ជាតិ
USAID បន្ថែមជំនួយ១.៨លានដុល្លារ ដល់ គ.ជ.ប រៀបចំការបោះឆ្នោតឲ្យមានប្រសិទ្ធភាព
រូបថត AP
×![]()
ដោយ: ថ្មីៗ
ទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ (USAID) បានប្រកាសផ្តល់មូលនិធិថ្មី ចំនួន ១.៨លានដុល្លារ ដើម្បីគាំទ្រដល់កិច្ចខិតខំប្រឹងប្រែងរបស់ គ.ជ.ប។ បើតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា មូលនិធិថ្មីនេះ នឹងជួយធ្វើឲ្យប្រាកដថា គ.ជ.ប ធ្វើតាមការប្តេជ្ញារបស់ខ្លួន ក្នុងការរៀបចំការបោះឆ្នោតមួយឲ្យមានប្រសិទ្ធភាព និងធ្វើកំណែទម្រង់ប្រព័ន្ធបោះឆ្នោតប្រកបដោយអត្ថន័យ តាមរយៈការបោះឆ្នោតឃុំ សង្កាត់ ឆ្នាំ២០១៧ និងការបោះឆ្នោតជ្រើសរើសតំណាងរាស្ត្រ ឆ្នាំ២០១៨ ។
ទីភ្នាក់ងារសហរដ្ឋអាមេរិកសំរាប់អភិវឌ្ឍន៍អន្តរជាតិ (USAID) បានប្រកាសមូលនិធិអំណោយថ្មីមួយ ដែលមានទឹកប្រាក់ចំនួន ១,៨ លានដុល្លារអាមេរិក ដើម្បីគាំទ្រដល់កិច្ចខិតខំប្រឹងប្រែងរបស់គណៈកម្មាធិការជាតិរៀបចំការបោះឆ្នោត(គ.ជ.ប) សម្រាប់ការរៀបចំការបោះឆ្នោតឆ្នាំ២០១៧ និងឆ្នាំ២០១៨ ខាងមុខ។
សេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា ចេញផ្សាយនៅថ្ងៃទី៦ ខែមេសា បញ្ជាក់ថា មូលនិធិថ្មីនេះមានរយៈពេល២ឆ្នាំ។ មូលនិធិថ្មី នឹងត្រូវផ្តល់ឲ្យទៅមូលនិធិអន្តរជាតិសម្រាប់ប្រព័ន្ធបោះឆ្នោត(IFES) ដើម្បីជួយ គ.ជ.ប ក្នុងការធ្វើយុទ្ធនាការអប់រំអ្នកបោះឆ្នោត ពង្រឹងដំណើរការដោះស្រាយវិវាទនៅក្នុងការបោះឆ្នោត និងលើកកម្ពស់សមត្ថភាពរបស់គ.ជ.ប ក្នុងការរក និងបន្ថយចំណុចខ្សោយ នៅក្នុងប្រព័ន្ធបោះឆ្នោតនៅកម្ពុជា។
មូលនិធិថ្មីនេះ នឹងជួយធ្វើឲ្យប្រាកដថា គ.ជ.ប ធ្វើតាមការប្តេជ្ញារបស់ខ្លួន ក្នុងការរៀបចំការបោះឆ្នោតមួយឲ្យមានប្រសិទ្ធភាព និងធ្វើកំណែទម្រង់ប្រព័ន្ធបោះឆ្នោត ប្រកបដោយអត្ថន័យ តាមរយៈការបោះឆ្នោតឃុំ សង្កាត់ នៅឆ្នាំ២០១៧ និងការបោះឆ្នោតជាតិ នៅឆ្នាំ ២០១៨ ។ នេះបើតាមសេចក្តីប្រកាសព័ត៌មាន។
លោក William Heidt ឯកអគ្គរដ្ឋទូតអាមេរិកប្រចាំកម្ពុជា បានថ្លែង ថា ការចូលរួមក្នុងការបោះឆ្នោត គឺជាគ្រឹះនៃលទ្ធិប្រជាធិបតេយ្យដ៏ល្អមួយ។ លោក Heidt បញ្ជាក់បន្ថែមដូច្នេះថា៖«យើងរីករាយនឹងធ្វើការជាមួយ គ.ជ.ប អង្គការសង្គមស៊ីវិល គណបក្សនយោបាយនានា ដើម្បីបន្តពង្រឹងលទ្ធិប្រជាធិបតេយ្យនៅកម្ពុជា»។
មូលនិធិថ្មីនេះ គឺបន្តពីជំនួយកន្លងមករបស់ទីភ្នាក់ងារ USAID ផ្តល់ដល់គ.ជ.ប ដែលរួមមានការវាយតម្លៃសមត្ថភាពផ្ទៃក្នុង ការបណ្តុះបណ្តាលស្តីពីការគ្រប់គ្រងការបោះឆ្នោត និងជំនួយដើម្បីធ្វើសេចក្តីប្រកាសរបស់ផ្នែកសេវាសាធារណៈ ស្តីពីការចុះឈ្មោះអ្នកបោះឆ្នោត។
សូមបញ្ជាក់ថា USAID ត្រូវបានបង្កើតឡើង នៅក្នុងឆ្នាំ១៩៦១ ដោយលោកប្រធានាធិបតី John F. Kennedy និងជាទីភ្នាក់ងារឈានមុខគេរបស់រដ្ឋាភិបាលអាមេរិកក្នុងការផ្តល់ជំនួយបរទេស។ ចាប់តាំងពីឆ្នាំ ១៩៩២មក USAID បានផ្តល់ថវិកា ប្រមាណជា១ពាន់លានដុល្លារ ដល់ការអភិវឌ្ឍប្រទេសកម្ពុជា៕
ទីភ្នាក់ងារសហរដ្ឋអាមេរិកសំរាប់អភិវឌ្ឍន៍អន្តរជាតិ (USAID) បានប្រកាសមូលនិធិអំណោយថ្មីមួយ ដែលមានទឹកប្រាក់ចំនួន ១,៨ លានដុល្លារអាមេរិក ដើម្បីគាំទ្រដល់កិច្ចខិតខំប្រឹងប្រែងរបស់គណៈកម្មាធិការជាតិរៀបចំការបោះឆ្នោត(គ.ជ.ប) សម្រាប់ការរៀបចំការបោះឆ្នោតឆ្នាំ២០១៧ និងឆ្នាំ២០១៨ ខាងមុខ។
សេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា ចេញផ្សាយនៅថ្ងៃទី៦ ខែមេសា បញ្ជាក់ថា មូលនិធិថ្មីនេះមានរយៈពេល២ឆ្នាំ។ មូលនិធិថ្មី នឹងត្រូវផ្តល់ឲ្យទៅមូលនិធិអន្តរជាតិសម្រាប់ប្រព័ន្ធបោះឆ្នោត(IFES) ដើម្បីជួយ គ.ជ.ប ក្នុងការធ្វើយុទ្ធនាការអប់រំអ្នកបោះឆ្នោត ពង្រឹងដំណើរការដោះស្រាយវិវាទនៅក្នុងការបោះឆ្នោត និងលើកកម្ពស់សមត្ថភាពរបស់គ.ជ.ប ក្នុងការរក និងបន្ថយចំណុចខ្សោយ នៅក្នុងប្រព័ន្ធបោះឆ្នោតនៅកម្ពុជា។
មូលនិធិថ្មីនេះ នឹងជួយធ្វើឲ្យប្រាកដថា គ.ជ.ប ធ្វើតាមការប្តេជ្ញារបស់ខ្លួន ក្នុងការរៀបចំការបោះឆ្នោតមួយឲ្យមានប្រសិទ្ធភាព និងធ្វើកំណែទម្រង់ប្រព័ន្ធបោះឆ្នោត ប្រកបដោយអត្ថន័យ តាមរយៈការបោះឆ្នោតឃុំ សង្កាត់ នៅឆ្នាំ២០១៧ និងការបោះឆ្នោតជាតិ នៅឆ្នាំ ២០១៨ ។ នេះបើតាមសេចក្តីប្រកាសព័ត៌មាន។
លោក William Heidt ឯកអគ្គរដ្ឋទូតអាមេរិកប្រចាំកម្ពុជា បានថ្លែង ថា ការចូលរួមក្នុងការបោះឆ្នោត គឺជាគ្រឹះនៃលទ្ធិប្រជាធិបតេយ្យដ៏ល្អមួយ។ លោក Heidt បញ្ជាក់បន្ថែមដូច្នេះថា៖«យើងរីករាយនឹងធ្វើការជាមួយ គ.ជ.ប អង្គការសង្គមស៊ីវិល គណបក្សនយោបាយនានា ដើម្បីបន្តពង្រឹងលទ្ធិប្រជាធិបតេយ្យនៅកម្ពុជា»។
មូលនិធិថ្មីនេះ គឺបន្តពីជំនួយកន្លងមករបស់ទីភ្នាក់ងារ USAID ផ្តល់ដល់គ.ជ.ប ដែលរួមមានការវាយតម្លៃសមត្ថភាពផ្ទៃក្នុង ការបណ្តុះបណ្តាលស្តីពីការគ្រប់គ្រងការបោះឆ្នោត និងជំនួយដើម្បីធ្វើសេចក្តីប្រកាសរបស់ផ្នែកសេវាសាធារណៈ ស្តីពីការចុះឈ្មោះអ្នកបោះឆ្នោត។
សូមបញ្ជាក់ថា USAID ត្រូវបានបង្កើតឡើង នៅក្នុងឆ្នាំ១៩៦១ ដោយលោកប្រធានាធិបតី John F. Kennedy និងជាទីភ្នាក់ងារឈានមុខគេរបស់រដ្ឋាភិបាលអាមេរិកក្នុងការផ្តល់ជំនួយបរទេស។ ចាប់តាំងពីឆ្នាំ ១៩៩២មក USAID បានផ្តល់ថវិកា ប្រមាណជា១ពាន់លានដុល្លារ ដល់ការអភិវឌ្ឍប្រទេសកម្ពុជា៕
Tag:
USAID
គ.ជ.ប
បោះឆ្នោត
ជំនួយ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
