈហ្វេសប៊ុករបស់ខ្លួន បានបង្ហោះរូបថតជាមួយចៅម្នាក់ក្នុងចំណោម៤នាក់ដែលជាសាច់ឈាមរបស់សម្តេចរួមជាមួយសម្តេច សុខ អាន ជាដន្លង។ សម្តេចនាយករដ្ឋមន្ត្រី បានសរសេរជាមួយអត្ថន័យដ៏សង្វេគចំពោះចៅៗ បន្ទាប់ពីពួកគេបានបាត់បង់សម្តេច សុខ អាន ដែលជាជីតាខាងឪពុក។
សម្តេច ហ៊ុន សែន បានសរសេរថា៖ «សម្រាប់ខ្ញុំការបាត់បង់សម្តេចវិបុលបញ្ញា សុខ អាន មិនគ្រាន់តែបាត់បង់អ្នកធ្វើការជាមួយគ្នាប៉ុណ្ណោះទេ តែជាការបាត់បង់នូវដន្លងដែលត្រូវទទួលខុសត្រូវរួមគ្នាលើចៅចំនួន៤នាក់ [កូនរបស់លោក សុខ ពុទ្ធិវុធ និងអ្នកស្រី ហ៊ុន ម៉ាលី]។
សម្តេចបានបន្ថែមថា៖ «ពិតជាសង្វេគនៅពេលខ្ញុំសួរចៅខ្ញុំថាបាត់សក់ក្បាលទៅណា?ចៅខ្ញុំឆ្លើយថាឲ្យលោកតាសុខ អាន ខ្ញុំសួរទៀតថាលោកតាសុខ អាន ពេលនេះនៅឯណា ចៅខ្ញុំឆ្លើយថាលោកថាសុខ អាននៅផ្ទះគាត់។ចៅពិតជាមិនទាន់ដឹងថាជីតាបានលាចាកលោកនេះទៅហើយ»៕
Tag:
សម្តេច ហ៊ុន សែន
សម្តេច សុខ អាន
© រក្សាសិទ្ធិដោយ thmeythmey.com